Daniẹl 11:27 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁷ Vwọ kẹ ivie ivẹ na, ẹnwẹn rẹ umwemwu ọvo kọye cha vọn ayen evun, ayen cha vwọrọn efian vwẹ enu rẹ imẹjẹ ọvuọvo na, ẹkẹvuọvo o che vwo otọ-ọ; kidie oba na che te vwẹ obọ vwẹ ọke re bruru na.

Daniẹl 11:27 ပူးပေါင်းရင်းမြစ်များ

2 Samuẹl 13:26

Absalọm da ta, Wọ rha rhọvwe-e na, biko gbe jẹn omoni mẹ Amnọn nene avwanre. Ovie da ta kẹ, Die sorọ o vwo nene uwe ra?

Une rẹ Ejiro 12:2

Kohwo kohwo vwọrọn efian kẹ ọrivẹ rọye; avwavwe ebro kugbe ẹrenvwe ivivẹ udu rayen vwọ ta ota.

Une rẹ Ejiro 52:1

Die wọ vwọ yan eyan, E ọgba re ohwo na re umwemwu ru wo ru kpahe ohwo esiri? Vwe ẹdẹ na ejobi wọ ra je iroro rẹ ẹguọghọ.

Une rẹ Ejiro 58:2

Ẹjo, iroro umwemwu wọ jẹ vwẹ evun rẹ udu wẹn; abọ wẹn ruẹ emu gidigidi akpọ na.

Une rẹ Ejiro 62:9

Ihwo ri kpotọ emu ghevweghe, ihwo ri kpenu ji ophiẹnvwe; a da vwavwọn ayen; ayen pharhe nọ emu diodi.

Une rẹ Ejiro 64:6

Kono sa hiẹ oruchọ re avwanre phia? Avwanre vwe ona jẹn iroro rẹ ero ọvo. Kidie iroro rẹ obo evun rẹ ohwo pha kokodo!

Isẹ 12:20

Ọphiẹnvwẹ hẹ udu rẹ ihwo re je iroro umwemwu, ẹkẹvuọvo ihwo re jẹ iroro esiri i vwo aghọghọ.

Isẹ 19:21

Iroro buebu re dia udu rẹ ohwo, ẹkẹvuọvo ọ rẹ Ọrovwohwo guọnọre ri se muẹdia.

Isẹ 26:23

Kirobo ra vwẹ ughegbe whoro ochẹ ye, eriyin unu-avwerhe rẹ ota rhurhe evun ọbrabra.

Izikiẹl 17:9

Ta, enẹ Ọrovwohwo Ọghẹnẹ tare. Kọ sa rhọ? Awọ rọye rhe ghwie ra da nyavwe eghọn rọye kufia, rere ẹbe rọye ri yoro cha na ejobi vwioro? Ọ rha guọnọ obọ ọgangan rẹ ihwo buebu tavwe ra ke sanvwọ kufia-a.

Daniẹl 10:1

Vwẹ ukpe rerha ri Sairọs ovie ri Pẹsha a da rhe vwẹ ota ọvo phia kẹ Daniẹl re se nẹ, Bẹlteshaza. Ota na da dia uyota, dede na ọ vẹ ọsẹghẹ rode. Ota na da ruọ o de jivwo ọhọ rẹ emramrẹ na.

Daniẹl 11:28

Kọ che rhivwi rhe otọ rọye vẹ eyere buebu, ẹkẹvuọvo udu rọye kọ che mu kpahe ọphọ ọfuanfon na. Ko che ru obo ri jere ro de hirhe kpo otọ rọye.

Daniẹl 11:29

Ọke re bruru na de te kọ che rhivwi rhe obuko ọnre na, ẹkevuọvọ ọke nana rha cha dia kere ọke rẹsosuọ-ọ.

Daniẹl 11:35

ihwo evo vwẹ usun rẹ ihwo na ri vwo ọhọ ji che she, ra vwọ fan ayen je nabọ hworhe ayen, re vwo ru ayen fuanfon, bẹsiẹ rẹ oba na vwo te, kidie ọke re bruru na ji te-e.

Daniẹl 11:40

Ọke rẹ obo oba na de te ovie rẹ obuko ọnre na ko che nene họnre, ẹkẹvuọvo ovie rẹ obọhwẹre ọnre kọ cha họrhọ ruọ kerẹ ukori rẹ odju vẹ ekpẹrẹ rẹ ofovwi vẹ ihwo re gua iyesi, vẹ ekọ buebu, ko che te irho buebu ko phi ayen kparobọ ọ me wanvrẹn

Daniẹl 8:17

Etiyin ọ de rhi sikerẹ asan ri mi mudia phihọ rọ vwọ rhe re, ọshọ de mu vwẹ mi de she bọvwọn opharo rhuotọ. Ẹkẹvuọvo ọ da ta kẹ vwẹ, Jọ ro wẹ, E Ọmọ rẹ ohwo, nẹ emramrẹ nana ọye ọ rẹ ọke rẹ oba na.

Daniẹl 8:19

O da ta, Nighe, me cha nẹrhẹ wọ riẹn obo re cha phia vwẹ obo oba rẹ ophu na, kidie ọ kpoma phihọ ọke rẹ obo oba re bruphihọ otọ na.

Habakọk 2:3

Kidie emramrẹ na je hẹrhẹ ọke rọye; o re broma kpo obo oba, ọ cha vwọrọn efia-an. Ọ da dianẹ o gbẹ egherẹ, hẹrhẹ; o che jẹ ẹcha-a, o che krinọ-ọ.

Iruo rẹ Iyinkọn na 1:7

Ọ da ta kẹ ayen nẹ, O fori rẹ ovwan vwọ riẹn ẹdẹ na-a eyẹ ọke na-a jokpa rẹ Ọsẹ na ọvo rọ vwẹ ogangan yena kẹ oma rọye.

Iruo rẹ Iyinkọn na 17:31

fikiridie o bru ẹdẹ ọvo ro che vwo guẹdjọ rẹ akpo na vwẹ evun rẹ ọvwata vwẹ obọ rẹ ohwo ro vwo mu, rere ọnana vwo mu ihwo ejobi ẹro kọye ọ vwọ kparọ vrẹn nẹ ughwu rhe.

1 Tẹsalonaika 5:1

E nẹ na imoni, vwọ kpahe ọke na kugbe ẹghẹre na, o rhe fo rere mi si emu ọvuọvo rhe ovwa-an.