Daniẹl 10:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Ọtiọye na kẹ mẹvwẹ ọvọ ro chekọ na re mrẹ emramrẹ rode na, ogangan ọvuọvo gbi rhe vwe-e, oma mẹ ro ruaro jovwo da rhẹriẹ miomiovwi, mi gbi vwo ogangan ọvuọvo-o.

Daniẹl 10:8 ပူးပေါင်းရင်းမြစ်များ

Jẹnẹsis 32:31

Yẹ ọnre na ghwa vacha rọ vwọ wan Peniel, yọ sẹghrẹ owọ fiki rẹ ekpogho owọ rọye rọ rhoghrare na.

Ẹyano 3:3

Mosis da ta, “Mi bi oma phiyọ akakọ rere me mrẹ okpo ughe nana, obo re sorọ rẹ aghwa na vwo jẹ tuọn.”

Daniẹl 10:16

Nighe, ohwo ọvo rọ họhọ emọ rẹ ihwo da vwẹ obọ te ẹbẹrumu mẹ, etiyin unu mẹ de rhie, mẹ da vwọ ta ọta. Me da ta ota kẹ ohwo ro mudia vwẹ obaro mẹ, E Ọrovwohwo, fiki rẹ emramrẹ na oma kọ miavwẹ ovwẹ, ogangan gbi rhe vwe-e.

Daniẹl 10:17

Komavọ mẹvwẹ rẹ odibo rẹ Ọrovwovwe ru ta ota kẹ Orovwovwe? Kidie asakiephana ogangan gbi rhe vwe-e, ẹnwẹn gbi ji chekọ vwẹ evun mẹ-ẹ.

Daniẹl 7:28

Ọnana ọye oba rẹ ota na. Vwọ kẹ vwẹ ri Daniẹl, iroro mẹ da nabọ djẹ oshọ mu vwe, ophiẹn mẹ da rhẹriẹ; ẹkẹvuọvo mi de phi ota na phihọ evun mẹ.

Daniẹl 8:27

Etiyin Mẹvwẹ ri Daniẹl oma da ghwọrọ ovwẹ me da mwọga vwẹ ọmọke, etiyin mi de vrẹn kpo iruo rẹ ovie; ẹkẹvuọvo emramrẹ na de gbe vwẹ unu mamọ, me gbe rha riẹn otọ rọye-e.

Daniẹl 8:7

Me da mrẹ obo ro rhi bi kẹrẹ egbo na. Ophu de muo kpahọ, o de dje egbo na o de vwirhi ighoro rọye ivẹ na nu; egbo na rhe vwo ogangan ro se vwo mudia vwẹ obaro rọye-e, ẹkẹvuọvọ o muro teye otọ ọ da ro obenu rọye chiyi; o rhe vwo ohwo ọvuọvo ro se sivwi egbo na nẹ ogangan rọye-e.

Habakọk 3:16

Mi vwo nyo, oma me kọ phariẹ, ẹbẹrunu mẹ ko muẹ phariẹ; ibeku mẹ ki di muẹ gbo, awọ mẹ ki di muẹ phariẹ. Mi mudia gbiẹi herhẹ ẹdẹ rẹ ukpokpogho che vwo she vwa ihwo re kparẹ ofovwi bru avwanre rhe.

Matiu 17:6

Rẹ idibo na vwo nyo, ayen de she bọnvwọn opharo rhuotọ, oshọ de mu ayen.

Iyẹnrẹ Esiri ri Mak 9:6

Kidie ọ gbe riẹn obo rọ ta-a; kidie oshọ mu ayen gangan.

Iyẹnrẹ Esiri ri Jọn 16:32

Ọke cha, o rhe nu dede re, ra cha vwọ hra ovwan, kpo dohwo duwevwi rọye, ku we che ji vwe ọvo vwo, kidie Ọsẹ na vẹ ovwẹ herọ.

2 Kọrẹnt 12:7

Rere mi vwo jẹ oma ẹkparọ kpenu nọ fiki rẹ ẹvwọphia buebu, a da vwẹ unwe duvwu uvwe, ikọn rẹ Idẹbono, rere o kpokpo uvwe, rere mi vwo jẹ oma ẹkparọ kpenu.

Ẹvwọphia 1:17

Ọke re me vwọ mrẹ, mi de she teye awọ rọye kerẹ ohwo ro ghwuru. Ẹkẹvuọvo ọ da ghwẹ obọrhe rọye kpahe ovwẹ, tanẹ, Wọ djẹ oshọ-ọ, Mẹvwẹ hẹ ohwo rẹsosuọ kugbe ọ rọ ka oba,