Aizaya 9:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Ihwo re yan vwẹ evun rẹ ebri jovwo rhe mrẹ urhukpẹ rode, ihwo re dia otọ rẹ ebri hwi, ayen urhukpẹ la mu.

Aizaya 9:2 ပူးပေါင်းရင်းမြစ်များ

ỌBE RẸ JOB 10:21

tavwe mi ki kpo nẹ etinẹ, mi gbi rhivwi-i, kpo otọ rẹ okuku vẹ ebri rode na-a,

Une rẹ Ejiro 107:10

Ẹvo tidia vwẹ ebri vẹ uvweri, ighuvwu rẹ ọdjarhe vẹ igoni,

Une rẹ Ejiro 107:14

ọ da reyọ ayen nẹ evun rẹ ebri vẹ uvweri, o de vwirhi igọni rayen kufia.

Une rẹ Ejiro 23:4

Owenẹ me yan vrẹn iyara rẹ uhoho rẹ ughwu, Me djẹ oshọ rẹ emu umwemwu-u; kidie wọ vẹ ovwẹ herọ ọkpọ kugbe ugbọphogho wẹn sa vwẹ ufuoma kẹ vwẹ.

Une rẹ Ejiro 4:8

Mi sherhẹ vwerhẹ vwẹ ufuoma, kidie wẹ ọvo kpoi, E Ọrovwohwo, re nẹrhẹ ovwẹ shevwerhẹ egberhẹnẹdẹ.

Aizaya 50:10

Ono vwẹ usun rẹ ovwan na re dje oshọ rẹ Ọrovwohwo ro mu ọghọ kẹ urhuru rẹ idibo rọye, re yan vwẹ evun rẹ ebri ri vwo urhukpẹ-eẹ, dede na yẹ ayen vwẹ ẹro so odẹ rẹ Ọrovwohwo re vwẹ oma da Ọghẹnẹ rọye?

Aizaya 60:19

Ọnre gbe cha dia urhukpẹ wẹn vwẹ ogheruvo-o, eyẹ elo rẹ emeranvwe gbe sa kẹ wẹ orẹmrẹ vwe aso-on, ẹkẹvuọvo Ọrovwohwo kọ dia urhukpẹ wẹn bẹdẹ, Ọghẹnẹ wẹn kọ dia urinrin wẹn.

Aizaya 9:1

Ẹkẹvuọvo o gbi vwo omaemuohọ vwọ kẹ ihwo rẹ ivun miovwe-e. Vwẹ ọke rẹ awanre jovwo ọ da vwẹ otọ ri Zẹbulọn kugbe Naftali vwọ jehwẹ, ẹkẹvuọvo vwẹ ukuko na ko ru irere re obo urhie na yovwi, otọ re hẹ abọ oboyi ri Jọdan, Galili rẹ ọguagua na.

Emọs 5:8

Ohwo rọ ma Emetasa vẹ Oniọhọvikẹ rọ rhẹriẹ ebri hwi phihọ urhiọke, ọ Me rha rhẹriẹ uvo kpo ason, ro se ame rẹ abadi ejobi kpọ o mi rhe won ayen phihọ enu rẹ akpọ na, Ọrovwohwo na ọye odẹ rọye.

Matiu 4:16

Ihwo ri tidia vwẹ evun rẹ ebri ayen mrẹ urhukpẹ rode, kugbe ihwo re hẹ uhoho rẹ ughwu, Arhọ ọkpokpọ de bru ayen rhe.

Iyẹnrẹ Esiri ri Luk 2:32

urhukpẹ rọ la kẹ ihwo ri keferi kugbe urinrin rẹ ihwo wẹn Izrẹl.

Iyẹnrẹ Esiri ri Jọn 12:35

Jesu da ta kẹ ayen, Urhukpẹ na vẹ ovwan je dia kri emerha. Ovwan yan vwẹ ọke na rẹ urhukpẹ vwọ herọ na; ọ dia ọtiọye-e ebri na che muẹ ghene ovwan; ohwo rọ yan vwẹ evun rẹ ebri riẹn asan rọ ra-a.

Iyẹnrẹ Esiri ri Jọn 12:46

Me rhere kerẹ urhukpẹ vwẹ evun rẹ akpọ na, rere ohwo kohwo ro se vwe gbuyota vwo jẹ ebri ẹdia.

Iyẹnrẹ Esiri ri Jọn 8:12

Jesu da rhoma ta kẹ ayen, tanẹ, Mẹvwẹ hẹ urhukpe rẹ akpọ na; ohwo ro nene uvwe ọ gbe sa yan vwẹ evun rẹ ebrii, ẹkẹvuọvo ko vwo urhukpe rẹ arhọ.

Ẹfesọs 5:8

Kidie ebri ovwan epha jovwo, ẹkẹvuọvo vwẹ asakiephana ovwan kẹ urhukpẹ vwẹ evun rẹ Ọrovwohwo; wa gba yan kerẹ emọ rẹ Urhukpe.

1 Pita 2:9

Ẹkẹvuọvo ovwan uvwiẹ ra jẹreyọ, uvwiẹ rẹ irherẹn, ẹgborho ọfuanfon, ihwo robọ rẹ Ọghẹnẹ, rere ovwan vwo se dje iruo rẹ igbunu rẹ ohwo ro se ovwan nẹ ebri rhe vwo kpo urhukpẹ rẹ igbunu rode na.

Iguẹdjọ 5:30

Ọ dianẹ ayen guọnọ obo rẹ ayen ru vwọ ghare ekuakua? Ọmọtẹ ọvo eye ivẹ vwọ kẹ ọshare ọvuọvo; emwa re cheri vwọ kẹ Sisira, emwa re cheri re brona phihọ, uweamwa ivẹ re cheri re brona phihọ, re Me vwọ gbanọ ọhọre mẹ ọ ghare te oma?