Daniẹl 11:28 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁸ Kọ che rhivwi rhe otọ rọye vẹ eyere buebu, ẹkẹvuọvo udu rọye kọ che mu kpahe ọphọ ọfuanfon na. Ko che ru obo ri jere ro de hirhe kpo otọ rọye.

Daniẹl 11:28 ပူးပေါင်းရင်းမြစ်များ

Daniẹl 11:22

Otuofovwi na ejobi ke che hwerhe ayen yanran a me guọghọ ayen nu vwẹ irharo rọye, ji te osun rẹ ọphọ na rhe.

Daniẹl 11:27

Vwọ kẹ ivie ivẹ na, ẹnwẹn rẹ umwemwu ọvo kọye cha vọn ayen evun, ayen cha vwọrọn efian vwẹ enu rẹ imẹjẹ ọvuọvo na, ẹkẹvuọvo o che vwo otọ-ọ; kidie oba na che te vwẹ obọ vwẹ ọke re bruru na.

Daniẹl 11:29

Ọke re bruru na de te kọ che rhivwi rhe obuko ọnre na, ẹkevuọvọ ọke nana rha cha dia kere ọke rẹsosuọ-ọ.

Daniẹl 8:12

Otu na vẹ izobo ra tọrhe kẹ kọke kọke na fiki rẹ ẹguegbe na e de mie ayen vwọ kẹ, a da guọghọ uyota te otọ, O de yovwi kẹ ighoro na vwẹ emu ejobi ro ruẹ.

Daniẹl 8:24

Ogangan rọye kọ cha rho, kọ cha guọghọ eguọghọ ro muoshọ, kemu kemu ro ruru ejobi ko shephihọ kẹ, kọ guọghọ eshare vẹ ẹgba kugbe ihwo efuanfon na.

Iruo rẹ Iyinkọn na 3:25

Ovwan ke emọ rẹ emraro na vwẹ oma rẹ ọphọ na rẹ Ọghẹnẹ vẹ esẹ rẹ ovwan rere, rọ vwọ ta kẹ Ebraham nẹ, Uvwiẹ wẹn kọye cha nẹrhẹ Uvwiẹ rẹ akpọ na ejobi vwo ebruphihọ.