Aizaya 9:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Kidie avwanre e vwiẹ ọmọ na kẹ, avwanre a vwẹ ọmọ na kẹ, isuesun na kẹ igabọ rọye ọ cha dia, ke se odẹ rọye Ọgba-Aghwanre, Ọghẹnẹ ro vwo Ogangan, Ọsẹ ri Bẹdẹ, Ọmọ rẹ ovie rẹ Ufuoma.

Aizaya 9:6 ပူးပေါင်းရင်းမြစ်များ

2 Samuẹl 7:13

Kọ bọn uwevwi phihọ vwẹ odẹ mẹ ke Me vwẹ uvie rọye muotọ bẹdẹ.

2 Samuẹl 7:16

Uwevwi wẹn vẹ uvie wẹn vẹ ekete wẹn kọ dia bẹdẹ.

1 Ivie 10:9

Ebruba kẹ Ọrovwohwo Ọghẹnẹ wẹn, rẹ ivun wẹ vwerhere rọ da vwẹ owẹ tidia ekete rẹ Izrẹl. Fikiridie Ọrovwohwo guọnọ Izrẹl bẹdẹ, kọye ọ vwọ vwẹ owẹ mu ovie, rere wo vwo brorhiẹ rẹ ọsoso vẹ ọvwata.

1 Ivie 2:33

ọtiọye ọbara rayen cha dia uyovwi ri Joab kugbe uyovwi rẹ uvwiẹ rọye bẹdẹ; ẹkẹvuọvo ufuoma ro nẹ obọ rẹ Ọrovwohwo rhe kọ dia kẹ Devid, vẹ uvwiẹ rọye kugbe uwevwi rọye, kugbe ekete rọye bẹdẹ.

1 Ivie 2:45

Ẹkẹvuọvo ke bruba kẹ Ovie Solomọn, ektre ri Devid kọ ghwaotọ kokoroko vwẹ obaro rẹ Ọrovwohwo bẹdẹ.

Nehemaya 9:32

Asakiephana, Ọghẹnẹ rẹ avwanre, rọ rhoro vẹ ẹgba kugbe Ọghẹnẹ ro mu oshọ, rọ serọ rẹ ọphọ ve ẹguọnọ ro je rhẹriẹ, wo je ọbẹvwẹ nana ro te avwanre oma na, ivie re avwanre, isun re avwanre, irherẹn re avwanre, emraro re avwanre, esẹ rẹ avwanre, kugbe ihwo wẹn ejobi, nẹ ọke rẹ ivie rẹ Asiria rhe rhi te nonẹ na havwa nọ kẹ wẹ-ẹ.

Une rẹ Ejiro 45:3

Churu ọlọkọ wẹn mu ẹkpoghowọ, E ọgba na, vwẹ urinrin wẹn vẹ ọrho wẹn!

Une rẹ Ejiro 45:6

Ekete wẹn, E Ọghẹnẹ, ọ re bẹdẹ bẹdẹ, ọkpọ rẹ uvie wẹn na ọye ọkpọ rẹ abavo,

Une rẹ Ejiro 45:7

Wọ guọnọ ọvwata uvumwemwu tu we oma Fiki rẹ ọtiọye na Ọghẹnẹ rẹ Ọghẹnẹ wẹn na, vwọ vwẹ evwri ghworo uwe evwri rẹ aghọghọ ru wọ vwọ rho nọ otu wẹn,

Une rẹ Ejiro 50:1

Ọgba ọvuọvo na, Ọghẹnẹ Ọrovwohwo na, o tare o de se akpọ na koko ne ẹvacha rẹ ọnre re te eshe kpotọ rọye.

Une rẹ Ejiro 72:17

Jẹn odẹ rọye tọn hẹnrẹn hẹnrẹn, usi rọye kọ dia kreki kerẹ ọnre na! Jẹn ihwo wan oma rọye vwo ebruphihọ, ẹgborho na ejobi ki se nẹ ebruphihọ!

Une rẹ Ejiro 72:3

Jẹn igbenu na bi oyouvwe rhe ihwo na, igbenu rẹ itete na, kẹ ọvwata!

Une rẹ Ejiro 72:7

Vwẹ ọke rọye o jẹn ọvwata dia buebu, rere ufuoma bu, bẹsiẹ rẹ emeranvwe na vwo no fue!

Une rẹ Ejiro 85:10

Ẹguọnọ ro jẹ rhẹriẹ vẹ esegbuyota cha vwa oma; ọvwata vẹ ufuoma cha fiọnfiọn ohwohwo unu.

Une rẹ Ejiro 89:5

Jẹn idjuvwu jiri igbunu wẹn, E Ọrovwohwo, esegbuyota wẹn vwẹ ọghwẹgbe rẹ ihwo efuanfon!

Isẹ 8:23

Ọke rẹ awanre rhe o vwo mu vwe vi, ẹsosuọ, tavwe ra ke mama akpọ na.

Aizaya 10:21

Umuku che rhivwi, umuku ri Jekọp, bru Ọghẹnẹ rẹ ọgba na.

Aizaya 11:5

Ọvwata kọye cha dia umuamwa ro vwo mu ehun, esegbuyota kọye dia umuamwa ro vwo fiẹbe,

Aizaya 16:5

Etiyin ka cha bọn ekete phihọ vwẹ ẹguọnọ ro jẹrhẹriẹ ro jephieghe ko che tidia enu rọye vwẹ ọ rẹ uyota vwẹ utughẹ ri Devid ohwo ro che guẹdjọ rọ je guọnọ ọsoso kpata kpata ọye ọ ru ọvwata.

Aizaya 26:12

E Ọrovwohwo, wẹ re vwẹ ufuoma mu vwọ kẹ avwanre, wẹ ri ru iruo na ejobi phihọ avwanre obọ.

Aizaya 26:3

Wọ sa sẹro rọye vwẹ omamọ rẹ ufuoma, ohwo rọ vwẹ udu rọye kpahe owẹ fikiridie ọ vwẹ ẹro so owẹ.

Aizaya 28:29

Ọnana obọ rẹ Ọrovwohwo rẹ otuofovwi na o nurhe, uchebro rọye gbunu aghwanre rọye kparobọ.

Aizaya 32:1

Nighe, ovie ọvo cha re vwe ọvwata, isun ki sun vwe ọsoso.

Aizaya 37:32

kidie otọ ri Jerusalẹm na ọye umuku che nurhe, vwe Ugbenu ri Zayọn usun rẹ ihwo ri ghwu chekọ che nurhe. Oruru rẹ Ọrovwohwo ọvo ri che ru emu nana.

Aizaya 53:10

Dede na yo je Ọrovwohwo nẹ ọ ghwiẹ, o da vwẹ oja riọ, vwẹ ọke rọ vwọ reyọ vwo ze izobo rẹ umwemwu nu, kọ cha mrẹ uvwiẹ rọye, ko ru ẹdẹ rọye yovwi, ọhọre rẹ Ọrovwohwo ko che yovwi vwẹ obọ rọye,

Aizaya 53:2

Kidie ọ rho vwẹ irharo rọye kerẹ urhe ọboba, kerẹ owọ rẹ urhe rọ djẹ nẹ otọ ọyaya rhe, o vwo irhen eye erhuvwu ro siurhuru re vwo no-o, erhuvwu ọvuọvo rhere ro vwo je ohwo-o.

Aizaya 53:5

Ẹkẹvuọvo a wanrọ oma fiki rẹ ogbeku rẹ avwanre, e bobiro oma fiki rẹ orukuruku rẹ avwanre, ophiaphie ro ru avwanre fon na ọye a vwọ fa, ophiaphie na keye e vwo sivwi avwanre.

Aizaya 63:16

Kidie we he Ọsẹ rẹ avwanre, dede na nẹ Ebraham riẹn avwanre-e , Izrẹl je mrẹ avwanre vughe-e, we, E Ọrovwohwo, ọye Ọsẹ rẹ avwanre, Ọtan rẹ avwanre nẹ ọke rẹ awanre rhe ọye odẹ wẹn.

Aizaya 66:12

Kidie enẹ Ọrovwohwo tare Nighere, Mi che bi erhuvwu vwo rhe kerẹ urhie, efe re ẹgborho na kerẹ ọkẹre rẹ oghwe, ku wo viẹ, ko mu we kpahe awọ rọye, kọ fẹrẹ vwẹ awọ rọye.

Aizaya 7:14

Fiki rẹ ọtiọye na Ọrovwohwo ọvo kọye cha vwẹ oka kẹ wẹn. Nighe, eghene aye cha mrevun, ko che vwiẹ ọmọ, ke se odẹ rọye Imanuẹl.

Aizaya 8:18

Nighe, Mẹvwẹ vẹ emọ rẹ Ọrovwohwo vwọ kẹ vwẹ na eka vẹ asaumwemwu ro nẹ obọ rẹ Ọrovwohwo rẹ ofovwi na rhe ke Izrẹl, Ọrovwohwo dia Ugbenu rẹ Zayọn.

Jerimaya 31:22

Mavọ wo sioma uko krite, E ọmọtẹ rẹ o mudiagaa na? Kidie Ọrovwohwo ma emu ọkpokpọ vwẹ akpọ na, aye esivwo kẹ ọshare.

Daniẹl 2:44

Vwẹ ọke rẹ ivie yena, Ọghẹnẹ rẹ odjuvwu na cha vwẹ uvie ọvo mu, ra sa guọghọ-ọ eyẹ e che siobọ nẹ ekete rọye ke ihwo ọfa-a. O cha guọghọ ivie nana ejobi ibribro ọ me vwẹ ayen te oba, kẹ o mudia bẹdẹ,

Daniẹl 7:14

Kọye vwẹ isuesun kẹ, kugbe urinrin vẹ uvie, rere ihwo ejobi, vẹ ẹgborho ejobi vẹ ephẹrẹ ejobi vwọ sa ga; isuesun rọye ọye isuesun ri bẹdẹ, ro che jẹ ẹwanvrẹn, kẹ uvie re jẹ sa ghwọrọ.

Hegae 2:9

Erhuvwu rẹ uwevwi na vwẹ ukuko na ko che yovwi nọ ọ rẹsosuọ, eriyin Ọrovwohwo rẹ otuofovwi na tare; Vwẹ evun rẹ etinẹ na ke me kẹ ovwan oyovwe, eriyin Ọrovwohwo rẹ otuofovwi na tare.

Matiu 1:1

Ọbe rẹ orua rẹ Jesu Kristi, ọmọ rẹ Devid; ọmọ rẹ Ebraham.

Matiu 1:23

Nighe, ọmọtobẹ cha mrevun, ko vwiẹ ọmọshare, ke se odẹ rọye Immanuẹl, otọ rọye Ọghẹnẹ vẹ avwanre herọ.

Matiu 11:27

Ọsẹ mẹ vwi kemu kemu na ejobi kẹ vwẹ, yẹ ohwo ọvuọvo riẹn ọmọ na-a, jokpa rẹ Ọsẹ na; ohwo ọfa riẹn Ọsẹ na-a, jokpa rẹ Ọmọ na kugbe ihwo rẹ Ọmọ na dje Ọsẹ na kẹ.

Matiu 28:18

Jesu vwo bru ayen rhe ọ da ta kẹ ayen nẹ, Ogangan ejobi re hẹ odjuvwu vẹ akpọ, a vwe ayen kẹ vwẹ.

Iyẹnrẹ Esiri ri Luk 1:35

Amakashe na da ta kẹ, Erhi Ọfuanfon na che bru we rhe, ogangan rẹ Ọro Mekpenu na ko che rhurhu uwe; ọtiọye ọmọ ru wo che vwiẹ na ke se ọfuanfon, ọmọ rẹ Ọghẹnẹ.

Iyẹnrẹ Esiri ri Luk 2:11

Nonẹ na e vwiẹ Osivwi vwẹ obo orere ri Devid, re se Kristi Ọrovwohwo.

Iyẹnrẹ Esiri ri Luk 2:14

Urinrin kẹ Ọghẹnẹ ro kpenu, ufuoma kẹ akpọ evun esiri kẹ ihwo ri vwo udu esiri.

Iyẹnrẹ Esiri ri Luk 21:15

kidie me cha kẹ ovwan unu kugbe aghwanre, rẹ udu rẹ ukọn rẹ ovwan cha sa gba eyẹ phro-o.

Iyẹnrẹ Esiri ri Jọn 1:14

Ota na de rhi hirhe phihọ ohwo ọ da rhe dia ohri rẹ avwanre, ọ vọnre vẹ ẹserọphẹ vẹ uyota; avwanre da mrẹ urinrin rọye ọ tiẹ urinrin rẹ Ọmọ ọvuọvo na ro nẹ obọ rẹ Ọsẹ na rhe.

Iyẹnrẹ Esiri ri Jọn 1:16

Nẹ oma rẹ ọvọnvọn rọye avwanre ejobi, da mrẹ ẹserọphẹ kpahe ẹserọphẹ reyọ.

Iyẹnrẹ Esiri ri Jọn 14:27

Ufuoma mi jovwo kẹ ovwan; ufuoma mẹ me vwọ kẹ ovwan; ọ dia obo rẹ akpọ kẹ me kẹ ovwan na-a. We jẹn udu bru ovwa-an, eyẹ we jẹn oshọ mu ovwa-an.

Iruo rẹ Iyinkọn na 10:36

Ovwan riẹn ota na ro ji bru ihwo rẹ Izrẹl ra, iyẹnrẹ esiri rẹ ufuoma re ghwoghwo kẹ ayen vwẹ oma ri Jesu Kristi ọye Ọrovwohwo ro vwo emu ejobi,

Iruo rẹ Iyinkọn na 20:28

Wa kẹnoma rẹ ovwan kugbe uchuru na ejobi, rẹ Ẹrhi Ọfuanfon na vwọ kẹ ovwan nẹ wa vwẹ ẹro te, re wa ghẹrẹ ishọshi rẹ Ọrovwohwo rọ vwẹ ọbara robọ rọye dẹ.

Ọbe ri Pọl si rhe Ihwo ri Rom 8:32

Ohwo rọ vwẹ Ọmọ rọye ọvuọvo jahwa-a ẹkẹvuọvo o de siobọ no kẹ avwanre ejobi, o gbi rhe siobọ nẹ emu na ejobi vwọ ba?

Ọbe ri Pọl si rhe Ihwo ri Rom 9:5

ayen a vwẹ esẹ ride na kẹ, uvwiẹ rayen, vwẹ ọ rẹ ugboma, kọye Kristi nurhe. Ọghẹnẹ rọ hẹ enu rẹ ayen ejobi ọye ebruba kẹ bẹdẹ. Isẹ.

1 Kọrẹnt 1:30

Ọye hẹ esiri rẹ arhọ wẹn vwẹ evun ri Kristi Jesu, ọye Ọghẹnẹ ru phihọ aghwanre rẹ avwanre, ọvwata, orufuọn kugbe ẹtanhirhe rẹ avwanre;

1 Kọrẹnt 15:25

Kidie ọ re rhiri bẹsiẹ rọ vwọ vwẹ ivwighrẹ rọye hwa otọ kẹ chiyi.

2 Kọrẹnt 5:19

Kọye hẹ, Ọghẹnẹ rọ hẹ evun ri Kristi rọ rhuẹrẹ akpọ na kẹ oma rọye, o roro urhiẹchọ rayen kẹ aye-en, o de phi ovuẹ rẹ erhuarhuẹrẹ na phihọ avwanre obọ.

Urhi Rivẹ 10:17

Kidie Ọrovwohwo Ọghẹnẹ wẹn na, ọye Ọghẹnẹ rẹ ẹdjọ, gbe Ọrovwohwo rẹ irivwohwo, Ọghẹnẹ rode, ro mu oshọ, ro nẹ ohwo ẹro-o, ọ je ria udi-i.

Kolose 2:3

Ohwo rẹ aghwanre kugbe erianriẹn ejobi gbare vwẹ obọ rọye.

1 Timoti 3:16

Ẹtẹkuẹte, oye hẹ ẹrhọvwọ, rẹ igbunu rẹ egagọ rẹ avwanre na; Ọ rọ phiare vwẹ ughoma, ẹ Erhi Ọfuanfon brorhiẹ kẹ, rẹ emakashe mrẹre, re ghwoghwori vwẹ ohri rẹ ẹgborho na, re segbuyota vwẹ akpọ na, re mu kpenu vwẹ urinrin.

Taitọs 2:13

Avwanre ra hẹrhẹ ebruphihọ rẹ iphiẹrohọ rẹ ẹdẹ rẹ ẹcha rọye, ẹvwọphia rẹ urinrin rẹ Ọghẹnẹ Ọsivwi rẹ avwanre rode na Jesu Kristi.

Hibru 1:8

Ẹkẹvuọvo vwọ kpahe Ọmọ na ọ da ta, Ekete wẹn, E Ọghẹnẹ, ọ dia bẹdẹ bẹdẹ, ọkpọ rẹ ovwata na ọye hẹ ọkpọ rẹ uvie wẹn.

Hibru 13:20

Asakiephana e gbe jẹ Ọghẹnẹ rẹ ufuoma rọ kpare Ọrovwavwanre Jesu nẹ ughwu rhe, osuigegede rode na, vwẹ ọbara rẹ ọphọ re rara na,

1 Jọn 5:20

Yẹ avwanre riẹnre nẹ Ọmọ rẹ Ọghẹnẹ na rhe nure ọ da kẹ avwanre ẹruọ, ra vwọ riẹn ohwo rẹ uyota; evun rẹ ohwo rẹ uyota na kọye avwanre epha, evun rẹ Ọmọ rọye na Jesu Kristi. Ọnana hẹ Ọghẹnẹ rẹ uyota kugbe arhọ ri bẹdẹ na.

Ẹvwọphia 19:16

E de si odẹ tamu ewun rọye kugbe ekpoghowọ rọye, Ovie rẹ ivie kugbe Ọrovwohwo ro vwo ihwo.

Iguẹdjọ 13:18

Amakashe rẹ Ọrovwohwo na da ta kẹ nẹ, Die sorọ wọ vwọ nọ ekpẹn rẹ odẹ mẹ, yo wẹ mrẹ nẹ igbunu?