Aizaya 9:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Obuebu rẹ isuesun rọye vẹ ufuoma rọye se vwo oba-a vwe enu rẹ ekete ri Devid, kugbe enu rẹ uvie rọye, rọ tọn phihọ, rọ yọnrọn vwẹ ọsoso vẹ ọvwata ne ọke nana yanran rhiri bẹdẹ. Oruru rẹ Ọrovwohwo rẹ otuofovwi na yi ri ru ọna.

Aizaya 9:7 ပူးပေါင်းရင်းမြစ်များ

2 Samuẹl 7:16

Uwevwi wẹn vẹ uvie wẹn vẹ ekete wẹn kọ dia bẹdẹ.

Ivie rẹ Ivẹ 19:31

Kidie nẹ evun ri Jerusalẹm umuku ke tanrhe, nẹ Ugbenu ri Zayon rhe otu ri ghwu chekọ ke cha rhe. Oruru rẹ Ọrovwohwo che ru ọnana.

Une rẹ Ejiro 2:8

Nọ vwẹ ọhọ me, ke me vwẹ egborho na ghare owẹ ughwẹ, oba rẹ akpọ na ejobi kọ dia ọwẹn.

Aizaya 11:1

Ẹro ko che yoro nẹ uchuku ri Jessi rhe, oghọn kọ cha tan nẹ esiri rọye rhe.

Aizaya 16:5

Etiyin ka cha bọn ekete phihọ vwẹ ẹguọnọ ro jẹrhẹriẹ ro jephieghe ko che tidia enu rọye vwẹ ọ rẹ uyota vwẹ utughẹ ri Devid ohwo ro che guẹdjọ rọ je guọnọ ọsoso kpata kpata ọye ọ ru ọvwata.

Aizaya 2:4

Ko che guẹdjọ rẹ orere vẹ orere, ko che brorhiẹ rẹ ihwo buebu kẹ ayen che duvwu oda rayen phihọ ighwro, ibiri rayen phihọ egbage, orere gbe cha kparo oda vwọ so orere, eyẹ ayen gbe cha kpare ofovwi ọfa-a.

Aizaya 26:11

E Ọrovwohwo, a kpare obọ wẹn kpenu, ẹkẹvuọvo ayen sa mrẹ-ẹ. Gbe jẹn ayen mrẹ ọdavwẹ wo vwo kẹ ihwo wẹn, rere oma vo ayen. gbe jẹn erhanre rẹ ivwighrẹ wẹn torhẹ ayen

Aizaya 37:32

kidie otọ ri Jerusalẹm na ọye umuku che nurhe, vwe Ugbenu ri Zayọn usun rẹ ihwo ri ghwu chekọ che nurhe. Oruru rẹ Ọrovwohwo ọvo ri che ru emu nana.

Aizaya 40:10

Nighere, Ọrovwohwo Ọghẹnẹ ra cha vẹ ẹgba, igbabọ rọye ri suẹn kẹ, nighere, osa rọye rhere, osa ẹhwa na e hẹ obaro rọye.

Aizaya 42:13

Ọrovwohwo yan phia kerẹ ọgba, kerẹ ohwo rẹ ofovwi rẹ ophu kpare, ọ viẹ phia, o kperi phia, ọ vwẹ ẹgba rọye phia gangan kẹ ivwighrẹ rọye.

Jerimaya 23:5

Nighe, ẹdẹ cha, Ọrovwohwo tare, me cha vwọ kpare oghọn rẹ ọvwata kẹ Devid, kọ re uvie kerẹ ovie ọghwanghwanre, ko brorhiẹ rẹ ọsoso vẹ ọvwata vwẹ otọ na.

Daniẹl 2:35

etiyin te utehru na, ọphiẹn na, ẹrovwo na, idọnọ ọfuanfọn vẹ oro na, ayen ejobi de vwirhi ibribro, etiyin e da rhe dia kerẹ ivwuvwu ri tue kuotọ vwẹ okeuvo, etiyin odju de dju ayen kufia, a gbe mrẹ ivwuvwu rayen ọfa-a. Ẹkẹvuọvo oragha ro she teye oma na de rhi hirhe phihọ ugbenu rode ọ da rhe vọn otọ na ejobi.

Daniẹl 2:44

Vwẹ ọke rẹ ivie yena, Ọghẹnẹ rẹ odjuvwu na cha vwẹ uvie ọvo mu, ra sa guọghọ-ọ eyẹ e che siobọ nẹ ekete rọye ke ihwo ọfa-a. O cha guọghọ ivie nana ejobi ibribro ọ me vwẹ ayen te oba, kẹ o mudia bẹdẹ,

Daniẹl 7:14

Kọye vwẹ isuesun kẹ, kugbe urinrin vẹ uvie, rere ihwo ejobi, vẹ ẹgborho ejobi vẹ ephẹrẹ ejobi vwọ sa ga; isuesun rọye ọye isuesun ri bẹdẹ, ro che jẹ ẹwanvrẹn, kẹ uvie re jẹ sa ghwọrọ.

Daniẹl 7:27

Te uvie na vẹ isuesun na kugbe ọrho rẹ uvie na vwẹ otọ rẹ odjuvwu na ka cha vwẹ ayen kẹ ihwo efuanfon rẹ Ọ ro Me kpenu ejobi; uvie rayen kọ cha dia uvie ri bẹdẹ isuesun na ejobi ke cha ga ri de mu ọghọ kẹ ayen.

Hegae 2:9

Erhuvwu rẹ uwevwi na vwẹ ukuko na ko che yovwi nọ ọ rẹsosuọ, eriyin Ọrovwohwo rẹ otuofovwi na tare; Vwẹ evun rẹ etinẹ na ke me kẹ ovwan oyovwe, eriyin Ọrovwohwo rẹ otuofovwi na tare.

Matiu 1:23

Nighe, ọmọtobẹ cha mrevun, ko vwiẹ ọmọshare, ke se odẹ rọye Immanuẹl, otọ rọye Ọghẹnẹ vẹ avwanre herọ.

Iyẹnrẹ Esiri ri Jọn 12:34

Otu na da kpahe kẹ, Avwanre nyori vwẹ evun rẹ urhi na nẹ Kristi dia bẹdẹ. Komavọ wọ rha vwọ ta nẹ a cha kpare Ọmọ rẹ ohwo kpenu?

Hibru 1:8

Ẹkẹvuọvo vwọ kpahe Ọmọ na ọ da ta, Ekete wẹn, E Ọghẹnẹ, ọ dia bẹdẹ bẹdẹ, ọkpọ rẹ ovwata na ọye hẹ ọkpọ rẹ uvie wẹn.

Hibru 7:24

kirobo rẹ ekpuyovwi rọye vwọ dia rhiri bẹdẹ na, orherẹn rọye rhe vwo ewene-e.

Ẹvwọphia 19:11

Etiyin me da mrẹ odjuvwu ro rhie phihọ, mi vwo ni, me da mrẹ esi ọfuanfon! E de se ọ ro tidia vwẹ enu rọye na Ọresiri kugbe Uyota, vwẹ evun rẹ ọvwata ọye o de guẹdjọ ọye o de ji phiẹ ofovwi.