Daniẹl 11:35 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³⁵ ihwo evo vwẹ usun rẹ ihwo na ri vwo ọhọ ji che she, ra vwọ fan ayen je nabọ hworhe ayen, re vwo ru ayen fuanfon, bẹsiẹ rẹ oba na vwo te, kidie ọke re bruru na ji te-e.

Daniẹl 11:35 ပူးပေါင်းရင်းမြစ်များ

2 Ikun rẹ Ivie 32:31

Vwọ kpahe ota rẹ ihwo rẹ ovie ri Babilọn ji rhe, ne rhe guọnọ otọ rẹ oka rọ cha phia vwẹ otọ na, Ọghẹnẹ da yan jovwo kẹ oma rọye; rere ọ vwọ davwọ ni rọ vwọ riẹn obo re hẹ udu rọye.

Isẹ 17:3

Ẹphẹre a vwọ wran idọnọ, ẹkuerhanre kọye a vwọ wran oro, Ọrovwohwo re davwa udu rẹ ihwo nẹ.

Aizaya 27:9

Vwẹ oma rẹ ọnana kọye e vwo phoro abe ri Jekọp nu. Ọnana kọye cha dia omamọ rẹ emamọ rẹ esiono rẹ umwemwu rọye; vwẹ ọke ro de ru ibieragha rẹ agbada na kerẹ ukori rẹ ọnrhe ra nọre vworovworo, te ighriki vẹ agbada ra da torhẹ egẹn gbi se mudia-a.

Daniẹl 11:27

Vwọ kẹ ivie ivẹ na, ẹnwẹn rẹ umwemwu ọvo kọye cha vọn ayen evun, ayen cha vwọrọn efian vwẹ enu rẹ imẹjẹ ọvuọvo na, ẹkẹvuọvo o che vwo otọ-ọ; kidie oba na che te vwẹ obọ vwẹ ọke re bruru na.

Daniẹl 11:29

Ọke re bruru na de te kọ che rhivwi rhe obuko ọnre na, ẹkevuọvọ ọke nana rha cha dia kere ọke rẹsosuọ-ọ.

Daniẹl 11:33

Ihwo evo vwẹ ohri rẹ ihwo na ri vwo ọhọ cha nẹrhẹ ihwo buebu vwo ọhọ owenẹ a vwẹ ọlọkọ vẹ erhanre hwe ayen, imu eyẹ ugborho, vwẹ ẹmẹ ẹdẹ krẹn.

Daniẹl 11:40

Ọke rẹ obo oba na de te ovie rẹ obuko ọnre na ko che nene họnre, ẹkẹvuọvo ovie rẹ obọhwẹre ọnre kọ cha họrhọ ruọ kerẹ ukori rẹ odju vẹ ekpẹrẹ rẹ ofovwi vẹ ihwo re gua iyesi, vẹ ekọ buebu, ko che te irho buebu ko phi ayen kparobọ ọ me wanvrẹn

Daniẹl 12:3

Ihwo re ghwanre ki che lọ wrowro vwo obo irharhe, otu re rhẹriẹ ihwo buebu hirhe phihọ ọvwata, ke cha dia kerẹ isio bẹdẹ bẹdẹ.

Daniẹl 12:4

Ẹkẹvuọvo wẹ, Daniẹl, rhurhu eta na, ko ọbe na gbe, bẹsiẹ rẹ ọke rẹ oba na vwo te. Ihwo buebu cha djẹ rhe djẹ kpo, erianriẹn che bu phihọ.

Daniẹl 8:10

Ọ da tan rhuarho gangan, rhiri re te irharheghe, otu re isio evo re hẹ obenu na, o de gere ayen she phihọ otọ, o de chiyi ayen muotọ.

Daniẹl 8:17

Etiyin ọ de rhi sikerẹ asan ri mi mudia phihọ rọ vwọ rhe re, ọshọ de mu vwẹ mi de she bọvwọn opharo rhuotọ. Ẹkẹvuọvo ọ da ta kẹ vwẹ, Jọ ro wẹ, E Ọmọ rẹ ohwo, nẹ emramrẹ nana ọye ọ rẹ ọke rẹ oba na.

Daniẹl 8:19

O da ta, Nighe, me cha nẹrhẹ wọ riẹn obo re cha phia vwẹ obo oba rẹ ophu na, kidie ọ kpoma phihọ ọke rẹ obo oba re bruphihọ otọ na.

Daniẹl 9:27

Ọ vẹ ihwo buebu ke cha re ọphọ ọgangan vwẹ edidjana ọvo; ubro rẹ edidjana ọfa izobo re zeri kọ daji, vwẹ enu rẹ ibekpe rẹ ẹguegbe, kọye ohwo ọvo rọ cha kua fiọtọ che nurhe, bẹsiẹ ra cha vwọ kpare oba rẹ urhi rọye na ku ọ ro gburhi na.

Habakọk 2:3

Kidie emramrẹ na je hẹrhẹ ọke rọye; o re broma kpo obo oba, ọ cha vwọrọn efia-an. Ọ da dianẹ o gbẹ egherẹ, hẹrhẹ; o che jẹ ẹcha-a, o che krinọ-ọ.

Zekaraya 13:9

Ki mi che phi ẹkẹn rerha nana phihọ erhanre, re ruo fon kirobo re ru idọnọ fuan ye, ka davwe ayen kirobo ra davwe oro na. Ayen se odẹ Mẹ, ki mi nyo ke ayen. Ke Me ta nẹ, Ayen ihwo mẹ, Kẹ ayen ta nẹ, Ọrovwohwo na Ọghẹnẹ Mẹ.

Matiu 16:17

Jesu da kpahe ta kẹ nẹ, Ebruba kẹ wẹ Saimọn omo ri Jona; kidie ugboma eyẹ ọbara djere kẹ wẹ-ẹ, jokpa rẹ ọsẹ mẹ rọ hẹ obo odjuvwu.

Matiu 26:56

Ẹkẹvuọvo enana ejobi ruru rere ebẹ ọfuanfo na vwọ gba. Idibo na ejobi da yan jovwo, ayen da djẹ.

Iyẹnrẹ Esiri ri Jọn 15:2

Ọghọn koghọn mẹ rọ mọ ubi-i, ke sio no, oghọn koghọn mẹ rọ mọ ubi kọ rhuẹrẹ phihọ rere ọ vwọ mọ ibi buebu.

Iyẹnrẹ Esiri ri Jọn 20:25

Kọye idibo ri chekọ na da ta kẹ, Avwanre mrẹ Ọrovwohwo na. Ẹkẹvuọvo ọ da ta kẹ ayen, Jokpa nẹ me mrẹ inu rẹ ibibẹ duvwuru vwẹ abọ rọye, ri mi de duvwu urhiabọ mẹ phihọ unu rẹ ibibẹ na-a, re mi de ji duvwu obọ mẹ phihọ efẹn rọye-e, mi se segbuyota-a.

Iruo rẹ Iyinkọn na 13:13

Vwẹ ọke nana Pọl vẹ irivẹ rọye da ro okọ nẹ Pafọs, kpo Pẹga vwi Pamfilia. Jọn da yan jẹ ayen vwo kpo Jerusalẹm;

Urhi Rivẹ 8:16

ọ rọ vwẹ mana ghẹrẹ owẹ vwẹ evun rẹ aghwa na, mana rẹ esẹ wẹn riẹnre-e; ro vwo ru we vwẹ oma kpotọ, rọ vwọ davwẹ owẹ ni, ro vwo ru we yovwi vwẹ oba rẹ akpọ wẹn;

Jems 1:2

Imoni mẹ, ovwan ghọghọ, vwẹ ọke rẹ ọdavwini de te ovwan oma;

Ẹvwọphia 14:15

Amakashe ọfa de nẹ evun rẹ uwevwi rẹ ẹga na rhe, ọ da van se ohwo ro tidia vwẹ enu rẹ egho na, Yoro ubiakpa wẹn rhe, re wo vu, kidie ọke rẹ ivuevu na tere, kidie orhọ rẹ akpọ na nabọ ghwore.

Ẹvwọphia 17:17

kidie Ọghẹnẹ phiro phihọ udu rayen rere ayen vwo ru iroro rọye kọye ayen vwọ dia iroro ọvo rẹ ayen vwọ vwẹ ogangan rẹ ovie rayen vwọ kẹ eranvwe na, bẹsiẹ rẹ ota rẹ Ọghẹnẹ vwọ gba.

Ẹvwọphia 2:10

Wọ djẹ oshọ rẹ oja ru wọ cha re na-a. Nighe, idẹbono cha kpare ẹvo vwẹ usun rẹ ovwan na phihọ uwodi, rere a davwe ovwan ni, kẹ ovwan reoja ẹdẹ ihwe soso. Ovwan vwo esegbuyota re te ughwu, ke me vwẹ erhu rẹ arhọ na kẹ ovwan.

Ẹvwọphia 7:14

Me da ta kẹ, ọrovwori, wẹ re riẹnrẹ. Ọ da ta kẹ vwẹ, Enana hẹ ihwo ri nẹ evun rẹ ukpokpogho rode na rhe; ayen fọnrhọn edagba rayen fon vwẹ ọbara rẹ Omogodẹ na.