Daniẹl 11:22 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²² Otuofovwi na ejobi ke che hwerhe ayen yanran a me guọghọ ayen nu vwẹ irharo rọye, ji te osun rẹ ọphọ na rhe.

Daniẹl 11:22 ပူးပေါင်းရင်းမြစ်များ

Aizaya 28:15

Fikiridie wọ tare, nẹ, Avwanre vẹ ughwu re ọphọ, avwanre vẹ ushi churobọ, ọke rẹ ọtiekọ na da cha wan vrẹn na, o gbi che bru avwanre rhe-e, kidie avwanre vwẹ efian ru odjahọ rẹ avwanre, vwẹ otọ rẹ efian kẹ etiyin avwanre de si oma nu,

Daniẹl 11:10

Emọ rọye ke cha kpare ofovwi, ayen me ghwẹ unuofovwi buebu koko, ke cha ghwẹ rhe rhe vọn asan ejobi reghe reghe, ayen me rha kpare ofovwi na rhiri re te ogba rọye.

Daniẹl 11:23

Nẹ ọke rẹ ayen vwọ mu ugbeyan rhe, uruemu rẹ ephiaphiẹn kọye o che ru, ọ vẹ imihwo krẹn ri che nene.

Daniẹl 8:25

Vwẹ oma rẹ aghwanre ro ruẹ efian ko che yovwi vwẹ obọ rọye, kọ cha vwẹ ọhọrobọ rọye vwọ kpare oma rọye kpenu. O cha vwẹ ovuẹ rhe rọ ke guọghọ ihwo buebu-u, ọ cha tobọ mu kpahe Ọmọ rẹ ivie na; ẹkẹvuọvo, o dia obọ rẹ ohwo rẹ akpọ a cha vwọ guọghọ-ọ.

Daniẹl 9:26

Edidjana ujorha gbe ivẹ na da wanu, ọ ra vwẹ ori te na ka cha nyavwọ kufia, ọ gbi che vwo emuọvo-o, ihwo rẹ osun na re cha cha, kẹ eye cha guọghọ orere na vẹ ẹshẹ na. Oba rọye oghwe rode ko che kuẹ, obo ba rọye ofovwi kọ cha dia; ẹkuafiotọ ọye e ji urhi rọye na.

Emọs 8:8

Otọ na rhe kpogho vwi fiki rẹ ọnana, kohwo kohwo rọ dia evun rọye de muomaphihọ rẹ ayen ejobi de ku reghe reghe kerẹ Nile, ro de phio rhe phio kpo ro ki divwi, kere Nile rẹ Ijipt?

Emọs 9:5

Ọrovwohwo na, Ọghẹnẹ rẹ otuofovwi na, ohwo rọ vwẹ obọ te akpọ na ọ me wran ihwo re dia evun rọye ejobi mi muoma phihọ, aye ejobi mi ku reghe reghe kerẹ Nile ọ me rha kpọ kerẹ Nile rẹ Ijipt;

Nahum 1:8

Ẹkẹvuọvo ọ cha vwẹ oghwe ro kuẹ vwo furhie otu ri mu kpahọ, kọ cha djẹ ivwighrẹ rọye ra ro evun rẹ ebri.