Daniẹl 11:30 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³⁰ Kidie ekọ rẹ Kitim che muẹkpahọ, ọshọ ko muo, ko sioma reyọ, kọ che sioma te uko ophu ko muo, kọ cha vwọ sọ ọphọ ọfuanfọn na. Ko che rhivwi ọ me kerhọn re ihwo re siẹn ọphọ ọfuanfọn na.

Daniẹl 11:30 ပူးပေါင်းရင်းမြစ်များ

Jẹnẹsis 10:4

Emọ ri Javan Elishah, Tarshish, Kitim, kugbe Dodanim.

1 Ikun rẹ Ivie 1:7

Emọ ri Javan: Elishah, Tarshish, Kittim, kugbe Rodanim.

Nehemaya 6:12

Me da riẹn, Me da mrẹ ne ọ dianẹ Ọghẹnẹ ri jiro-o, ọ de mraro nana ghevweghe kpahe ovwẹ kidie Tobiah vi Sanballat durhire.

Aizaya 23:1

Arọẹmrẹ kpahe Taya, Berọma, E eko ri Tarshish, kidie a ghwọrọ Taya totọ, uwevwi chekọ vwo siẹvo kẹ erhuru-u! Kẹ otọ ri Saiprọs a da vwọ phia kẹ ayen.

Aizaya 23:12

Ọ da ta. Wọ gbi mu oma kpenu ọfa-a E ọmọtobe ri Sidọn re shenyẹ, vrẹn wan vrẹn kpọ Saiprọs, oboyi dede na oma ji che fu vwe-e.

Jerimaya 2:10

Samu kpọ erhuru ri Saiprọs re wọ mrẹ, eyẹrẹ ji ohwo kpo Kida wọ fuẹrẹ; wọ sa mrẹ emu ọtiọye dẹvure.

Izikiẹl 27:6

Vwẹ ehahe ri Bashan ọye ayen vwọ kare uvi wẹn, ayen da vwẹ afọn so erheri ọ ro nẹ erhuru ri Saiprọs rhe, ra vwẹ akeni vwọ phare.

Daniẹl 11:28

Kọ che rhivwi rhe otọ rọye vẹ eyere buebu, ẹkẹvuọvo udu rọye kọ che mu kpahe ọphọ ọfuanfon na. Ko che ru obo ri jere ro de hirhe kpo otọ rọye.

Daniẹl 11:29

Ọke re bruru na de te kọ che rhivwi rhe obuko ọnre na, ẹkevuọvọ ọke nana rha cha dia kere ọke rẹsosuọ-ọ.

Daniẹl 7:25

Ọ cha ta ota rẹ ẹgua kpahe Ọ ro Me Kpenu na, ko che shenyẹ ihwo efuanfon rẹ Ọ ro Me Kpenu na, kọ cha jẹ iroro kpahẹ ewene rẹ ọke orẹ vẹ irhi na; ke che siobọ nẹ ayen vwọ kẹ usuo rọye vwẹ ẹgbukpe erha gbẹ ubro.

Ukeri 24:24

Ẹkẹvuọvo ekọ che nẹ Kitim cha ke cha họnre Asshur kugbe Eber; ekpuyovwi rọye ka guọghọ rhe.

Matiu 24:10

Ihwo buebu ki che she, ohwohwo ko che mu ohwohwo; ivun che di mu ihwo miovwẹ.

Ẹvwọphia 12:12

Ghọghọ, E odjuvwu kugbe ovwan re dia evun rọye! Ẹkẹvuọvo eka kẹ ovwan, E akpọ kugbe abadi, kidie idẹbono wotọ bru ovwan rhire vwẹ evun rẹ ophu rode, fikiridie ọ riẹnre nẹ ọke rọye pha krẹkrẹ.