Daniẹl 10:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² Etiyin ọ da ta kẹ vwẹ wọ djẹ ọshọ-ọ, Daniẹl, kidie rhanvwẹ ẹdẹ rẹsosuọ ru wọ vwọ vwẹ udu kpahe otọ vwọ kẹ ẹruọ rẹ ọta na wọ ke rha vwẹ oma kpotọ vwẹ obaro rẹ Ọghẹnẹ wẹn na, eta wẹn enyo ayen, ke me rhere fiki rẹ eta wẹn na.

Daniẹl 10:12 ပူးပေါင်းရင်းမြစ်များ

Une rẹ Ejiro 69:10

Ọke re me da vwẹ oma mẹ kpotọ vwẹ owẹvwe echiro, o mi hirhe oma phihọ ẹghwọ kẹ vwẹ.

Aizaya 35:4

Ta ke ihwo re udu rayen djẹ oshọ, Gba gan, wọ djẹ oshọ-ọ! Nighere, Ọghẹnẹ wẹn na cha rhe vẹ ihri ẹriọ, vẹ osa ẹhwa rẹ Ọghẹnẹ. Ọ cha rhe rhi sivwi uwe.

Aizaya 41:10

wọ dje oshọ-ọ, kidie me vẹ owẹ herọ, wo jẹ ofu dje we-e, kidie Mẹvwẹ Ọghẹnẹ wẹn, Me kẹ wẹ ogangan, Me cha wẹ uko, Me vwẹ obọrhe mẹ rẹ ephiokparobọ na vwọ yọnrọn owẹ.

Aizaya 41:14

Wọ djẹ oshọ-ọ, we ri Jekọp re ohori, ovwan ihwo rẹ Izrẹl! Me sa cha we uko, eriyin Ọrovwohwo tare, Ọtan wẹn ọye Ọfuanfon Ọvuọvo rẹ Izrẹl na.

Aizaya 58:9

Ọke yena ku wo se, Ọrovwohwo ko nyo, ku wo kperi, kọ ta kẹ wẹ nẹ, Mẹvwẹ na. Ọ da dianẹ we si urhekpe na nẹ uherevie rẹ ovwan urhiabọ ra riẹn, kugbe ota umwemwu ra ta,

Aizaya 65:24

Tavwe re ayen ki se ki mi nyo, re ayen je vwo ta ota na ki Mi nyo ayen.

Daniẹl 10:11

Ọ da ta kẹ vwẹ, E Daniẹl, ohwo re vwo ẹguọnọ kẹ gangan, kerhọn rẹ ota re me ta kẹ wẹ na, mudia kpoma vi, kidie asakiephana e ji vwẹ bru we rhe. Rọ vwọ ta ota nana kẹ vwẹ re, mi de vrẹn mudia ke me phariẹ.

Daniẹl 10:19

Etiyin ọ da ta, E ohwo ra nabọ guọnọ wo jẹ oshọ mu we-e, ufuoma vẹ owẹ dia; goma re wo yivwaro. Ọke rọ vwọ ta ota kẹ vwẹ re, mi de rhi vwo ogangan me da ta, Jẹn Ọrovwovwe ta ota, kidie wọ nẹrhẹ ovwẹ vwo ogangan nure.

Livitikọs 16:29

Ọnana kọ dia urhi re vwo sun ovwan bẹdẹ nẹ, vwẹ eghwrẹn, ẹdẹ ihwe rọye, ku wa vwẹ oja re oma rẹ ovwan, we rhe ru iruo-o, te ọmotọ te ọrhorha rọ ohri rẹ ovwan;

Livitikọs 16:31

Kẹ ovwan vwo ru ẹdidjala ẹdẹ rẹ omaerovwo ra vwẹ ọghọ kẹ, wa vwẹ oja re oma re ovwan; Ọnana iji ri bẹdẹ na.

Ukeri 29:7

Vwẹ ẹdẹ rihwe rẹ emeranvwe righwrẹn na ku wo vwo ọghwẹgbe ọfuanfon, wọ me vwẹ oja re oma wẹn; wo ruẹ iruo ọvuọvo-o,

Matiu 28:10

Jesu da ta kẹ ayen nẹ, Wa djẹ oshọ-ọ; ovwan ra vuẹ imoni mẹ ri chekọ nẹ, ayen wan fi Galili, kẹ oboyi ayen da mrẹ vwẹ.

Matiu 28:5

Amakashe na da ta kẹ eya na, Ovwan djẹ oshọ-ọ. Me riẹnre nẹ Jesu ra kare mu agbagba na ovwan guọnọ.

Iyẹnrẹ Esiri ri Mak 16:6

Ọ da ta kẹ ayen, E jo gbe ovwan unu-u Jesu ri Nazarẹt, ra kanre mu agbagba na ovwan guọnọ. O vrẹnre ọ hẹ etinẹ-ẹ. ni asan re muro phihọ!

Iyẹnrẹ Esiri ri Luk 1:13

Ẹkẹvuọvo amakashe na da ta kẹ, Zakaraya wọ djẹ oshọ-ọ, kidie enyo ẹrhovwo wẹn, aye wẹn Flizabẹt che vwiẹ ọmọshare, ku wo se odẹ rọye Jọn.

Iyẹnrẹ Esiri ri Luk 1:30

Amakashe na da ta kẹ, Meri, wọ djẹ oshọ-ọ, kidie ivun wẹ vwerhe Ọghẹnẹ gangan.

Iyẹnrẹ Esiri ri Luk 2:10

Amakashe na da ta kẹ ayen, wa djẹ oshọ-ọ; kidie nighe, me ghwa ikun esiri rẹ aghọghọ rode rhe ovwan ro che bru ihwo ejobi rhe;

Iyẹnrẹ Esiri ri Luk 24:38

Ọ da ta kẹ ayen, Die ovwan vwọ phariẹ, kidie ovwan vwọ nọ enanọ vwẹ udu rẹ ovwan?

Iruo rẹ Iyinkọn na 27:24

ọ da ta, Pọl, wọ dje oshọ-ọ, wo che mudia dẹn vwẹ obaro ri Siza, gbe nighe, Ọghẹnẹ vwẹ ihwo re vẹ owẹ gbe bi ejobi vwọ kẹ wẹ.

Ẹvwọphia 1:17

Ọke re me vwọ mrẹ, mi de she teye awọ rọye kerẹ ohwo ro ghwuru. Ẹkẹvuọvo ọ da ghwẹ obọrhe rọye kpahe ovwẹ, tanẹ, Wọ djẹ oshọ-ọ, Mẹvwẹ hẹ ohwo rẹsosuọ kugbe ọ rọ ka oba,