Aizaya 9:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ kidie ihwo ri sun ihwo nana sun ayen ghwru, ihwo rẹ ayen sunrun ejobi e mu ayen rọ.

Aizaya 9:16 ပူးပေါင်းရင်းမြစ်များ

2 Ikun rẹ Ivie 30:27

Etiyin irherẹn na vẹ ihwo ri Livae na de vrẹn ayen da nẹ ẹrhovwo kẹ ihwo na, dẹ nyo urhuru rayen, ẹrhovwo rayen de rhi te ẹdia ọfuanfọn rọye vwẹ obo odjuvwu.

Aizaya 10:4

Emuọvo rhe chekọ-ọ jokpa rẹ ighuvwu ra cha ghwọrọ eyẹ eye she vwẹ ohri rẹ ihwo re hweri. Kidie vwẹ enana ejoi na ophu rọye fueri-i yen obọ rọye je riẹn phia.

Aizaya 19:14

Ọrovwohwo phi erhi rẹ ọguọgua erhi rẹ ozighi; ọ da nẹrhẹ Ijipt gele vwẹ idjerhe rọye ejobi kirobo rẹ ọdaidi gele vwẹ ekpakpa rọye.

Aizaya 3:12

Ihwo mẹ imitete ki shenyẹ ayen, eya ki che sun ayen. E ihwo mẹ, isun rẹ ovwanvwan sun ovwan ghwru, ayen de phi ozighi phihọ ada rẹ ovwan.

Aizaya 5:25

Kọye ophu rẹ Ọrovwohwo vwọ tua kpahe ihwo rọye, ọ da riẹn obọ kpahe ayen ọ da ghwiẹ ayen, igbenu na de kpogho irivwi rayen kerẹ ikueku vwẹ uherevie rẹ urhuvwu Vwẹ enana ejobi na ophu rọye ji fue-e, yẹn obọ rọye je riẹn phia rhe.

Jerimaya 18:21

Ọtiọye na vwẹ owẹvwe hwe emọ rayen vwẹ ayen kẹ ogangan rẹ ọlọkọ, jẹn eya rayen dia egan vẹ eyauku. Jẹn emiavwe hwe eshare rayen, ra vwẹ ọlọkọ hwe ighene rayen vwẹ ofovwi.

Jerimaya 23:13

Vwẹ evun rẹ emraro ri Sameria na me da mrẹ emuọvo rẹ ọchọre, ayen vwẹ Baal mraro ayen de sun Izrẹl rẹ ihwo mẹ ghwru.

Jerimaya 9:4

Dohwo dọrivẹ rọye kẹnẹ oma kẹ, wọ vwẹ ẹro so oniọvo ọvuọvo-o oniọvo koniọvo riodọvwe, ọrivẹ kọrivẹ muẹ ohwo phọphọ.

Emọs 2:4

E nẹ Ọrovwohwo na tare. Fiki rẹ ogbeku erha ri Juda, ji kugbe ẹne, Me gbe sa rhan unu rẹ ehwe na-a, fikiridie ayen sen urhi rẹ Ọrovwohwo na, ayen gbe yọnre iji rọye-e ẹkẹvuọvo efian rayen sun ayen ghwru, kirobo rẹ esẹ rayen yanre.

Maika 3:5

E nẹ Ọrovwohwo ta kpahe emraro na ri suẹn ihwo mẹ ghwrẹ na, ri kperẹ, Ufuoma yẹ ayen vwo emuọvo rẹ ayen ria-a, ẹkẹvuọvo yẹ ayen vwẹ ofovwi suọ ohwo ro phi emuọvo phihọ unu raye-en.

Matiu 15:14

We jẹ ayen vwo; irhuẹro ayen ruẹ. Orhuẹro de sun orhuẹro ayen ivẹ ki she phihọ ọgọdọ.

Hibru 7:7

O vwo aphro-o nẹ ohwo rode ọye re nẹ ẹrhovwo kẹ ohwo otete.