Daniẹl 11:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² Ọke rọ de phi urogho na kparobọ nure, kọ cha kparẹ oma kpenu, ko che gere uriori ihwe she teye otọ, ẹkẹvuọvo o che se phi kparobọ-ọ.

Daniẹl 11:12 ပူးပေါင်းရင်းမြစ်များ

Ivie rẹ Ivẹ 14:10

Wo ghine hwe Idọm, ke wọ kpara oma kpenu. Jẹn urinrin wẹn da wẹ ẹro rere wọ tidia urhuẹn wẹn; die sorọ wo vwo si ukpokpogho cha rere wo she, rere Juda vẹ owẹ vwo she?

2 Ikun rẹ Ivie 25:19

Wọ tare, Nighe, me ghwiẹ Idọm hwe, oma ko mu we ku wọ yeyan. Ẹkẹvuọvo asakiephana hwe oma mu vwẹ uwevwi wẹn; die wọ vwẹ obọ se okpetu kẹ oma wẹn, vẹ Juda rhe bẹsiẹ ru wo vwo she?

2 Ikun rẹ Ivie 26:16

Ẹkẹvuọvo ọke rọ rhe gan re ko rhi phuoma, kọye rhe ghwọrọ. Kidie ọ gbe rha dia omamọ re ohwo kẹ Ọrovwohwo Ọghẹnẹ rọye-e, ọ da ro evun rẹ uwevwi rẹ Ọrovwohwo ra torhẹ insẹns vwe agbada re ugboduma na.

2 Ikun rẹ Ivie 32:25

Ẹkẹvuọvo Hẹzikaya rha kpẹvwẹ ẹse re ru kẹ na-a, kidie eheri da rhe vọn udu rọye. Fiki rẹ ọtiọye na ophu da rhe dia uyovwi rọye kugbe Juda vi Jerusalẹm.

Isẹ 16:18

Eheri re karo kẹ ẹghwọrọ, oma ephuo me rha karo kẹ eshe.

Izikiẹl 28:17

Udu wẹn da rhe vọn vẹ eheri fiki rẹ erhuvwu wẹn; wo de miovwi aghwanre wẹn fiki rẹ erhuvwu wẹn. Mi de mu we teye otọ; Me da ban wẹ phihọ vwẹ obaro rẹ ivie, rere ayen vwọ tọn ẹro rayen vi we.

Izikiẹl 28:2

Ọmọ rẹ ohwo, ta kẹ osun rẹ Taya, E nẹ Ọrovwohwo Ọghẹnẹ tare: Fikiridie udu wẹn herẹ, wọ da rha tanẹ, mẹvwẹ ọghẹnẹ, mi tidia agbara rẹ eghẹnẹ na, vwẹ uherevie rẹ abadi, yẹ ohwo wo ruẹ, wọ dia Ọghẹnẹ-ẹ, owene wo dje oma wẹn ghwanghwanre kerẹ oghẹnẹ–

Izikiẹl 28:5

Vwẹ ẹghwanre rode wọ vwọ chueki na ọye efe wẹn vwo bu na, udu wẹn da rhe vọn vẹ eheri fiki rẹ efe wẹn na–

Daniẹl 11:11

Ọke yena ophu ko che mu ovie rẹ obuko ọnre, ọ me kpare ohọnre bru ovie rẹ obọhwẹre ọnre rhe, kọ cha ghwẹ ihwo buebu koko, ẹkẹvuọvo e che phi ayen phihọ obọ rọye.

Daniẹl 11:13

Kidie ovie rẹ obọhwẹre ọnre je cha ghwa urogho buebu rhe, ri bunọ e rẹsosuọ, ikpe evo da wan nu, kọ cha ghwẹ unuofovwi rode rhe vẹ ekuakua buebu.

Daniẹl 5:23

ẹkẹvuọvo wo de mu oma kpenu Ọrovwohwo ro vwo odjuvwu na; ekuakua rẹ uwevwi rọye a ghwa ayen rhe obaro wẹn, te owẹ, te ehọnvwọre wẹn, eya vẹ ense wẹn da vwẹ ayen da udi; wo de ji jiri eghẹnẹ rẹ idọnọ efuanfon vẹ oro, ẹrovwo, utehru, urhe vẹ oragha rẹ mrorẹ-ẹ, i ji nyo ẹme-e e ji vwo eriariẹ-ẹn, ẹkẹvuọvo Ọghẹnẹ rẹ arhọ wẹn hẹ obọ rọye; rẹ idjerhe wẹn ejobi rheri, wọ je vwẹ ọghọ kẹ-ẹ.

Daniẹl 8:25

Vwẹ oma rẹ aghwanre ro ruẹ efian ko che yovwi vwẹ obọ rọye, kọ cha vwẹ ọhọrobọ rọye vwọ kpare oma rọye kpenu. O cha vwẹ ovuẹ rhe rọ ke guọghọ ihwo buebu-u, ọ cha tobọ mu kpahe Ọmọ rẹ ivie na; ẹkẹvuọvo, o dia obọ rẹ ohwo rẹ akpọ a cha vwọ guọghọ-ọ.

Urhi Rivẹ 8:14

Etiyin udu wẹn kọ cha kpare kpenu, Ọrovwohwo Ọghẹnẹ wẹn na Me rhe chọrọ owẹ ẹro, ohwo ro si we nẹ otọ rẹ Ijipt rhe na, nẹ uwevwi rẹ ọviẹn;

1 Timoti 3:6

Ọ dia ohwo ro kurhẹriẹ vwobọ-ọ, eyẹ o de rhi phuoma ro de roro ọ rẹ oma rọye ọvọ o de rhi mu ufi rẹ idẹbono;

1 Pita 5:5

Ọtiọye rhe ovwan imighene na wa vwẹ oma kpotọ kẹ ekpako na. Vwẹ omaevwokpotọ ru amwa vwo rhuo ohwohwo, ovwan ejobi, kidie Ọghẹnẹ muẹkpahe otu ri herẹ, ẹkẹvuọvo erhuvwu kẹ ohwo ro ruẹ dẹndẹn.