Daniẹl 1:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Emu esiri rẹ ovie na ria kọye ọ je ghare kẹ ayen kẹdẹ kẹdẹ, te udi rẹ okpuyovwi rọye je da. Ẹgbukpe erha ọye e vwo yono ayen, ọke rẹ ẹdẹ na de tere kẹ ayen che mudia phihọ obaro rẹ ovie na.

Daniẹl 1:5 ပူးပေါင်းရင်းမြစ်များ

Jẹnẹsis 41:46

Ikpe ọgban Josẹf teri ọke rọ vwọ ro iruo ri Fero ovie rẹ Ijipt. Josẹf da yan nẹ obaro ri Fero, o de ki otọ rẹ Ijipt na ejobi duvwu.

1 Ivie 10:8

Aghọghọ kẹ eya wẹn. Aghọghọ kẹ idibo wẹn nana, re vwẹ kọke kọke mudia vwẹ obaro wẹn ri nyo ẹghwanre wẹn.

Ivie rẹ Ivẹ 25:30

Vwọ kẹ ẹkẹn ughwẹ rọye, ovie na da vwẹ omosa kẹ kọke kọke, uchọke rọ tọn te.

2 Ikun rẹ Ivie 9:7

Aghọghọ kẹ eya wẹn. Aghọghọ kẹ idibo wẹn nana, ri vwi kẹdẹ kẹdẹ muẹdia obaro wẹn re kerhọn rẹ ẹghwanre wẹn.

Isẹ 23:3

Wo vwo ubiupho rẹ emu ọvwevwerhe rọye-e, kidie eye emuọre ra vwọ phiẹn ohwo phihọ.

Jerimaya 15:19

Vwẹ eriyin na, enẹ Ọrovwohwo tare: wo de kurhẹriẹ, ke me reyọ owẹ, ku wo mudia vwẹ obaro mẹ Ọ da dianẹ wọ ta omamọ rẹ ota, rọ gbe dia orharhe-e, ku wọ dia kerẹ unu mẹ, Ayen che bru we rhe, ẹkẹvuọvo wo bru ayen ra-a.

Daniẹl 1:19

Etiyin ovie na vẹ ayen da ta ota vwẹ usun rẹ ihwo na ejobi na a gbe rha mrẹ ohwo ọvuọvo rọ họhọ Daniẹl, Hananaya, Mishẹl, vẹ Azraya-a, vwẹ ọtiọye na ayen de mudia phihọ obaro re ovie na.

Daniẹl 1:8

Ẹkẹvuọvo Daniẹl de roro nẹ ọye sa vwẹ ifiki rẹ avwerhe rẹ emu esiri rẹ ovie na eyẹ udi rẹ ọ dare vwo gbe oma rọye ẹgua-a. Fiki rẹ ọtiọye ọ da ta kẹ olori rẹ eghwanran na nẹ o rhe jẹn ọye gbe oma rọye ẹgua-a.

Matiu 6:11

Emu ri kẹdẹ kẹdẹ vwẹ ọ ri nonẹ kẹ avwanre.

Iyẹnrẹ Esiri ri Luk 1:19

Amakashe na da kpahe kẹ, Mẹvwẹ Gabrẹl ro muẹdia vwẹ obaro rẹ Ọghẹnẹ; ke ji vwe rhe ta ota kẹ wẹ, re me ghwa ikun esiri na rhe we.

Iyẹnrẹ Esiri ri Luk 11:3

Kẹ avwanre emu ri kẹdẹ kẹdẹ;

Iyẹnrẹ Esiri ri Luk 21:36

Ẹkẹvuọvo rhẹrẹ vwẹ ọke ejobi, nẹ ẹrhovwo rere wo se vwo ogangan wọ vwọ vabọ rẹ imu nana ejobi re cha phia na, re wo vwo se mudia vwẹ obaro rẹ Ọmọ rẹ ohwo.

1 Samuẹl 16:22

Sọl da vuẹ rhe Jesse, tanẹ, Jẹn Devid ghwe ru iruo kẹ vwẹ, kidie uruemu rọye je vwe.