Daniẹl 1:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Eriyin Ọrovwohwo de phi Jehoiakim, ovie ri Juda phihọ obọ rọye, vẹ ekuakua evo rẹ uwevwi rẹ Ọghẹnẹ, ọ da ghwẹ ayen kpo otọ ri Shina, vwọ kpo uwevwi rẹ ẹdjọ rọye, ọ da ghwẹ ekuakua na phihọ uwevwi rẹ efe rẹ ẹdjọ rọye.

Daniẹl 1:2 ပူးပေါင်းရင်းမြစ်များ

Jẹnẹsis 10:10

Emuophihọ rẹ uvie rọye ki Babẹl, Erẹk kugbe Akad, enana ejobi kẹ otọ ri Shinar epha.

Jẹnẹsis 11:2

Ọke rẹ ihwo vwọ kua nẹ abọ rẹ ọnre da vacha re, ayen da rhe mrẹ uphephe ọvo vwẹ otọ ri Shinar ayen da dia Etiyin.

Ivie rẹ Ivẹ 24:1

Vwẹ ọke rọye Nebukadreza ovie ri Babilọn vwọ phia, Jehoyakin da dia odibo rọye ikpe erha; o de phren oma, ọ da vwẹ ẹghwọ vwọ suọ.

2 Ikun rẹ Ivie 36:5

Jehoyakim da dia ikpe uje gbe iyori ọ ghwanre te ọke ro vwo mu phihọ ẹriọ, ọ da re ikpe uhwọvo vwi Jerusalẹm. O de ru obo re brare vwẹ obaro rẹ Ọrovwohwo Ọghẹnẹ rọye.

2 Ikun rẹ Ivie 36:7

Nẹbukadreza de ji mu abọvo rẹ ekuakua rẹ uwevwi rẹ Ọrovwohwo kpo Babilọn o da kua ayen phihọ ighẹn rọye vwi Babilọn.

Ezra 1:7

Sairọs ovie na da je ghwẹ ekuakua rẹ uwevwi rẹ Ọrovwohwo na phihọ otafe, e rẹ Nebukadreza ghwẹ reyọ nẹ Jerusalẹm rhe, re mu phihọ uwevwi rẹ edjọ rọye.

Aizaya 11:11

Vwẹ edẹ yena Ọrovwohwo kọ cha riẹn obọ rọye vwẹ obọ rivẹ rhe vwọ ghwẹ umuku rẹ ihwo rọye ri chekọ, nẹ Asiria rhe, nẹ Ijipt, nẹ Patios, nẹ Itiopia, nẹ Elam, nẹ Shinar, nẹ Hamat, kugbe irere re hẹ obo oma rẹ urhie.

Aizaya 42:24

Ono ri siobọ nẹ Jekọp ke Ofurhie na, Izrẹl keẹ ogbọrhi gborho na? O dia Ọrovwohwo, rẹ ayen ru umwemwu kpahe na, rẹ ayen sa yan phihọ idjerhe rọye-e na rẹ urhi rọye ayen ji se mu ọghọ kẹ-ẹ na?

Jerimaya 25:1

Ota ro bru Jẹrimaya rhe kpahe ihwo ri Juda ejobi, vwẹ ẹgbukpe rẹne ri Jehoiakim rẹ ọmọ ri Josaya, ovie ri Juda (oyena ẹgbukpe rẹsosuo ri Nebukadreza ovie ri Babilọn),

Jerimaya 27:16

Koye me ke ta kẹ irherẹn na vẹ ihwo nana nẹ, Enẹ Ọrovwohwo tare, Wa kerhọn rẹ eta rẹ emraro re ovwan re mraro kẹ ovwan na-a, nẹ, Nighe, a cha ghwa ekuakua rẹ uwevwu rẹ Ọrovwohwo na nẹ Babilọn cha phẹrẹkpẹ, kidie efian ayen mraro rọye kẹ ovwan na.

Jerimaya 28:3

Vwẹ emu rẹ ikpe ivẹ me cha ghwa ekuakua rẹ uwevwi rẹ Ọrovwohwo cha etinẹ, e re Nebukadreza ovie ri Babilọn reyọ nẹ etinẹ kpo Babilọn na.

Jerimaya 35:11

Ẹkẹvuọvo ọke rẹ Nebukadreza ovie ri Babilọn vwọ rhe rhi mu kpahe otọ nana re, ma da ta, Wa mọ, ra yanran kpo Jerusalẹm fiki rẹ oshọ rẹ unuofovwi rẹ ihwo ri Kaldia vẹ unuofovwi rẹ ihwo ri Siria na. Kọye ma vwọ dia Jerusalẹm na.

Jerimaya 50:2

Djẹ phia vwẹ ohri rẹ ẹgborho na wo ghwoghwo, vwẹ aphiana tan wo ghwoghwo, wo sionẹ-ẹ, re wo tanẹ: A reyọ Babilọn nure, oma vo Bẹl nure, ofu dje Mẹrodak nure. A vwẹ ema rọye jehwẹ, ofu dje edjọ rọye.

Jerimaya 51:44

Mi che hwe Bẹl vwi Babilọn, mi de si obo rọ rọre na nẹ unu rọye rhe. Ẹgborho na rha ghwiẹ bro ra ọfa-a, igbẹhẹ ri Babilọn she nure.

Daniẹl 5:13

Etiyin a da reyọ Daniẹl rhe obaro rẹ ovie na. Ovie na da ta kẹ Daniẹl, Wẹ hẹ Daniẹl na, ọvo vwẹ usun rẹ ihwo re mu nẹ Juda rhe, rẹ ovie ọse mẹ mu nẹ Juda rhe?

Daniẹl 5:18

E ovie, Ọghẹnẹ ro Me Kpenu ejobi vwẹ adia rẹ ovie, ọrho te urinrin vẹ ọghọ kẹ Nebukadneza ọsẹ wẹn.

Habakọk 1:16

Fiki rẹ ọtiọye na ko ze izobo kẹ ariri rọye kọ tọrhẹ insẹns kẹ ugodo rẹ ariri rọye, kidie ayen ọ vwọ re akpọ, emu rọ ria pha tẹgbẹ yoyovwi.

Zekaraya 5:11

Ọ da ta kẹ vwẹ, Vwo kpo otọ ri Shina, rere a bọn uwevwi kẹ; ọke ra da rhuẹrẹ ọnana nu, ayen ki mu ovwanvwọn na kpahe otọ vwẹ asan rọyen.

Urhi Rivẹ 32:30

Mavọ ohwo ọvo ru djẹ uriori, ihwo ivẹ da sa nẹrhẹ uriori ihwe djẹ, jokpa nẹ Oragha rayen shẹ ayen, rẹ Ọrovwohwo na da sen ayen?

Iguẹdjọ 2:14

Fiki rẹ ọtiọye na Ọrovwohwo de mu ophu ọgangan kpahe Izrẹl, o de phi ayen phihọ abọ re igbunegbu ri gborhe emu rayen; ọ da shẹ ayen vwọ kẹ ogangan rẹ ivwighrẹn re yariẹ ayen phihọ, ọtiọye na ayen rhe vwo ogangan vwẹ oma rẹ ivwighrẹn rẹ aye-en.

Iguẹdjọ 3:8

Eriyin na ophu rẹ Ọrovwohwo na da rhe gan phihọ kpahe Izrẹl, ọ da shẹ ayen phihọ obọ ri Kushanrishataim ovie ri Mẹsopotemia; ihwo re Izrẹl da ga Kushanrishataim ikpe erẹnrẹn.

Iguẹdjọ 4:2

Ọrovwohwo da shẹ ayen phihọ obọ ri Jabin rẹ ovie ri Kenan, rẹ re uvie vwi Hazọr; onotu rẹ ofovwi rọye ki Sisira, rọ dia evun rẹ Haroshẹtagoiim.

1 Samuẹl 5:2

Etiyin ihwo ri Filistia na da reyọ ekpeti rẹ Ọghẹnẹ na ayen de muo kpo uwevwi ri Dagọn ayen de muo kẹrẹ Dagọn.