Daniẹl 11:15 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁵ Etiyin re ovie rẹ obọhwẹre ọnre kọ cha hwa riariẹ phihọ o mi phi orere ra gba ogba ọgangan phihọ na kua. Egba rẹ unuofovwi ro nẹ obuko ọnre rhe na dede che se mudia-a, eyẹ ihwo ro di mu tọrọ nẹ obonẹ vẹ obonẹ rhe-e, kidie ayen che vwo ogangan vwo mudia-a.

Daniẹl 11:15 ပူးပေါင်းရင်းမြစ်များ

Jerimaya 33:4

Kidie enẹ Ọrovwohwo na, Ọghẹnẹ rẹ Izrẹl tare kpahe iwevwi rẹ orho nana vẹ iwevwi rẹ lvie ri Juda re kporo she ra vwo gba ogba hẹrhẹ imu vẹ ọlọkọ.

Jerimaya 5:10

Yan wan urhiẹ ri vain rọye re wọ guọghọ, ẹkẹvuọvo wo ghwe furhie re-e, kpare eghọn rọye no, kidie ayen dia e re Ọrovwohwo-o.

Jerimaya 52:4

Vwẹ ẹgbukpe rẹ irhiri rẹ ẹriọ rọye, vwẹ emeranvwe rihwe, vwẹ ẹdẹ rihwe rẹ emeranvwe na, Nebukadreza ovie ri Babilọn da rhe vẹ otuofovwi rọye ejobi rhe vwọ so Jerusalẹm, ayen da yariẹ phihọ ayen de ke phihọ.

Jerimaya 6:6

E nẹ Ọrovwohwo rẹ otuofovwi na tare. She irhe rọye ghwiotọ wa gba ohẹrhẹ kpahe Jerusalẹm. Ọnana orere ro fo ehwe gangan; emuọvo hẹ evun rọye-e jọkpa rẹ oshenyẹ.

Izikiẹl 17:17

Fẹro vẹ unuofovwi rọye rode vẹ usun rẹ ihwo buebu sa cha uko vwẹ ofovwi-i, vwẹ ọke ra da ghwẹ ẹkuekpẹn nyẹ ogba rẹ ofovwi na ra vwọ nyavwe ihwo buebu kufia.

Izikiẹl 4:2

re wọ gba ogba phihọ, re wọ gba ohẹrhẹ kpahọ, re wọ ma ẹrhẹnre rẹ ekpẹn riariẹ, vwẹ erhọn viọ rhe, re wọ vwẹ ikurusu vio riariẹ phihọ.

Daniẹl 11:14

Vwẹ ọke yena ihwo buebu che mukpahe ovie rọ hẹ obuko ọnre, ihwo ri gbe ozighi re hẹ ohri rẹ ovwan ki che yoro oma phia rere ayen vwo ru obo rẹ emramrẹ na tare gba, ẹkẹvuọvo ayen che she.

Daniẹl 11:6

Ikpe evo da wan nu, ayen ki che mu ugbeyan, ọmọtẹ rẹ ovie rẹ obuko ọnre ko che bru ovie rẹ obọhwẹre ọnre rhe, rhe guọnọ ufuoma, ẹkẹvuọvo o gbe sa yọnrọn ogangan rẹ igbabọ rọye-e, tẹ ọye vẹ uvwiẹ rọye cha dia krẹ-ẹ, ẹkẹvuọvo ke cha siobọ no, te idibo rọye, ọmọ rọye, kugbe ihwo re wan oma rọye fe.

Daniẹl 8:7

Me da mrẹ obo ro rhi bi kẹrẹ egbo na. Ophu de muo kpahọ, o de dje egbo na o de vwirhi ighoro rọye ivẹ na nu; egbo na rhe vwo ogangan ro se vwo mudia vwẹ obaro rọye-e, ẹkẹvuọvọ o muro teye otọ ọ da ro obenu rọye chiyi; o rhe vwo ohwo ọvuọvo ro se sivwi egbo na nẹ ogangan rọye-e.

Joshua 1:5

O vwo ohwo ọvuọvo ro che yivwi hirhe opharo ku we vwẹ ẹdẹ rẹ akpọ wẹn ejobi-i; kirobo mi vi Mosis diarọ, ọtiọye me vẹ owẹ je cha dia; me cha phiẹn wẹ-ẹn eyẹ me cha sẹn wẹ-ẹn.