Aizaya 9:17 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁷ Fiki rẹ ọtiọye na oma gbe vwerhe Ọrovwohwo kpahe imighene raye-en, o gbe re ehrọre rẹ ọmọphrorivwi vẹ eyauku raye-en, kidie ayen ohwo ọvuọvo vwo Ọghẹnẹ-e, ayen iruimwemwu rẹ unu rayen ọvuọvo ta ota rẹ ẹkpa. Kidie vwẹ enana ejobi na ophu rọye ji fue-e, yẹn obọ rọye je riẹn phia.

Aizaya 9:17 ပူးပေါင်းရင်းမြစ်များ

ỌBE RẸ JOB 15:34

Kidie usun rẹ otu re riẹn Ọghẹnẹ-ẹ kẹ ẹga e dia, erhanre kọ guọghọ itughẹ rẹ eriudi.

Une rẹ Ejiro 109:12

E ja mrẹ ohwo ro ru ẹse kẹ-ẹ, eyẹ ohwo rọ re ehrọre kẹ emephrorivwi rọye-e!

Une rẹ Ejiro 147:10

Omavwerhe rọye ọ hẹ ọgangan rẹ iyesi-i, eyẹ aghọghọ rọye ọ hẹ igbawọ rẹ ohwo-o,

Aizaya 1:4

E, orere umwemwu ihwo ri kru orukuruku ghwa, uvwiẹ re iruimwemwu na, emọ re omwumwerhe na! Ayen sen Ọrovwohwo, ayen jẹn Ọfuanfon Ọvuọvo re Izrẹl na fia, a riẹriẹ ayen ghwru tototo.

Aizaya 10:2

ri kue orhiẹ rẹ uyota rhẹriẹ kẹ ọ rẹ akpọ bẹn ayen mi mie ihwo mẹ ri vwiogbere ẹkẹn ute rayen, rere eyauku vwọ dia emuọre rayen, ayen mi rhe ru ọmọphrorivwi phihọ eranvwe rayen!

Aizaya 10:4

Emuọvo rhe chekọ-ọ jokpa rẹ ighuvwu ra cha ghwọrọ eyẹ eye she vwẹ ohri rẹ ihwo re hweri. Kidie vwẹ enana ejoi na ophu rọye fueri-i yen obọ rọye je riẹn phia.

Aizaya 10:6

Orere ro jẹ Ọghẹnẹ ẹriẹn mi ji ro ra ihwo rẹ ophu rẹ ayen mu vwe me vuẹ rẹ na rọ reyọ emuọre re gborho ekuakua, re chiyi ayen pẹtẹ pẹtẹ kerẹ ibehre rẹ irhuvwu.

Aizaya 13:18

Umurhabo rayen cha sa imighene hwe; ayen vwo arodọvwẹ kẹ emamọ rẹ evu-un, ẹro rayen ria ehrọre kẹ imitete-e.

Aizaya 14:20

E gbi se shi we vọye kugbe-e, fikiridie wọ guọghọ otọ wẹn nure, wo hwe ihwo wẹn ejobi re. Uvwiẹ rẹ iruimwemwu na e gbi se odẹ wẹn bẹdẹ-ẹ!

Aizaya 24:5

Ihwo rẹ akpọ na gbe akpọ na ku tughu tughu kidie ayen gbe irhi rọye ku, ayen de miovwo irhi na, ayen da ghwọrọ ọphọ ri bẹdẹ na.

Aizaya 27:11

Ọke rẹ eghọn rọye da ya ki vwirhẹ; eya ke cha vwẹ ayen mu erhanre. Kidie enana ihwo re mrẹ emu vughe-e. Vwẹ ọtiọye na ọ rọ ma ayen gbe re ehrọre raye-en. ọ rọ mama ayen gbe vwẹ ẹro esiri ni aye-en.

Aizaya 3:8

Kidie Jerusalẹm rọ yẹghrẹ, Juda she nure; fikiridie ota rayen kugbe uruemu rayen vwọ so Ọrovwohwo ayen da phọphọ asan urinrin rọye.

Aizaya 31:2

Dede na ọye re ghwanre ọye je ghwa okpetu cha, o se ota rọye rhivwi-i, ẹkẹvuọvo o che vrẹn vwo so uwevwi re otu ri ruẹ umwemwu, kugbe ihwo re cha orukuruku uko

Aizaya 31:3

Ihwo rẹ Ijipt na ihwo rẹ akpọ, e dia Ọghẹnẹ-e iyesi rayen ugboma gheghe, e dia erhi-i Ọke rẹ Ọrovwohwo da riẹn obọ rọye phia, ọchuko na kọ yẹghrẹ, ihwo rọ chọ na ki she, ayen ejobi ke ghworọ kugbe

Aizaya 33:11

Wọ mrevun rẹ iphopho, wo vwiẹ ikpato, ẹnwẹn wẹn ko hirhe oma phihọ erhanre rọ torhẹ owe.

Aizaya 33:12

Ihwo na ke dia kere ihwo re torhẹ hirhe phihọ iwurhie, kere inwe ra nyavwe she, ra torhẹ vwe evun re erhanre

Aizaya 40:30

Imighene dede oma sa rhọ ayen, oma sa ghwọrọ ayen,

Aizaya 5:24

Fiki rẹ ọtiọye na kirobo rẹ imwerhanre torhẹ etu na, rẹ odi ọyaya torhẹ vwẹ erhanre na, eriyin awọ rẹ umwemwu rayen cha dia gbegbo ẹbe eboba ri yoro cha ki bru ighorigho, fikiridie ayen sen urhi rẹ Ọrovwohwo rẹ otuofovwi na, ayen da jẹ ota rẹ Ọfuanfon Ọvuọvo rẹ Izrẹl na fia.

Aizaya 5:25

Kọye ophu rẹ Ọrovwohwo vwọ tua kpahe ihwo rọye, ọ da riẹn obọ kpahe ayen ọ da ghwiẹ ayen, igbenu na de kpogho irivwi rayen kerẹ ikueku vwẹ uherevie rẹ urhuvwu Vwẹ enana ejobi na ophu rọye ji fue-e, yẹn obọ rọye je riẹn phia rhe.

Aizaya 62:5

Kirobo rẹ emeghene jovwo ọmọtobẹ na, eriyin emọ wẹn cha rọvwọ owẹ, kirobo rẹ ọshare re ọpha ghọghọ gbe ọpha rọye na, eriyin Ọghẹnẹ wẹn ghọghọ vwẹ oma wẹ.

Aizaya 65:19

Me ghọghọ vwẹ oma ri Jerusalẹm, oma rẹ ihwo Mẹ ke vwerhe ovwẹ, e gbi nyo umri rẹ ovie vwẹ evun rọye-e kugbe ekpere rẹ enu ebro-o.

Aizaya 9:12

Otu ri Siria vwẹ obaro ọnre kugbe Filistia vwẹ obuko ọnre mi rhie unu vwo mu Izrẹl rọ. Kidie vwẹ enana ejobi na ophu rọye feuri-i yẹn obọ rọye je riẹn phia.

Aizaya 9:21

Manasse ria ọ rẹ Ifrem, Ifrem ria ọ ri Manasse, ayen de koko vwọ so Juda. Vwẹ enana ejobi na ophu rọye fueri-i yẹ obọ rọye je riẹn phia.

Jerimaya 18:21

Ọtiọye na vwẹ owẹvwe hwe emọ rayen vwẹ ayen kẹ ogangan rẹ ọlọkọ, jẹn eya rayen dia egan vẹ eyauku. Jẹn emiavwe hwe eshare rayen, ra vwẹ ọlọkọ hwe ighene rayen vwẹ ofovwi.

Jerimaya 5:1

Djẹ kpenẹ kpenẹ wan irhuvwu ri Jerusalẹm, no wo roro te! nabọ guọnọ ọgua rọye se wọ mrẹ ohwo ọvo rọ dia ọsoso ohwo rọ guonọ uyota; ki mi vwo ghovwo.

Izikiẹl 20:33

Re me vwọ herọ na, eriyin Ọrovwohwo Ọghẹnẹ tare, uyota te obọ rẹ ẹgba mẹ vẹ ogangan rẹ ugbobọ mẹ, kugbe ophu ọgangan mẹ, ọye me vwọ dia ovie vwẹ enu wẹ.

Emọs 4:10

Mi ji ọtiekọ rhe ohri rẹ ovwan kerẹ obo ri mi ru Ijipt Me da vwẹ ọlọkọ hwe imighene rẹ ovwan; Mi de mu iyesi rẹ ovwan reyọ, mi de ru ọnrhe rẹ erhọn rẹ ovwan gbo hwe ovwan; yẹ ovwan ji hirhe bru vwẹ rhe-e, Ọrovwohwo na tarọ.

Emọs 8:13

Vwẹ ẹdẹ yena emetobẹ iyoyovwi vẹ imighene ki shero fiki rẹ urhuruame.

Maika 7:2

Ohwo esiri na ghwu nẹ otọ na re, o rhe vwo ọvwata ọvuọvo vwẹ ohri rẹ ihwo-o; ayen ejobi fiọnko hẹrhẹ ọbara dohwo doniọvo rọye tan ariri hẹrhẹ.

Zekaraya 9:17

Ghine uyota, mavọ oyovwi te, mavọ o fẹro te! Emuọre cha nẹrhẹ imighene na rho, wain ọkpokpọ mi rhe ru emetẹ na rho.

Matiu 12:34

Ovwan uvwiẹ rẹ erọdekọ na, re pha brabra miomiovwi na, sa vwọ ta ota rẹ esiri, kidie obo rẹ ohwo rori vwẹ evun ọye ọ ta phia vwẹ unu rọye.

Matiu 16:3

Vwẹ irhiọke ovwan me ta nẹ, ọke na omiomiovwi, kidie enu na pha vwavware kpurhu kpurhu. Ovwan se vughe oka rẹ obo odjuvwu; ẹkẹvuọvo we gbi se vughe oka rẹ ọke nana-a.