Daniẹl 10:19 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁹ Etiyin ọ da ta, E ohwo ra nabọ guọnọ wo jẹ oshọ mu we-e, ufuoma vẹ owẹ dia; goma re wo yivwaro. Ọke rọ vwọ ta ota kẹ vwẹ re, mi de rhi vwo ogangan me da ta, Jẹn Ọrovwovwe ta ota, kidie wọ nẹrhẹ ovwẹ vwo ogangan nure.

Daniẹl 10:19 ပူးပေါင်းရင်းမြစ်များ

Une rẹ Ejiro 138:3

Vwẹ ẹdẹ ri mi vwo se, wo dẹ nyo vwe, ogangan rẹ ẹnwẹ mẹ wo ruro bu.

Aizaya 35:4

Ta ke ihwo re udu rayen djẹ oshọ, Gba gan, wọ djẹ oshọ-ọ! Nighere, Ọghẹnẹ wẹn na cha rhe vẹ ihri ẹriọ, vẹ osa ẹhwa rẹ Ọghẹnẹ. Ọ cha rhe rhi sivwi uwe.

Aizaya 41:10

wọ dje oshọ-ọ, kidie me vẹ owẹ herọ, wo jẹ ofu dje we-e, kidie Mẹvwẹ Ọghẹnẹ wẹn, Me kẹ wẹ ogangan, Me cha wẹ uko, Me vwẹ obọrhe mẹ rẹ ephiokparobọ na vwọ yọnrọn owẹ.

Aizaya 41:14

Wọ djẹ oshọ-ọ, we ri Jekọp re ohori, ovwan ihwo rẹ Izrẹl! Me sa cha we uko, eriyin Ọrovwohwo tare, Ọtan wẹn ọye Ọfuanfon Ọvuọvo rẹ Izrẹl na.

Daniẹl 10:18

Ofa, ọvo ro vwo urhoma kere ohwo da vwẹ obọ te vwe ọ da kẹ vwẹ ogangan.

Daniẹl 9:23

Vwẹ ẹtuọphihọ rẹ orẹ wẹn ota ọvo de bru vwẹ rhe, ke me rhere rhe ta kẹ wẹ, fikiridie ivun wẹ vwerherọ gangan; fiki rẹ ọtiọye na roro ota na rere emramrẹ na ro owẹ.

Hegae 2:4

Dede na vwẹ Asakiephana we gbe yivwaro, E Zerubabẹl, eriyin Ọrovwohwo tare, yivwaro, E Joshua, ọmọ ri Jehozadak, rẹ orherẹn rode na, yivwaro, ovwan ihwo rẹ otọ na ejobi eriyin Ọrovwohwo tare; ru iruo, kidie me vẹ owẹ herọ, eriyin Ọrovwohwo rẹ otuofovwi na tare.

Zekaraya 8:13

Kirobo wọ vwọ dia ehwẹjẹ vwe ohri rẹ ẹgborho na, E uwevwi ri Juda vẹ uwevwi rẹ Izrẹl, eriyin mi che sivwi uwe ku wọ dia ebruba. Wọ djẹ oshọ-ọ, ẹkẹvuọvo jẹn abọ wẹn gan.

Zekaraya 8:9

E nẹ Ọrovwohwo rẹ otuofovwi tare: We jẹn abọ rẹ ovwan gan, ovwan ri nyo eta nana ri nẹ unu rẹ emraro rhe na, rhanwe ẹdẹ ra vwọ tọn uchivwo rẹ uwevwi rẹ Ọrovwohwo rẹ otuofovwi phihọ nu na, rere a vwọ bọn uwevwi rẹ Ọghẹnẹ na.

Iyẹnrẹ Esiri ri Jọn 11:3

Ọtiọye na iniọvo rọye rẹ emetẹ na de ji ohwo bru Jesu ra, tanẹ, Ọrovwohwo, ọ re wọ guọnọre na họnvwa.

Iyẹnrẹ Esiri ri Jọn 11:36

Ọtiọye ihwo ri Ju na da ta, nighe mavọ ọ guọnerọ te.

Iyẹnrẹ Esiri ri Jọn 11:5

Asakiephana Jesu guọnọ Mata vẹ oniọvo rọye rẹ ọmọtẹ kugbe Lazarọs.

Iyẹnrẹ Esiri ri Jọn 14:27

Ufuoma mi jovwo kẹ ovwan; ufuoma mẹ me vwọ kẹ ovwan; ọ dia obo rẹ akpọ kẹ me kẹ ovwan na-a. We jẹn udu bru ovwa-an, eyẹ we jẹn oshọ mu ovwa-an.

Iyẹnrẹ Esiri ri Jọn 16:33

Me ta ọnana kẹ ovwan nẹ, vwẹ oma mẹ ovwan ki vwo ufuoma. Vwẹ akpọ na ovwan mrẹ ukpokpogho; ẹkẹvuọvo ghọghọ, mi phi akpọ na kpare obọ nure.

Iyẹnrẹ Esiri ri Jọn 19:26

Ọke ri Jesu vwọ mrẹ oni rọye, kugbe odibo na rọ guọnọre ri mudia kẹrẹ, ọ da ta kẹ oni rọye, Aye, ni ọmọ wẹn!

Iyẹnrẹ Esiri ri Jọn 21:20

Pita kuoma rhẹriẹ ọ da mrẹ odibo ri Jesu guọnọre na ro nene ayen, ọ rọ vwẹ oma rẹrẹ udu rọye rẹ ayen vwọ ria emu rẹ ovwọnvwọn na rọ nọrọ nẹ, Ọrovwohwo, ono re cha shẹ wẹ?

1 Kọrẹnt 16:13

Wa rhẹrẹ, we mndia gan vwẹ esegbuyota rẹ ovwan, we yivwaro, wa gan oma.

2 Kọrẹnt 12:9

ẹkẹvuọvo ọ da ta kẹ vwẹ, Ẹserọphẹ mẹ te kẹ wẹ, kidie vwẹ evun rẹ ovwiẹrẹ e de ru ogangan mẹ gba. Ke me ghọghọ san vwẹ evun rẹ ovwiẹrẹ mẹ, rere ogangan ri Kristi vwọ dia vwẹ oma.

Ẹfesọs 6:10

Ọ rọ ka oba, wa gan oma vwẹ evun rẹ Ọrovwohwo kugbe ogangan rẹ ẹgba rọye.

2 Timoti 2:1

Wẹ, ọmọ mẹ, gba gan oma vwẹ ẹserọphẹ rọ herọ vwẹ evun ri Kristi Jesu,

Joshua 1:9

Ọ dia omẹvwẹ ri ji urhi na kẹ wẹ-ẹ? Goma wo yivwaro gangan, wọ phariẹ-ẹ, wo jẹ ofu dje we-e, kidie Ọrovwohwo Ọghẹnẹ wẹn vẹ owẹ herọ vwi kasan kasan wọ ra ejobi.

Ẹvwọphia 1:17

Ọke re me vwọ mrẹ, mi de she teye awọ rọye kerẹ ohwo ro ghwuru. Ẹkẹvuọvo ọ da ghwẹ obọrhe rọye kpahe ovwẹ, tanẹ, Wọ djẹ oshọ-ọ, Mẹvwẹ hẹ ohwo rẹsosuọ kugbe ọ rọ ka oba,

Iguẹdjọ 6:23

Ẹkẹvuọvo Ọrovwohwo na da ta kẹ nẹ, Ufuoma vẹ owẹ herọ, wọ djẹ oshọ-ọ, wo che ghwu-u.