Daniẹl 10:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ Nighe, ohwo ọvo rọ họhọ emọ rẹ ihwo da vwẹ obọ te ẹbẹrumu mẹ, etiyin unu mẹ de rhie, mẹ da vwọ ta ọta. Me da ta ota kẹ ohwo ro mudia vwẹ obaro mẹ, E Ọrovwohwo, fiki rẹ emramrẹ na oma kọ miavwẹ ovwẹ, ogangan gbi rhe vwe-e.

Daniẹl 10:16 ပူးပေါင်းရင်းမြစ်များ

Ẹyano 4:10

Etiyin Mosis da ta kẹ Ọrovwohwo, “E Ọrovwovwe!, Me riẹn ota taa, rhiri rhi te ọke re wọ vwọ ta ota kẹ vwẹ odibo wẹn na: ota me pha bọrọbọrọ, erẹvwe mẹ sasaree.

Ẹyano 4:13

Ẹkẹvuọvo ọ da ta, “E Ọrovwohwo, me rẹ wẹ, ji ohwo ọfa.”

Aghwoghwo 1:18

Kidie aghwanre buebu nẹrhẹ ophu buẹ ohwo rẹ erianriẹn rọye buphihọ yẹ oja roye ji ghwe buẹ phihọ.

Aizaya 6:7

O de vwo te unu mẹ o da ta: Nighere, Ọnana te ẹbẹrunu wẹn re; abe wẹn a kpaherọ kufia, a vwẹ umwemwu wẹn ghovwo uwe

Jerimaya 1:9

Kẹsiẹye Ọrovwohwo ke riẹn obọ rọye rhe vwo te ugbunu mẹ; Ọrovwohwo ke ta kẹ vwẹ nẹ, nighe, mi phi ota mẹ phihọ ugbunu wẹn nure.

Izikiẹl 1:26

Vwẹ obenu rẹ Irharheghe na vwẹ obenu rẹ iyovwi rayen emu ọvo da herọ rọ họhọ ekete, ra mrẹ kere ubioragha ro lo, ro tidia vwẹ obenu rẹ emu rọ họhọ ekete na ovọ da herọ rọ họhọ ekroma rẹ ohwo.

Izikiẹl 3:27

Ẹkẹvuọvo ọke me da ta ota kẹ wẹ, ki mi rhie unu wẹn, ku wọ ta kẹ ayen, Enẹ Ọrovwohwo Ọghẹnẹ tare, ọ ro nyo, e jo nyo; ọ rọ senre nẹ ọye nyo-o, jo sen; kidie ayen uwevwi rẹ okpetu.

Izikiẹl 33:22

Asakiephana obọ rẹ Ọrovwohwo vẹ ovwẹ da herọ vwẹ ovwọnvwọn yena tavwe rẹ oghuvwu na ke rhe, o de rhie unu mẹ bẹsiẹ rẹ ohwo na ki bru vwe rhe vwe irhiọke, etiyin unu mẹ de rhie, mi gbi diunu ọfa-a.

Daniẹl 12:8

Mi nyori, ẹkẹvuọvo yọ ro vwẹ-ẹ. Etiyin me da ta, E Ọrovwovwe, die ri che nẹ evun rẹ eravwọ nana cha?

Daniẹl 4:19

Etiyin Daniẹl, re se odẹ rọye Bẹlteshaza ofu de rhi dje krekri, iroro rọye da djẹ oshọ muo. Ovie na da ta, Belteshaza wo jẹ evwerhẹ na yẹrẹ otọ rọye e fan, mu we oshọ-ọ. Bẹlteshaza da kpahe kẹ, Ọrovwovwe, e jẹn evwerhẹ na dia vwọ kẹ ihwo rẹ ivun wẹ miovwẹ re otọ rọye rha dia kẹ ivwighrẹ wẹn.

Daniẹl 7:15

Vwọ kẹ vwẹ ri Daniẹl, erhi rọ hẹ evun mẹ kọ ro ẹnwan emramrẹ re me mrẹre na ọ da nẹrhẹ oshọ mu vwẹ.

Daniẹl 7:28

Ọnana ọye oba rẹ ota na. Vwọ kẹ vwẹ ri Daniẹl, iroro mẹ da nabọ djẹ oshọ mu vwe, ophiẹn mẹ da rhẹriẹ; ẹkẹvuọvo mi de phi ota na phihọ evun mẹ.

Daniẹl 8:15

Ọke rẹ mẹvwẹ, ri Daniẹl vwọ mrẹ emramrẹ nana nu, me da guọnọ otọ rọye riẹn, nighe, emu ọvo de mudia vwẹ obaro mẹ rọ họhọ ohwo rẹ akpọ.

Daniẹl 8:17

Etiyin ọ de rhi sikerẹ asan ri mi mudia phihọ rọ vwọ rhe re, ọshọ de mu vwẹ mi de she bọvwọn opharo rhuotọ. Ẹkẹvuọvo ọ da ta kẹ vwẹ, Jọ ro wẹ, E Ọmọ rẹ ohwo, nẹ emramrẹ nana ọye ọ rẹ ọke rẹ oba na.

Daniẹl 8:18

Ọke rọ ghwa vwọ ta ota kẹ vwẹ na, mi de shero okpo ovwerhẹ rode, me da bọvwọn opharo rhuotọ, ẹkẹvuọvo ọ da vwẹ obọ te vwẹ, ọ da kpare ovwẹ vrẹn mudia.

Daniẹl 8:27

Etiyin Mẹvwẹ ri Daniẹl oma da ghwọrọ ovwẹ me da mwọga vwẹ ọmọke, etiyin mi de vrẹn kpo iruo rẹ ovie; ẹkẹvuọvo emramrẹ na de gbe vwẹ unu mamọ, me gbe rha riẹn otọ rọye-e.

Daniẹl 9:21

Ọke re me vwọ ta ota vwẹ ẹrhovwo re, ọshare na Gabriel, re me mrẹre vwẹ evwerhẹ vwẹ ẹsosuọ na, da rhan bru vwẹ rhe vwẹ ọke rẹ izobo rẹ ovwọnvwọn.

Iyẹnrẹ Esiri ri Luk 1:64

Siẹvuọvo na unu rọye de ghwe rhie awọẹrenwe rọye da ghwa rhan, ọ da ta ota, jiri Ọghẹnẹ.

Iyẹnrẹ Esiri ri Luk 21:15

kidie me cha kẹ ovwan unu kugbe aghwanre, rẹ udu rẹ ukọn rẹ ovwan cha sa gba eyẹ phro-o.

Iyẹnrẹ Esiri ri Jọn 20:28

Tọmọs da kpahe kẹ, Ọrovwovwe kugbe Ọghẹnẹ mẹ!

Joshua 5:14

Ọ da ta, Ẹjo, ẹkẹvuọvo kerẹ onotu rẹ ofovwi rẹ Ọrovwohwo me vwo rhe na. Joshua de she bọvwọ opharo rọye rhuotọ, ọ da ga, ọ da ta kẹ, Kidie Ọrovwohwo guọnọre nẹ odibo rọye ru?

Ẹvwọphia 1:13

vwẹ uherevie rẹ igburhukpẹ na ohwo ọvo rọ họhọ ọmọ rẹ ohwo da herọ, ro ku adagba ro te otọ phihọ ọ vwẹ umuamwa rẹ oro vwo mu udu;

Iguẹdjọ 13:8

Etiyin Manọa da rẹ Ọrovwohwo tanẹ, E, Ọrovwohwo, Bikọ, rhoma ji ohwo rẹ Ọghẹnẹ ri wo ji rhe ye, rere ọ rhoma bru avwanre rhe, rere o yono avwanre emu rẹ avwanre ru kẹ ọmọ re che vwiẹ na.

Iguẹdjọ 6:13

Gidiọn da ta kẹ nẹ, Biko ọrovwovwe, ọ da dianẹ Ọrovwohwo vẹ avwanre herọ kidie nẹrhẹ emu nana ejobi vwo she kpahe avwanre? Tivọ iruo rẹ igbunu ejobi rẹ esẹ rẹ avwanre keri kẹ avwanre na epha, tanẹ, ọ dianẹ Ọrovwohwo na re reyọ avwanre nẹ Ijipt rhe? Ẹkẹvuọvo Asakiephana Ọrovwohwo djẹ avwanre kufia, o de phi avwanre phihọ obọ ri Midian.

Iguẹdjọ 6:15

Ọ da ta kẹ nẹ, Biko, Ọrovwohwo, mavọ mi se vwọ sivwi Izrẹl? Nighe, orua mẹ re Me dia ọvwiẹrẹ vwi Manasse na, mẹvwẹ re je ka obuko vwẹ uvwiẹ mẹ.