Daniẹl 10:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Vwẹ ukpe rerha ri Sairọs ovie ri Pẹsha a da rhe vwẹ ota ọvo phia kẹ Daniẹl re se nẹ, Bẹlteshaza. Ota na da dia uyota, dede na ọ vẹ ọsẹghẹ rode. Ota na da ruọ o de jivwo ọhọ rẹ emramrẹ na.

Daniẹl 10:1 ပူးပေါင်းရင်းမြစ်များ

Jẹnẹsis 41:32

Evwerhẹ na rẹ ọhwọhwọ ivẹ na dje phia nẹ Ọghẹnẹ bru ẹdẹ na nure, Ọghẹnẹ kọ cha vwọ phia nanana.

2 Ikun rẹ Ivie 36:22

Asakiephana vwẹ ukpe rẹsosuo ri Sairọs ovie ri Pẹsha, ota rẹ Ọrovwohwo ro wan unu ri Jẹrimaya ta vwọ sẹ, Ọrovwohwo da kpare erhi ri Sairọs ovie ri Pẹsha vwo ghwoghwo aghwoghwo wan uvie rọye ejobi duvwu o de ji sio phihọ otọ;

Ezra 3:7

Ọtiọye ayen da vwẹ igho kẹ otu re ma uwevwi na vẹ otu rẹ ewena, kugbe emuọre, idi, kugbe evwri kẹ ihwo ri Sidọn kugbe ihwo ri Taya, rere ayen ghwa igedu nẹ Lẹbanọn rhe kpo obo abadi, kpo Jọpa, kirobo Sairọs ovie ri Pẹsha rhọvwe kẹ ayen.

Ezra 4:3

Ẹkẹvuọvo Zerubabẹl, Jeshua kugbe igbuyovwi rẹ uwevwi rẹ esemọ rẹ Izrẹl na da ta kẹ ayen nẹ, O dia ovwan vẹ avwanre vwo obọ kugbe vwẹ ebabọn rẹ uwevwi kẹ Ọghẹnẹ rẹ avwanre-e, ẹkẹvuọvo avwanre ọvo re bọn uwevwi kẹ Ọrovwohwo, Ọghẹnẹ rẹ Izrẹl na, kirobo ri Sairọs ovie ri Pẹsha ji urhi kẹ avwanre.

Ezra 4:5

Ayen de durhie evwẹghwanre re vwẹ imuoshọ vwo mu iroro, vwẹ ẹdẹ ri Sairọs ejobi ovie ri Pẹsha tobọ rhiri rhi te ẹriọ ri Dariọs ovie ri Pẹsha.

Ezra 6:14

Ekpako ri Ju na da bọn, o de yovwi kẹ ayen, vwẹ oma rẹ aruẹmrẹ ri Hegae rẹ ọmraro na kugbe Zakaraya ọmọ rẹ Iddo. Ayen da bọn uwevwi na vwẹ oma rẹ urhi rẹ Ọghẹnẹ rẹ Izrẹl ji kugbe urhi ri Sairọs vẹ Dariọs kugbe Artaxserxes ovie ri Pẹsha.

Ezra 6:3

Vwẹ ukpe rẹ ẹsosuọ ri Sairọs rẹ ovie, Sairọs ovie de ji urhi: Vwọ kpahe uwevwi rẹ Ọghẹnẹ rọ hẹ obi Jerusalẹm na, e jẹn arhoma bọn, asan re de ze izobo na ra ghwẹ izobo rẹ atorhẹre cha na, enu era rọye e jọ dia kubit ujorha ohẹhẹre rọye kubit ujorha,

Aizaya 44:28

rọ ta kpahe Sairọs, Ọye osuigegede mẹ, ko che ru iroro mẹ ejobi gba; kọ ta kpahe Jerusalẹm, nẹ, Ka cha bọn wẹ, vwọ kpahe uwevwi na nẹ, Ka cha tọn uchivwo wẹn phihọ otọ.

Daniẹl 1:17

Ọghẹnẹ da rhe vwẹ erianriẹn vẹ ona rẹ ẹbiẹriẹn vẹ ọhọ vwọ kẹ imighene ẹne na; etiyin Daniel de rhi vwo erianriẹn vwẹ oma rẹ emramrẹ vẹ evwerhẹ.

Daniẹl 1:21

Etiyin Daniẹl da herọ rhiri re te ukpe rẹsọsuọ rẹ ovie re se Sairọs.

Daniẹl 1:7

Etiyin re olori rẹ eghwanran na de mu odẹ kẹ ayen, o de se Daniẹl, Bẹltshaza, Hananaya, o de rhe se Shadrack, Mishẹl koye e rhe se nẹ Meshak, Azaraya kọye o rhe se nẹ Abẹdnigo.

Daniẹl 10:14

Me da rhe rere wo vwo vwo ọhọ rẹ obo rẹ cha phia kẹ ihwo wẹn vwẹ ẹdẹ rọ ka oba na. Kidie emramrẹ na vwonẹ ọ herọ vwọ kẹ ẹdẹ rọ cha vwẹ obaro.

Daniẹl 11:2

Asakiephana ki mi gbe uyota na kẹ wẹ. Nighe, ivie erha efa che mu vwi Pẹsha; ọrẹne ọye che me fe vrẹn ayen ejobi, ọ da rhe wan oma rẹ efe na vwo ogangan re, kọ cha riẹriẹ ihwo vwo mukpahe uvie ri Grik.

Daniẹl 12:4

Ẹkẹvuọvo wẹ, Daniẹl, rhurhu eta na, ko ọbe na gbe, bẹsiẹ rẹ ọke rẹ oba na vwo te. Ihwo buebu cha djẹ rhe djẹ kpo, erianriẹn che bu phihọ.

Daniẹl 12:9

Ọ da ta, Yanran kpo asan wọ ra, Daniẹl, kidie erhurhu eta na e de rhe kọ ayen gbe bẹsiẹ rẹ ọke rẹ oba na vwọ te.

Daniẹl 2:21

Ọ rhẹriẹ ọke vẹ ẹghẹre; ọye ri siẹ ivie nẹ ẹdia ọ me rha vwẹ ivie mu, ọ vwẹ aghwanre kẹ ihwo re ghwanre, ọ me rha vwẹ erianriẹn kẹ ihwo ri vwo ẹruọ

Daniẹl 4:8

Ukuko rọye, Daniẹl de rhe mudia vwẹ obaro mẹ–ohwo re wene odẹ rọye phihọ Bẹlteshaza, odẹ rẹ ẹdjọ mẹ, ohwo re erhi rẹ eghẹnẹ efuanfon vọn oma–me da ta evwerhẹ na kẹ, tanẹ,

Daniẹl 5:12

Fikiridie erhi esiri, erianriẹn, vẹ ọhọ ra vwọ fan otọ rẹ evwerhẹ, kugbe ido, kugbe ohwo rọ sa fan otọ rẹ emu ọbẹnbẹn obọ ri Daniẹl a da mrẹ, ohwo rẹ ovie se nẹ Bẹlteshaza. Asakiehana, je re se Daniẹl rhe, kọ cha fan otọ rọye.

Daniẹl 5:17

Etiyin Daniẹl da kpahe kẹ ovie na, Jẹn ẹse wẹn vwo kẹ omaobọ wẹn, wo ru ẹse wẹn kẹ ohwo ọfa; dede na obo re siri na mi se kẹ ovie re me je fan otọ roye kẹ.

Daniẹl 6:28

Ọtiọye o de yovwi kẹ Daniẹl vwẹ ọke ri Dariọs vwọ suẹn kugbe ọke rẹ isuesun ri Sairọs ohwo ri Pẹsha.

Daniẹl 8:16

Mi de nyo urhuru rẹ ohwo ọvo vwẹ uvwre rẹ eghẹn rẹ Ulai na; o de se, Gabriẹl, ru ohwo nana rọ riẹn otọ rẹ emramrẹ na.

Daniẹl 8:26

Emramrẹ rẹ ovwọnvwọn vẹ irhiọke ra tare ye uyota, ẹkẹvuọvo gbe rhurhu emramrẹ na, kidie ọ kpoma phihọ ẹdẹ buebu ro cha.

Iyẹnrẹ Esiri ri Luk 1:20

Nighe, kẹ etinẹ yanran ku wo diunu, wọ gbe sa ta ota-a, bẹsiẹ rẹ imu nana che vwo ru, fikiridie wo se ota mẹ gbuyota-a, ri che ru gba vwẹ ọke rayen.

Ẹvwọphia 19:9

Amakashe na da ta kẹ vwẹ, Si ọnana; Ebruba kẹ ayen otu re se kpo orẹ rẹ orọvwe rẹ Omogodẹ na. Ọ da ta kẹ vwẹ, Enana eta rẹ uyota rẹ Ọghẹnẹ.