Daniẹl 10:13 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹³ Osun rẹ uvie ri Pẹsha de mukpahe ovwẹ ẹdẹ uje gbẹ ọvo, ẹkẹvuọvo Maikẹl, ọvo vwẹ usun rẹ isun na, da rhe cha vwẹ uko, ọtiọye re me da yan jovwo vẹ osun ri Pẹsha na.

Daniẹl 10:13 ပူးပေါင်းရင်းမြစ်များ

Ezra 4:24

Etiyin iruo rẹ uwevwi rẹ Ọghẹnẹ rọ hẹ obi Jerusalẹm de mudje, etiyin o de mudje rhiri rhi te ukpe rẹ ẹriọ ri Dariọs ovie ri Pẹsha.

Daniẹl 12:1

Ọke yena Maikẹl ko che vrẹn rhe, osun rode na re vwo mu vwẹ enu rẹ ihwo wẹn. Ọke rẹ ukpokpogho ko che te, oghẹre ra je mrẹ dẹvo-o nẹ ọke rẹ ẹgborho na vwọ mama rhiri rhi te ọke na, ẹkẹvuọvo vwẹ ọke yena ihwo wẹn ke che sivwi ayen, kohwo kohwo ra mrẹ odẹ rọye vwẹ ọbe na.

Ẹfesọs 6:12

Ọ dianẹ ugboma vẹ ọbara a họnra na-a, ẹkẹvuọvo ikpihwo ride, ogangan ride, ihwo ride ri suẹn akpọ rẹ ebri nana, otuofovwi rẹ erhi umwemwu re hẹ obo obenu na.

Kolose 2:10

Kọye rha vọn ro avwanre oma, ọye hẹ uyovwi rẹ isuesun ejobi kugbe ogangan ejobi.

1 Tẹsalonaika 2:18

Fikiridie avwanre guọnọ rhe oboyi rhe mrẹ ovwan–oma kọ mana ovwẹ, ri Pọl, kọke kọke–ẹkẹvuọvo Idẹbono kọye hẹ ukọn rọ da avwanre ji.

1 Pita 3:22

ro kpo obo odjuvwu ro de tidia obọrhe rẹ Ọghẹnẹ, vẹ emakashe, otu ri suẹn kugbe ogangan ejobi da vwẹ oma kpotọ kẹ.

Ọbe ri Jud 1:9

Ẹkẹvuọvo ọke ri Maikẹl onotu rẹ emakashe na, vẹ idẹbono vwọ phra aphro, rẹ ayen vwo sivwi orivwi ri Mosis, o ghwe se brorhiẹ hwe rọ da harhọ-ọ, ẹkẹvuọvo ọ da tanẹ, Ọrovwohwo duvwu uwe iyori.

Ẹvwọphia 12:7

Asakiephana ofovwi de rhi she vwẹ obo odjuvwu, Maikẹl vẹ emakashe rọye ki nene Okpodje na họnra; Okpodje na vẹ emakashe rọye je ghwa họnra,