Daniẹl 1:17 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁷ Ọghẹnẹ da rhe vwẹ erianriẹn vẹ ona rẹ ẹbiẹriẹn vẹ ọhọ vwọ kẹ imighene ẹne na; etiyin Daniel de rhi vwo erianriẹn vwẹ oma rẹ emramrẹ vẹ evwerhẹ.

Daniẹl 1:17 ပူးပေါင်းရင်းမြစ်များ

1 Ivie 3:12

nighe, asakiephana ki mi ru kirobo rẹ ota wẹn epha. Nighe, Me kẹ wẹ aghwanre vẹ udu rẹ evughe, ọtiọye na a mrẹ ọkpọ wẹ rọ ka obaro kẹ wẹ-ẹ eyẹ ọkpọ wẹ rọ ka obuko kẹ wẹ-ẹ.

1 Ivie 3:28

Izrẹl ejobi de nyo orhiẹn rẹ ovie bruru na; udidi rẹ ovie de mu ayen, fikiridie ayen mrẹ vughe nẹ aghwanre rẹ Ọghẹnẹ rhere, rere o vwo bru orhiẹn rẹ ọsoso.

2 Ikun rẹ Ivie 1:10

Asakiephana gba kẹ vwẹ obọ vẹ ẹriẹn re mi vwo sun ayen, kidie kono ri se sun ihwo nana, re epha buebu na?

2 Ikun rẹ Ivie 1:12

Te ọhọ te ẹriẹn me vwẹ ayen kẹ wẹ. Me je vwẹ efe kẹ wẹ rhe, eyere, kugbe ọghọ, ọ tiẹ oghẹre rẹ ivie re karo kẹ wẹ na se vwo-o, eyẹ e re cha vwọ kpahe owẹ-ẹ.

2 Ikun rẹ Ivie 26:5

Ọ da vwẹ oma rọye ejobi vwọ guọnọ Ọghẹnẹ vwẹ ọke ri Zekaraya, ro yoniro phihọ oshọẹdjẹ rẹ Ọghẹnẹ uche ọke rọ guọnọ Ọrovwohwo te, Ọghẹnẹ da nẹrhẹ oyovwi kẹ.

ỌBE RẸ JOB 32:8

Ẹkẹvuọvo erhi rọ hẹ evun rẹ ohwo, ẹnwẹ rẹ Ọrovwoẹgba na, re sa vwẹ ọhọ vwọ kẹ.

Isẹ 2:6

Kidie Ọrovwohwo na ye kẹ ohwo aghwanre; unu rọye ọye erianriẹn vẹ eruọ nẹ cha.

Aghwoghwo 2:26

Kidie ohwo rẹ ivun rọye vwerhẹ Ọghẹnẹ ọye ọ vwẹ ẹghwanre vẹ erianriẹn kugbe aghọghọ kẹ; ẹkẹvuọvo Ọghẹnẹ reyọ okọn rẹ owian rẹ oruimwemwu ejobi, vwọ kẹ ohwo rẹ ivun rọye vwerherọ. Ọnana dede na je hẹ odiodi vẹ odju re nene họnra.

Aizaya 28:26

Kidie eyoniro gba; Ọghẹnẹ rọye yoniro.

Izikiẹl 28:3

wo ghene ghwanre nọ Daniẹl; o vwo emu ọvuọvo rọ djahe kẹ wẹ-ẹ,

Daniẹl 1:18

Oke re ọke na rhe vwọ gba re rẹ ovie na vwọ tanẹ a gba vwẹ ayen rhe, ọlọri rẹ eghwanran na da ghwẹ ayen rhe obaro rẹ Nebukadreza.

Daniẹl 1:20

Etiyin kemu kemu rẹ ovie na nọ vwẹ obọ rayen vwẹ oma rẹ ọhọ vẹ iroro ejobi, ọ da rhe mrẹ nẹ ayen riẹn nọ ighene rọye ejobi, re hẹ evun rẹ uvie rọye.

Daniẹl 1:4

Ighene ri vwo eka-an, ri vwo erhuvwu vẹ ona, vẹ ẹghwanre ra kẹ erianriẹn, ri vwo ẹruọ rẹ uyono, re je sa ga vwẹ ighẹn rẹ ovie, re rhe yono ayen ibi rẹ ẹbe kugbe epherẹ rẹ ihwo ri Kaldia na.

Daniẹl 10:1

Vwẹ ukpe rerha ri Sairọs ovie ri Pẹsha a da rhe vwẹ ota ọvo phia kẹ Daniẹl re se nẹ, Bẹlteshaza. Ota na da dia uyota, dede na ọ vẹ ọsẹghẹ rode. Ota na da ruọ o de jivwo ọhọ rẹ emramrẹ na.

Daniẹl 2:19

Etiyin a da vwẹ otọ rẹ igbunu na phia kẹ Daniẹl vwẹ evun rẹ emramrẹ vwẹ ason. Etiyin Daniẹl de bruba kẹ Ọghẹnẹ rẹ odjuvwu.

Daniẹl 2:21

Ọ rhẹriẹ ọke vẹ ẹghẹre; ọye ri siẹ ivie nẹ ẹdia ọ me rha vwẹ ivie mu, ọ vwẹ aghwanre kẹ ihwo re ghwanre, ọ me rha vwẹ erianriẹn kẹ ihwo ri vwo ẹruọ

Daniẹl 2:23

We, E Ọghẹnẹ rẹ esẹ mẹ, Me vwẹ ẹkpẹvwẹ vẹ ejiro kẹ, kidie wẹ re kẹ vwẹ ẹghwanre vẹ ogangan, obo ma nọ ekpẹn rọye vwẹ obọ wẹ, wọ vwe rọ phia kẹ vwẹ, kidie ota rẹ ovie na wọ vwẹ rọ phia kẹ avwanre.

Daniẹl 2:30

Ẹkẹvuọvo vwọ kẹ vwẹ, ọ dianẹ mi vwo aghwanre nọ ihwo ri chekọ-ọ, ọye nẹrhẹ a vwẹ otọ rẹ emuigbunu na vwọ phia kẹ vwẹ-ẹ, ẹkẹvuọvo rere a vwọ sa fan otọ rọye kẹ ovie, rere wọ sa vwọ riẹn iroro rọ hẹ evun wẹn.

Daniẹl 4:6

Kọye mi de ghwoghwo nẹ e se evwaghwanre ri Babilọn ejobi rhe vwe, rere ayen fan otọ rẹ evwerhẹ na kẹ vwẹ.

Daniẹl 5:14

Mi nyo ikun wẹ nẹ erhi rẹ ẹghẹnẹ efuanfọn na hẹ evun wẹn, nẹ orẹmrẹ, vẹ ẹruọ vẹ omamọ rẹ aghwanre rhe we.

Daniẹl 7:1

Vwẹ ukpe rẹ ẹsosuo ri Bẹlshaza ovie rẹ Babilọn, Daniẹl da vwerhẹ evwerhẹ ọ da mrẹ emramrẹ ọke ro vwo shevwerhẹ enu rẹ ehwa rọye. Etiyin ọ de si evwerhẹ na phihọ otọ, ọ da rha ta obo re hẹ evun rọye.

Daniẹl 8:1

Vwẹ ukpe rerha rẹ ẹriọ rẹ Bẹlshaza, mẹvwẹ ri Daniẹl da mrẹ emramrẹ vwẹ ọke re me vwọ mrẹ ọ rẹsosuọ na nu.

Ukeri 12:6

Etiyin ọ da ta, We nyo eta mẹ: ọ da dianẹ ọmraro uherevie rẹ ovwan, mẹvwẹ rẹ Ọrovwohwo ọye vwẹ oma phia kẹ vwẹ emramrẹ, mi nenire ta ota vwẹ evun rẹ evwerhẹ.

Iyẹnrẹ Esiri ri Luk 21:15

kidie me cha kẹ ovwan unu kugbe aghwanre, rẹ udu rẹ ukọn rẹ ovwan cha sa gba eyẹ phro-o.

Iruo rẹ Iyinkọn na 6:10

Ẹkẹvuọvo udu rẹ ayen sa gba aghwanre kugbe Erhi rọ vwọ ta ota na-a.

Iruo rẹ Iyinkọn na 7:10

O de sio nẹ odjarhe rọye ejobi, ọ da vwẹ aroesiri kugbe aghwanre kẹ vwẹ obaro ri Fero, ovie rẹ Ijipt, ohwo ro vwiro mu osun vwẹ Ijipt kugbe evwruwevwi rọye ejobi.

Iruo rẹ Iyinkọn na 7:22

E de yono Mosis phihọ aghwanre rẹ ihwo rẹ Ijipt ejobi, ọ da rhe dia ọgba vwẹ eta kugbe uruemu.

Kolose 1:9

Vwẹ ọtiọye na, rhanwẹ ọke rẹ avwanre vwo nyo ikun nana unu rẹ avwanre rha ka vẹ ẹrhovwo ra nẹ kẹ ovwa-an, rere evun rẹ ovwan sa vwọ vọn vẹ erianriẹn rọye, vẹ iroro rẹ erhi na kugbe rere ovwan vwo vwo ẹruọ rẹ ota rọye.

Jems 1:17

Kemu kemu esiri na ejobi obo odjuvwu i nẹ cha, nẹ obo rẹ osẹ rẹ urhukpẹ na cha ohwo ro vwo ẹrhẹriẹ-ẹ, rẹ uhoho re ebri ọvuọvo rheri-i.

Jems 1:5

Ẹkẹvuọvo ohwo ro rhe vwo aghwanre vwẹ usun rẹ ovwa-an, e jọ nọ vwẹ obọ rẹ Ọghẹnẹ, ọye ri se siobọ nẹ kemu kemu kẹ ohwo, ọ ghwọ kuẹ ohwo-o; kọ vwọ kẹ.