Daniẹl 11:21 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²¹ Vwẹ ẹdia rọye orharhe rẹ ohwo che mu ohwo re ji mu ọghọ rẹ ovie kẹ-ẹ; ọ cha rhe ọ cha vuẹ ohwo ọvuọvo-o kọ cha vwẹ unuẹrarọ vwọ reyọ uvie na.

Daniẹl 11:21 ပူးပေါင်းရင်းမြစ်များ

Une rẹ Ejiro 12:8

Kẹbẹre kẹbẹre oruimwemwu na rhẹrẹ pẹpẹ, kirobo ra kpare emu ogbegbo kpenu vwe ohri rẹ emọ re ihwo.

Une rẹ Ejiro 15:4

Ohwo rọ je ihwo fia tuoma, ẹkẹvuọvo o mi rhe mu ọghọ ke ihwo re dje oshọ re Ọrovwohwo ro duvwu iyori kẹ omobọ rọye ọ da dia obo re miavwọ dede ọ gbi se kue rhẹriẹ-e,

Une rẹ Ejiro 55:21

Ota rẹ unu rọye ghwọriẹ kerẹ evwri, dede na yẹ ofovwi hẹ udu rọye; ota rọye lọhọ nọ ọfigbo, dede na yọ tọn ọlọkọ rọye mu.

Aizaya 32:5

E gbi se se ẹkpa omamọ ohwo-o eyẹ irhurhu gbe sa dia ohwo re mu ọghọ ke-ẹ.

Daniẹl 11:20

Ohwo ọvo ko che mu vwẹ ẹdia rọye, ovwiosa rọ cha rhe vwẹ oma rẹ urinrin rẹ uvie na; ẹkẹvuọvo ẹmẹ ẹdẹ da wanu ka cha guọghọ; o dia ophu yẹrẹ ofovwi-i.

Daniẹl 11:32

Kọ cha vwẹ unuerarọ vẹ ọphiẹnvwe phiẹn ihwo ri gbe ọphọ na ku; ẹkẹvuọvo ihwo re riẹn Ọghẹnẹ rayen che mudia gan ke ayen họnre.

Daniẹl 11:34

Ọke rẹ ayen de she, ayen ke cha mrẹ ọmọchuko krẹn. Ihwo buebu cha vwẹ ota rẹ ophiẹnvwe kuoma kugbe ayen;

Daniẹl 11:7

Vwẹ ọke yena oghọn ọvo kọ cha tan nẹ awọ rọye rhe vwẹ adia rọye; ko che nene unuofovwi na họnre kọ cha ro ogba rẹ ovie rẹ obọhwẹre ọnre, ọ ve ayen che phi ko che phi kparobọ.

Daniẹl 4:17

Ọnana orhiẹn rẹ erhẹrotọ na bruru, ọrhiẹn na ọye eta rẹ ihwo efuanfon na, rere oba rọye, ihwo rẹ akpọ vwọ riẹn nẹ ọ rọ me kpenu ejobi ri suẹn uvie rẹ ihwo, nẹ ohwo ro jere ọye ọ vwọ kẹ, ohwo ro me kpotọ kọye ọ vwọ ka obenu.

Daniẹl 7:8

Mi de roro kpahẹ ighoro na, nighe, ọvo vwẹ usun rayen da tan rhe, otutuno, tavwe a ke kparẹ ighoro erha rẹ esosuọ na nẹ otọ, nighere, ighoro nana vwẹ ibiẹro re họhọ ibiẹro rẹ ohwo, kugbe unu ro ta ikpita ride.

Daniẹl 8:23

Vwẹ oba rẹ isuesun rayen re, ọke rẹ igburhi na de rhi ru te asan rẹ ukoko rayen da vọn re; ovie ro yivwaro rọ sa fan otọ rẹ ido, ko che muẹ.

Daniẹl 8:25

Vwẹ oma rẹ aghwanre ro ruẹ efian ko che yovwi vwẹ obọ rọye, kọ cha vwẹ ọhọrobọ rọye vwọ kpare oma rọye kpenu. O cha vwẹ ovuẹ rhe rọ ke guọghọ ihwo buebu-u, ọ cha tobọ mu kpahe Ọmọ rẹ ivie na; ẹkẹvuọvo, o dia obọ rẹ ohwo rẹ akpọ a cha vwọ guọghọ-ọ.

Daniẹl 8:9

Vwẹ oma rẹ ighoro ọvo vwẹ usun rẹ ighoro ẹne na imighoro ọvo tutuno da tan no rhe, rọ rhe rho gangan kpo obotọ, kpo obaro ọnre, ro kpo obo otọ rẹ urinrin na.

Nahum 1:14

Ọrovwohwo ji urhi kpahe owẹ: O gbi che vwo ohwo ra vwọ karohọ odẹ wẹ-ẹn; ke mi cha nyavwẹ owẹ kufia nẹ uwevwi rẹ edjọ wẹn, oma ra kare kugbe oma ra wranre. Ke me tọn ushi wẹn, kidie orharhe wo ruẹ.

1 Samuẹl 3:13

Ke me ta kẹ ni mi che hwe uwevwi rọye bẹdẹ, fiki rẹ orukuruku rọ riẹnre jovwo, fikiridie emọ rọye na ra phọphọ Ọghẹnẹ, yọ sa ghwọ ku aye-en.