Aizaya 9:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Wo ru irere na bu phihọ wo ru aghọghọ rọye rho phihọ, ayen ra ghọghọ vwẹ obaro wẹn kerẹ aghọghọ rẹ ọke ọrhọ, kerẹsiẹ rẹ ihwo a da ghọghọ rẹ ayen da ghare emu rẹ ofovwi.

Aizaya 9:3 ပူးပေါင်းရင်းမြစ်များ

Nehemaya 9:23

Wọwẹ ri ru uvwiẹ rayen bu phihọ kerẹ isio re obo odjuvwu, wọ da vwẹ ayen rhe otọ ru wọ ta kẹ esẹ rayen ne ayen ruọ rere ayen vwo.

ỌBE RẸ JOB 12:23

O ruẹ ẹgborho rhua, Ọ me rha guọghọ ayen, O ruẹ ẹgborho rua, ọ mi sun ayen yanran.

Une rẹ Ejiro 107:38

Vwẹ oma rẹ ẹrhovwo rọye ayen de yovwi buebu; o rhe jẹn uchuru rayen ravwiẹ-ẹ.

Une rẹ Ejiro 119:162

Me ghọghọ vwẹ oma rẹ ota wẹn kerẹ ohwo rọ mrẹ emu buebu tọrọ.

Une rẹ Ejiro 4:7

Wọ rhoma phi aghọghọ phihọ udu mẹ nọ obo re ayen vwori vwẹ ọke rẹ ọka vẹ udi de buẹ.

Aizaya 10:26

Ọrovwohwo rẹ ofovwi na kọ cha vwẹ ugbudia vwọ fa ayen, kirobo rọ vwerọ fa Midian vwẹ asan oragha rẹ Orẹb, kọ cha riẹn ọkpọ ku urhie, kọ kparọ kirobo ro ru vwẹ Ijipt.

Aizaya 12:1

Wọ cha ta vwẹ ẹdẹ yena. Me sa kpẹvwẹ owẹ, E Ọrovwohwo, owenẹ ivun mẹ miovwo uwe dede, ophu wẹn na bi wan re, we ọvo na rhoma bru vwe uche.

Aizaya 14:5

Ọrovwohwo vwirhi ọkpọ rẹ oruimwemwu nure, ọkpọ rẹ isuesun rẹ ivie,

Aizaya 25:9

Ka cha ta vwẹ ẹdẹ yena, nẹ, Nighe, Ọnana Ọghẹnẹ rẹ avwanre, avwanre hẹrherẹ, rere o rhi sivwi avwanre. Ọnana Ọrovwohwo na; avwanre hẹrherẹ, e gbe jẹn avwanre ghọghọ vwẹ esivwo rọye.

Aizaya 26:15

Ẹkẹvuọvo wẹ ri ru irere na bu, E Ọrovwohwo, wẹ ri ru irere na bu, wẹ ọye e jiri, wẹ re hẹre ughwru rẹ otọ na.

Aizaya 35:10

Ihwo ra tan hirhe rẹ Ọrovwohwo ọvo ri che rhivwi, rhe Zayọn vẹ ine ẹsuọ, vẹ aghọghọ ri bẹdẹ na vwẹ uyovwi rayen, kẹ ayen vwo aghọghọ vẹ omavwerhe, oja vẹ unuẹfiọn ke dje ghwru.

Aizaya 35:2

kọ cha ghwẹ ẹbe phihọ gbidigbidi, oma kọ vwerhọn vẹ aghọghọ kugbe ine ẹsuọ. Urinrin ri Lebanọn ka cha vwọ kẹ, orhuarho ri Kamẹl kugbe Sharọn. Kẹ ayen cha mrẹ urinrin rẹ Ọrovwohwo na, orhuarho rẹ Ọghẹnẹ rẹ avwanre na.

Aizaya 54:1

So ine, E ẹga, ro ji vwiẹ-ẹ, va so ine ru wo kperi phia, ovwan re je chuẹ uvwiẹ dẹvo-o! Kidie emọ re ẹga che bunọ emọ rẹ aye ro kpo orọvwe, eriyin Ọrovwohwo tare.

Aizaya 55:12

Kidie kọ yan phia vẹ aghọghọ, ke suo phia vwẹ ufuoma, te ugbenu ride vẹ itete ke ka obaro kẹ weẹ vẹ ine ẹsuọ irhe rẹ aghwa na ke cha fabọ rayen.

Aizaya 61:10

Ke Me ghọghọ gangan vwẹ evun rẹ Ọrovwohwo, ẹnwẹn Mẹ kọ ghọghọ vwe evun rẹ Ọghẹnẹ Mẹ, kidie ọ reyọ iwun rẹ esivwo vwo rhuo vwe, o ku adagba re ọvwata rhurhu uvwe, kirobo re ọpha ghwẹ emwu gide oma rọye, kirobo rẹ ọpha ghwẹ evwarha eghaghare phihọ oma,

Aizaya 61:7

Vwẹ ẹdia re omaẹvuọ wẹn ku wo vwo ẹkẹn ivẹ, vwe ẹdia re oma ẹphọphọ ku wọ ghọghọ vwẹ ẹkẹn ute wẹn, fiki rẹ ọtiọye na vwẹ evun rẹ otọ wẹn ku wo ẹkẹn ive, ọwẹn kọ dia aghọghọ re rara.

Aizaya 65:14

nighere, idibo Mẹ cha so ine fiki rẹ aghọghọ rọ hẹ udu rayen ẹkẹvuọvo wọ che kperi fiki rẹ ọdjadja rọ he udu wẹn, wo che beroma fiki rẹ ọdjarhe re erhi wẹn.

Aizaya 65:18

Ẹkẹvuọvo gba ghọghọ re oma vwerhe owẹ bẹdẹ vwẹ oma rẹ obo re Me mare, kidie nighere, Me ma Jerusalẹm vwọ kẹ omavwerhe, ihwo rọye ke aghọghọ.

Aizaya 66:10

Nene Jerusalẹm ghọghọ, re oma vwerhe owẹ kẹ, ovwan ihwo ejobi re guọnerọ, nene ghọghọ vwẹ omavwerhe, ovwan ejobi ri muomahọ kẹ,

Jerimaya 31:7

Kidie enẹ Ọrovwohwo tare: vwẹ ọmavwerhovwẹ so une gangan fiki ri Jekọp, je kpare edo do fiki rẹ olori rẹ irere na; ghwoghwo jiro wọ tanẹ, Ọrovwohwo sivwi ihwo rọye nure, iri ghwu chekọ vwẹ Izrẹl.

Hosia 4:7

Ọtiọbo rẹ ayen bute, ọtiọye ayen ji ghwe ru imwemwu kpahe ovwẹ, Me rhẹriẹ urinrin rayen vwo kpo omẹvuọ.

Livitikọs 26:13

Mẹvwẹ Ọrovwohwo Ọghẹnẹ rẹ ovwan, rọ reyọ ovwan vwo nẹ otọ rẹ Ijipt rhe, rere ovwan vwo je eviẹn re Ijipt ẹdia, oghwa ọhọhọhọ rọ gere ovwan ehun jovwo mi siro no rere ovwan vwọ mrẹ asan yan kpoma vi.

Zekaraya 10:8

Me riẹn obọ kẹ ayen mi de koko ayen hẹ uwevwi, kidie Me tan ayen hirhe nure, ayen ki bu kirobo rẹ ayen buru jovwo.

Zekaraya 2:11

Ẹgborho buebu che kuoma rayen gbe Ọrovwohwo vwẹ ẹdẹ yena, ke cha dia ihwo Mẹ; ke Me dia uherevie wẹn ko wọ riẹn nẹ Ọrovwohwo rẹ otuofovwi na re cha vwe ji uvwe bru uwe rhe.

Zekaraya 8:23

E nẹ Ọrovwohwo rẹ otuofovwi tare: Vwẹ ẹdẹ yena eshare ihwe che nẹ ẹgborho rẹ ephẹrẹ Kephere rhe cha yọnre ewun rẹ ohwo ri Ju, ta ne, Jẹn avwanre nene uwe, kidie Me nyori nẹ Ọghẹnẹ vẹ ovwan herọ.

Iyẹnrẹ Esiri ri Luk 11:22

ẹkẹvuọvo ohwo rọ goma nọ de bro rhe ro de phio kparobọ, kọ ka ghwa ekuakua rẹ ofovwi rọ vwẹ ẹro so na reyọ tavwe, rọ ke kua eyere rọye kpo.

Iruo rẹ Iyinkọn na 8:8

Ọtiọye na orere na da rhe vọn vẹ aghọghọ rode.

Filipae 4:4

Ghọghọ vwẹ evun rẹ Ọrovwohwo kẹdẹ kẹdẹ; me rhoma ta, Ghọghọ.

1 Pita 1:8

Ovwan je mrẹ dẹvo-o yẹ ovwan guọnerọ; dede nẹ ovwan je mrẹ dẹvo-o na yẹ ovwan sere gbuyota, ovwan da ghọghọ vẹ omavwerhe rẹ unu se gbe-e.

Iguẹdjọ 5:3

Nyo, E ivie, kerhọ, E isun; Ọrovwohwo na Me cha so ine kẹ, Me so ine ọvwevwerhe kẹ Ọrovwohwo na, Ọghẹnẹ rẹ Izrẹl na.

Iguẹdjọ 7:22

Ọke rẹ ẹko erha rẹ eshare ujori erha na vwo kworo ewanre na nu, Ọrovwohwo na de hirhe aro rẹ ọlọkọ ri kohwo kohwo ku ọrivẹ rọye vwẹ evun rẹ otu ofovwi na ejobi; otu ofovwi na da djẹ shesheri kpo Betshita vwi Zererah, re te ughwru rẹ Abelmehola vwẹ oma ri Tabbat.

Iguẹdjọ 8:12

Zeba vi Zalmunna da djẹ; ọ da vwo tua ayen o de mu ivie ivẹ ri Midian na, Zeba vi Zalmunna, ọ da jẹ uguegue phihọ ayen oma.

1 Samuẹl 30:16

Ọke ro vwo suo yanran, nighe, ayen da hra nene otọ na ejobi, ayen ria ayen da ayen gbe eha, fiki rẹ emu buebu rẹ ayen mrẹ mu nẹ otọ ri Filistia kugbe otọ ri Juda rhe.