Daniẹl 11:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Asakiephana ki mi gbe uyota na kẹ wẹ. Nighe, ivie erha efa che mu vwi Pẹsha; ọrẹne ọye che me fe vrẹn ayen ejobi, ọ da rhe wan oma rẹ efe na vwo ogangan re, kọ cha riẹriẹ ihwo vwo mukpahe uvie ri Grik.

Daniẹl 11:2 ပူးပေါင်းရင်းမြစ်များ

Ezra 4:24

Etiyin iruo rẹ uwevwi rẹ Ọghẹnẹ rọ hẹ obi Jerusalẹm de mudje, etiyin o de mudje rhiri rhi te ukpe rẹ ẹriọ ri Dariọs ovie ri Pẹsha.

Ezra 4:7

Vwẹ evun re ọke rẹ Artaxserxes, Bishlam kugbe Mitredat kugbe Tabeel kugbe irivẹ rọye ri chekọ de si ọbe rhe Artaxserxes ovie ri Pẹsha, e de si ọbe na vwẹ ephẹrẹ ri Aramia ayen da fotọ rọye.

Ẹsta 1:1

Vwẹ ọke rẹ Ahasuerus ro sunru nẹ India re te Etiopia vwẹ enu rẹ ibrotọ ujosan gbẹ ighwrẹn soso,

Isẹ 22:21

re wọ vwọ riẹn uyota vẹ obo ri shephihọ, rere wo sa kpahe omamọ rẹ ota kẹ ayen otu ri ji we na?

Daniẹl 10:1

Vwẹ ukpe rerha ri Sairọs ovie ri Pẹsha a da rhe vwẹ ota ọvo phia kẹ Daniẹl re se nẹ, Bẹlteshaza. Ota na da dia uyota, dede na ọ vẹ ọsẹghẹ rode. Ota na da ruọ o de jivwo ọhọ rẹ emramrẹ na.

Daniẹl 11:25

Ọ cha rhariẹ ogangan rọye vẹ arọeyivwo rọye kpahẹ ovie rọ hẹ obuko ọnre vẹ unuofovwi rode, ovie rẹ obuko ọnre kọ cha kpare ofovwi rhe vẹ unuofovwi ọgangan, ẹkẹvuọvo o che se mudia-a, fikiridie a hwa phihọ otọ hẹrhe.

Daniẹl 7:5

Gbe nighe, eranvwe ọfa, ọrivẹ rọ pha kerẹ okorhi. A da kpare ẹbẹre ọvo kpenu; ọ vwẹ ibiedada erha vwọ hwa akọ; a da ta kẹ, Vrẹn, re wọ re uvwo buebu.

Daniẹl 8:21

Ekpro na ke rha vwẹ ovie ri Grik, ighoro rode rọ hẹ uvwre rẹ ibiẹro rọye na ọye ovie rẹsosuọ.

Daniẹl 8:26

Emramrẹ rẹ ovwọnvwọn vẹ irhiọke ra tare ye uyota, ẹkẹvuọvo gbe rhurhu emramrẹ na, kidie ọ kpoma phihọ ẹdẹ buebu ro cha.

Daniẹl 8:4

Me da mrẹ egbo na rọ djẹ kpo obọhwẹre vẹ obenu vẹ obotọ rẹ akpọ na, o vwo eranvwe ọvuọvo ro se sivwi ohwo nẹ ogangan rọye-e, obo ri jere ọye o ruẹ, o de mu oma rọye kpenu.

Emọs 3:7

Uyota Ọrovwohwo Ọghẹnẹ na se ru emuọvo-o, ro de je odjahọ rọye ẹ vwọ phia kẹ ihwo rọye emraro na-a

Iyẹnrẹ Esiri ri Jọn 10:35

Ọ de se ayen edjọ ihwo rẹ ota rẹ Ọghẹnẹ bru rhe je se miovwi ọbe ọfuanfon na-a.

Ẹvwọphia 21:5

Ọ ro tidia vwẹ enu rẹ ekete na da ta, Nighe, mi ru emu na ejobi ọkpokpọ. Ọ da je ta rhe, Si ọnana, kidie eta nana omamọ ota.