Daniẹl 10:20 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁰ Etiyin ọ da ta wọ riẹn obo ri mi vwo bru we rhe? Ẹkẹvuọvo asakiephana mi che rhivwi ra họnre osun ri Pẹsha, Me vọye de ru nu, nighe, osun ri Grik cha rhe.

Daniẹl 10:20 ပူးပေါင်းရင်းမြစ်များ

Ezra 4:4

Etiyin na ihwo rẹ otọ na de mu idido phihọ ihwo ri Juda, oshọ rẹ ayen vwọ bọn uwevwi de mu ayen.

Aizaya 37:36

Etiyin amakashe re Ọrovwohwo da yan phia, ọ da ghwiẹ ihwo odu gbe ujọne gbe iyori vwẹ evun rẹ erhọn rẹ Asiria na, rẹ ihwo vwọ rhọvwọ rhe vwẹ irhiọke re, asan ejobi vọnre vẹ irivwi.

Daniẹl 10:13

Osun rẹ uvie ri Pẹsha de mukpahe ovwẹ ẹdẹ uje gbẹ ọvo, ẹkẹvuọvo Maikẹl, ọvo vwẹ usun rẹ isun na, da rhe cha vwẹ uko, ọtiọye re me da yan jovwo vẹ osun ri Pẹsha na.

Daniẹl 7:6

Ọnana vwọ wan nu mi de ni, nighe, ọfa, rọ họhọ edjẹnẹkpo, vẹ ibekpe rẹ ọphran ẹne vwẹ obuko rọye; eranvwe na vẹ uyovwi ẹne, a da vwẹ ogangan rẹ isuesun vwọ kẹ.

Daniẹl 8:21

Ekpro na ke rha vwẹ ovie ri Grik, ighoro rode rọ hẹ uvwre rẹ ibiẹro rọye na ọye ovie rẹsosuọ.

Iruo rẹ Iyinkọn na 12:23

Siẹvuọvo na amakashe rẹ Ọrovwohwo da ghwiẹ, fikiridie ọ vwẹ urinrin kẹ Ọghẹnẹ-ẹ; ihori da riọ o de ghwu.