Daniẹl 11:32 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³² Kọ cha vwẹ unuerarọ vẹ ọphiẹnvwe phiẹn ihwo ri gbe ọphọ na ku; ẹkẹvuọvo ihwo re riẹn Ọghẹnẹ rayen che mudia gan ke ayen họnre.

Daniẹl 11:32 ပူးပေါင်းရင်းမြစ်များ

1 Ikun rẹ Ivie 28:9

Wẹ, Solomọn rẹ ọmọ mẹ, riẹn Ọghẹnẹ rẹ esẹ wẹn, rere wọ ga vwẹ udu wẹn ejobi vẹ udu rẹ ẹguọnọ; kidie Ọrovwohwo re hiẹn ubiudu, ọ me rha riẹn iroro kiroro vẹ ona ejobi. Wọ da guọnọ, ku wọ mrẹ, ẹkẹvuọvo wọ da siọn, kọ djẹ wẹ kufia bẹdẹ.

Nehemaya 4:14

Mi de ni, mi de vrẹn, me da ta ke ehọnvwọre iruiruo kugbe ihwo ri chekọ na ejobi, wa djẹ oshọ re aye-en. Karohọ Ọrovwohwo na, rọ rhoro rọ muoshọ, rere wa họnre kẹ imoni, emọ wẹn, emetẹ wẹn, eya wẹn kugbe uwevwi wẹn.

Une rẹ Ejiro 9:10

Ihwo re riẹn odẹ wẹn vwẹ ẹro so wẹ, kidie wẹ, E Ọrovwohwo, wọ je sen ihwo re guọnọ owẹ dẹvo-o.

Isẹ 19:5

Ohwo ro se oseri rẹ efian jẹ oja ẹriọ-ọ, ọ rọ rha vwọrọn ofian cha sa djẹ vabọ-ọ.

Isẹ 26:28

Ẹrẹnvwe rọ vwọrọn ofian tuẹ oma re ohwo ro guẹn na, unu rọ ta ọpata cha ghwọrọ kufia.

Jerimaya 31:34

Ohwo rhe se yọnọ ọrivẹ eyẹ omoni rọye ọfa-a, nẹ, Riẹn Ọrovwohwo na, kidie ayen ejobi cha riẹn vwẹ, nẹ otete rayen re te ọrode rayen, eriyin Ọrovwohwo tare, kidie me cha vwẹ orukuruku rayen vrẹn ayen, me gbe cha karohọ umwemwu rayen ọfa-a.

Daniẹl 11:21

Vwẹ ẹdia rọye orharhe rẹ ohwo che mu ohwo re ji mu ọghọ rẹ ovie kẹ-ẹ; ọ cha rhe ọ cha vuẹ ohwo ọvuọvo-o kọ cha vwẹ unuẹrarọ vwọ reyọ uvie na.

Daniẹl 11:34

Ọke rẹ ayen de she, ayen ke cha mrẹ ọmọchuko krẹn. Ihwo buebu cha vwẹ ota rẹ ophiẹnvwe kuoma kugbe ayen;

Zekaraya 10:12

Mi ru ayen goma vwẹ evun rẹ Ọrovwohwo ayen che vwo urinrin vwẹ ode rọye, Ọrovwohwo tare.

Malakae 4:2

Ẹkẹvuọvo vwọ kẹ ovwan re djẹ oshọ mẹ na uvo rẹ ọvwata cha bẹrẹ mu ayen, ọ vẹ esivwo vwẹ ibekpe rọye. Ku we che pho kerẹ upene rẹ erhuẹn ro nẹ urhuẹn rọye cha.

Iyẹnrẹ Esiri ri Jọn 17:3

Ọnana hẹ arhọ ro vwo oba-a na, rere ayen vwọ riẹn owẹ ọvo rẹ Ọghẹnẹ rẹ uyota na, kugbe Jesu Kristi ru wo ji rhe na.

1 Jọn 5:20

Yẹ avwanre riẹnre nẹ Ọmọ rẹ Ọghẹnẹ na rhe nure ọ da kẹ avwanre ẹruọ, ra vwọ riẹn ohwo rẹ uyota; evun rẹ ohwo rẹ uyota na kọye avwanre epha, evun rẹ Ọmọ rọye na Jesu Kristi. Ọnana hẹ Ọghẹnẹ rẹ uyota kugbe arhọ ri bẹdẹ na.

Ẹvwọphia 6:11

A da vwẹ adagba ọfuanfon vwọ kẹ ayen ohwo ọvuọvo a da ta kẹ ayen nẹ i rovwoma emerha, bẹsiẹ rẹ unu rẹ idibo rayen ri chekọ kugbe imoni rayen ri chekọ vwọ gba, ihwo re hweri kirobo re ji hwe okpuyovwi rẹ ayen.