Aizaya 9:19 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁹ Fiki rẹ ophu rẹ Ọrovwohwo rẹ otuofovwi na otọ na vwọ torhẹ na ihwo na kerẹ irhe re vwo mu erhanre, o vwo ohwo ọvo rọ yan jẹ oniọvo rọye vwo-o.

Aizaya 9:19 ပူးပေါင်းရင်းမြစ်များ

Aizaya 1:31

Ọgba kọ cha dia kerẹ oma, iruo rọye kọ sa unwe, ayen ivẹ ke cha tọn kugbe, o gbi vwo ohwo ro fuẹ aye-en.

Aizaya 10:6

Orere ro jẹ Ọghẹnẹ ẹriẹn mi ji ro ra ihwo rẹ ophu rẹ ayen mu vwe me vuẹ rẹ na rọ reyọ emuọre re gborho ekuakua, re chiyi ayen pẹtẹ pẹtẹ kerẹ ibehre rẹ irhuvwu.

Aizaya 13:13

Eriyin na ki mi che mu odjuvwu kpogho, akpọ na ko che kpogho nẹ ẹdia rọye, vwe ophu rẹ Ọrovwohwo rẹ ofovwi na vwẹ ẹdẹ rẹ ophu rode rọye na.

Aizaya 13:18

Umurhabo rayen cha sa imighene hwe; ayen vwo arodọvwẹ kẹ emamọ rẹ evu-un, ẹro rayen ria ehrọre kẹ imitete-e.

Aizaya 13:9

Nighere, ẹdẹ rẹ Ọrovwohwo cha, brabra vẹ ophu kugbe ivuemiovwo rode, rọ cha nẹrhẹ akpọ na ejobi kua rọ guọghọ iruimwemwu rọye no.

Aizaya 24:6

Fiki rẹ ọtiọye na ekan kọ ghwọrọ akpọ na, ihwo re dia ke re oja fiki rẹ abe rayen; fiki rẹ ọtiọye na ihwo re dia akpọ na ejobi yamu, imihwo tutuno keye chekọ.

Aizaya 26:11

E Ọrovwohwo, a kpare obọ wẹn kpenu, ẹkẹvuọvo ayen sa mrẹ-ẹ. Gbe jẹn ayen mrẹ ọdavwẹ wo vwo kẹ ihwo wẹn, rere oma vo ayen. gbe jẹn erhanre rẹ ivwighrẹ wẹn torhẹ ayen

Aizaya 3:5

Ihwo na ki che shenyẹ ohwo ohwo ku ohwo ku otu rọye ku ohwo ku ọrivẹ rọye, omotete ko che yivwaro kpahe ọkpako, orharhe ohwo che yivwaro kpahe omiragua.

Aizaya 33:14

Iruimwemwu re he Zayọn oshọ re mu ayen, uguegue mu otu ri je Ọghẹnẹ e vwo Ono vwe usun re avwanre na ve erhanre sa dia? ono vvve usun re avwanre ve ẹtorhẹ ri bẹdẹ na sa dia?

Aizaya 4:4

vwẹ ọke rẹ Ọrovwohwo da cha hworhẹ inuhu rẹ emetẹ ri Zayọn nu, rọ da cha hworhẹ ipe rẹ ọbara ri Jerusalẹm nẹ uherevie rọye nu vwẹ erhi rẹ ọrhiẹbro kugbe erhi rẹ ẹtorhẹ.

Aizaya 42:25

Etiyin o de ku ọtotorhe rẹ ophu rọye kuo kugbe ẹgba rẹ ofovwi rọye, ọ da vwe erhanre riarie phihọ, ẹkẹvuọvo yo riẹnre-e, ọ torhẹre, ẹkẹvuọvo ayen se roro mrẹ-ẹ.

Aizaya 5:24

Fiki rẹ ọtiọye na kirobo rẹ imwerhanre torhẹ etu na, rẹ odi ọyaya torhẹ vwẹ erhanre na, eriyin awọ rẹ umwemwu rayen cha dia gbegbo ẹbe eboba ri yoro cha ki bru ighorigho, fikiridie ayen sen urhi rẹ Ọrovwohwo rẹ otuofovwi na, ayen da jẹ ota rẹ Ọfuanfon Ọvuọvo rẹ Izrẹl na fia.

Aizaya 5:30

Ayen guan vwi fiki rọye vwẹ ẹdẹ yena, kerẹ urhie ro do. Ohwo da kparo ni otọ na, nighere, ebri kugbe ivuemiovwo, orẹmrẹ na ko che mu ebri vwi fiki rẹ ikoro na.

Aizaya 60:2

Kidie nighere, ebri che rhurhu akpọ na, egho prirhẹ che rhurhu ihwo na; ẹkẹvuọvo Ọrovwohwo che vrẹn vwọ kpahe owẹ, ka cha mrẹ urinrm rọye vwẹ oma wẹ.

Aizaya 8:22

ayen ki ni otọ na, ẹkẹvuọvo nighe, odjadja kugbe ebri hwi, omaemuohọ rẹ ivuemiovwo, ke keke ayen phihọ ebri hwi.

Jerimaya 13:16

Vwẹ urinrin kẹ Ọrovwohwo Ọghẹnẹ wẹn tavwe rọ ke vwẹ ebri rhe, tavwe rẹ awọ wẹn ke yẹghrẹn vwẹ igbenu rẹ urhukpẹ rẹ ovwọvwọn. Ri we ji vwo rhẹro rẹ uvo ọ me rhẹriẹ phihọ ebri o mi hirhe phihọ ebri rode.

Izikiẹl 20:47

ta kẹ egbo rọ hẹ obi Nẹgẹb, Nyo ota rẹ Ọrovwohwo na Enẹ Ọrovwohwo Ọghẹnẹ tare, Nighe, mi che koko erhanre phihọ owẹ, kọ torhẹ kurhe kurhẹ ọkpokpọ rọ hẹ evun wẹn kugbe kurhe kurhe ọyaya, e rhe se fue ogidi erhanre na-a, opharo ejobi nẹ obọrhe ọnre rhe rhi te obọhwẹre ọnre erhanre kọ torhẹ.

Izikiẹl 9:5

Vwọ kẹ efa ọ da rha ta kẹ vwẹ nyo nẹ, Vwọ kpahọ wan orere na vrẹn, re wọ ghwiẹ, wo jo sisi we ẹro-o, wọ je re ehrọre-e,

Joẹl 2:2

ẹdẹ rẹ ebri ghwi, ẹdẹ rẹ egho vẹ ebri ghwi! Biebi ghwi o de rhurhu enu rẹ igbenu na ihwo ride vẹ egba gangan, a je mrẹ ọkpọ rayen nẹ awanre rhe-e, eyẹ a je cha mrẹ ọkpọ rayen bẹdẹ-ẹ vwẹ ikpe rẹ uvwiẹ na ejobi.

Joẹl 2:3

Erhanre ra tua vwẹ obaro rẹ ayen, erhanre vwẹ obuko rẹ ayen Otọ na da họhọ udju rẹ Idẹn vwẹ obaro rẹ ayen, ẹkẹvuọvo a da rha vrẹn ovwan nu aghwa ofefe kọye ete, emuọvo cha va ayen abọ-ọ.

Livitikọs 26:26

Mi de vwirhi ọkpọ rẹ ikara rẹ ovwan nu, eya ihwe ke cha dia enyerhanre ọvo kaka ikara, kẹ ovwan cha vwanvwe emu re; ovwan da re nu evun rha vọn ovwa-an.

Emọs 5:18

Ekan kẹ wẹ rọ guọnọ ẹdẹ rẹ Ọrovwohwo na! Die wọ vwọ guọnọ ẹdẹ rẹ Ọrovwohwo na? Ẹdẹ na ebri hwi, o vwo orẹmrẹ-ẹ,

Ọbe rẹ Ọmraro Ọbadaya Obadaya 1:18

Uwevwi ri Jekọp kọ dia kerẹ erhanre, uwevwi ri Jọsef kẹ ọgidi erhanre, uwevwi ri Isọ kẹ ehẹbe, ke ayen torhẹ ayen ka ghwọrọ ayen, ọ gbi che vwo ohwo ovuọvo ro ghwu chekọ vwẹ uwevwi rẹ Isọ-ọ. Kidie Ọrovwohwo na ye tarọ.

Maika 7:2

Ohwo esiri na ghwu nẹ otọ na re, o rhe vwo ọvwata ọvuọvo vwẹ ohri rẹ ihwo-o; ayen ejobi fiọnko hẹrhẹ ọbara dohwo doniọvo rọye tan ariri hẹrhẹ.

Maika 7:6

Kidie ọmọshare na ni ọsẹ rọye saka, ọmọtẹ na ghwe mukpahe oni rọye, aye-orọvwe mukpahe oniorọvwe rọye; uwevwi rẹ obọ rẹ ohwo ọye ọvweghre epha.

Zekaraya 11:6

Kidie mi gbi che nẹ aruẹdọn ke ihwo rẹ otọ nana ọfa-a, Ọrovwohwo re tarọ. Nighe, mi ru ihwo rẹ ọvuọvo de she tehe obọ rẹ osuigodẹ rọye, re ọvuọvo de she tehe obọ rẹ ovie rọye, ayen ke guọghọ akpọ na, mi che sivwi ọvuọvo nẹ obọ raye-en.

Zekaraya 11:9

Ọtiọye na Me da ta, Me gbe dia osuigegede rẹ ovwa-an. Emu ro che ghwu, e jo ghwu; emu rọ cha ghwọrọ. e jọ ghwọ-rọ, jẹn ayen ihwo ri chekọ ohwohwo ghwọrọ ohwo

Malakae 4:1

Gbe nighe, ẹdẹ cha, ọ tuabọ kerẹ enyerhanre, ọke yena ihwo ri herẹ vẹ i ri ruẹ umwemwu ejobi ke cha dia kerẹ ehẹbẹ; ẹdẹ ro cha na kọ cha torhẹ ayen ejobi, eriyin Ọrovwohwo rẹ otuofovwi na tare, ọtiọye na o gbi che jẹ o vwo owọ eyẹrẹ eghọ-ọn.

Matiu 27:45

Kẹ unọke esan yanran egho de rhi mu vwẹ asan ejobi rhiri rhi te unọke irhiri.

Iruo rẹ Iyinkọn na 2:20

ọnre na ko che mu ebri emeranvwe na ko che hirhe phihọ ọbara, kẹsiẹye ẹdẹ rẹ Ọrovwohwo na ki rhi te, ẹdẹ rode na kọ vwẹ oma phia.

2 Pita 2:4

Kidie ọ da dianẹ Ọghẹnẹ vwo ghwovwo emakashe ri ru umwemwu-u, ẹkẹvuọvo ọ da kpare ayen phihọ erhanre e de mu ayen phihọ ukpotọ rẹ obo etan rẹ ebri hwi bẹsiẹ rẹ ẹdẹ ẹdjọ vwo te;