Daniẹl 1:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Etiyin re olori rẹ eghwanran na de mu odẹ kẹ ayen, o de se Daniẹl, Bẹltshaza, Hananaya, o de rhe se Shadrack, Mishẹl koye e rhe se nẹ Meshak, Azaraya kọye o rhe se nẹ Abẹdnigo.

Daniẹl 1:7 ပူးပေါင်းရင်းမြစ်များ

Jẹnẹsis 41:45

Fero de se odẹ ri Josẹf Zafenatapanea; ọ da vwẹ Asenat, rẹ ọmọtẹ ri Potifera orherẹ ri On vwọ kẹ nẹ ọ vwọ rọvwọ. Kọye Josẹf de ki otọ rẹ Ijipt ejobi duvwu.

Ivie rẹ Ivẹ 23:34

Fero Niko da vwẹ Elayakim ọmọ ri Josaya ma ovie vwẹ ẹdia ri Josaya, ọsẹ rọye, o de wene odẹ rọyẹ kpo Jehoyakin. Ẹkẹvuọvo ọ da reyọ Jehoahaz yanran; ọ da vwọ rhe Ijipt, etiyin kọye o de ghwu.

Ivie rẹ Ivẹ 24:17

Ovie ri Babilọn da reyọ Matanaya ọmọ rẹ oniọvo ri Jehoyakin ọ da vwọ ma ovie vwẹ ẹdia rọye ọ da rhẹriẹ odẹ rọye kpo Zẹdikaya.

Daniẹl 1:19

Etiyin ovie na vẹ ayen da ta ota vwẹ usun rẹ ihwo na ejobi na a gbe rha mrẹ ohwo ọvuọvo rọ họhọ Daniẹl, Hananaya, Mishẹl, vẹ Azraya-a, vwẹ ọtiọye na ayen de mudia phihọ obaro re ovie na.

Daniẹl 1:3

Etiyin ovie na da vuẹ Ashpenaz, olori rẹ eghwanran rọye, nẹ ọ reyọ ihwo rẹ Izrẹl evo rhe, ekru rẹ ovie vẹ isun.

Daniẹl 10:1

Vwẹ ukpe rerha ri Sairọs ovie ri Pẹsha a da rhe vwẹ ota ọvo phia kẹ Daniẹl re se nẹ, Bẹlteshaza. Ota na da dia uyota, dede na ọ vẹ ọsẹghẹ rode. Ota na da ruọ o de jivwo ọhọ rẹ emramrẹ na.

Daniẹl 2:26

Ovie na da ta kẹ Daniẹl, re se odẹ rọye Bẹlteshaza, Wọ sa ta evwerhẹ re me vwerhẹre na kẹ vwẹ, re wọ da je sa fan otọ rọye kẹ vwẹ?

Daniẹl 2:49

Daniẹl da nọ vwẹ obọ rẹ ovie na, ọ da vwẹ ẹdia kẹ Shadrak, Mẹshak vẹ Abẹdnigo nẹ ayen vwẹ ẹro te iruo rẹ ubrakpọ ri Babilọn, ẹkẹvuọvo Daniẹl da rha daji obo ọguan rẹ ovie na.

Daniẹl 4:5

Me da vwerhẹ evwerhẹ ro mu vwẹ oshọ, ri mi vwo shevwerhẹ ehwa mẹ, eroro vẹ emramrẹ re kọn ro vwẹ uyovwi da nẹrhẹ oshọ mu vwẹ.

Daniẹl 4:8

Ukuko rọye, Daniẹl de rhe mudia vwẹ obaro mẹ–ohwo re wene odẹ rọye phihọ Bẹlteshaza, odẹ rẹ ẹdjọ mẹ, ohwo re erhi rẹ eghẹnẹ efuanfon vọn oma–me da ta evwerhẹ na kẹ, tanẹ,

Daniẹl 5:12

Fikiridie erhi esiri, erianriẹn, vẹ ọhọ ra vwọ fan otọ rẹ evwerhẹ, kugbe ido, kugbe ohwo rọ sa fan otọ rẹ emu ọbẹnbẹn obọ ri Daniẹl a da mrẹ, ohwo rẹ ovie se nẹ Bẹlteshaza. Asakiehana, je re se Daniẹl rhe, kọ cha fan otọ rọye.