Aizaya 9:15 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁵ ọkpako kugbe ohwo ro vwo oghọ ọye uyovwi, ọmraro ro yono efian ọye urhurhuvwun,

Aizaya 9:15 ပူးပေါင်းရင်းမြစ်များ

1 Ivie 13:18

Ọ da ta kẹ, Mẹvwẹ je vwẹ ọmraro kirobo wọ epha, amakashe da rhe ta ota rẹ Ọrovwohwo kẹ vwẹ, tanẹ, Vwo rhivwi rhe uwevwi wẹn rere o re emu re ọ da ame. Ẹkẹvuọvo efian ọ vwọrọn kẹ.

ỌBE RẸ JOB 22:8

Ohwo ro vwo ogangan kọye ri vwo otọ na, ohwo rọ mrẹ ẹroesiri kọye diarọ.

Aizaya 19:15

Emu ọvuọvo gbi chekọ kẹ Ijipt re uyovwi eye urhurhuvwu, uhohi eye eyareya, se ru-u.

Aizaya 23:9

Ọrovwohwo rẹ otuofovwi na jẹn iroro na nure, rere o gbe urinrm ejobi ẹgua, rere o si ọghọ nẹ oma rẹ ihwo re mu ọghọ kẹ vwẹ akpọ na ejobi.

Aizaya 28:15

Fikiridie wọ tare, nẹ, Avwanre vẹ ughwu re ọphọ, avwanre vẹ ushi churobọ, ọke rẹ ọtiekọ na da cha wan vrẹn na, o gbi che bru avwanre rhe-e, kidie avwanre vwẹ efian ru odjahọ rẹ avwanre, vwẹ otọ rẹ efian kẹ etiyin avwanre de si oma nu,

Aizaya 28:17

Ki mi ru usi na dia ọsoso ọvwata ke rha he ovwanvwọn na, ogiribo ko che hwerhe odjahọ rẹ efian na kufia, ame ko che phoro urhurho na.

Aizaya 28:7

Enana ejobi na re kpogho vẹ idi, idi egangan re mu ayen gele; te orherẹn vẹ ọmraro re gele vẹ idi gangan, ayen ghwruru vwi jẹn obaro enote, ayen beghe vwẹ orhiebro

Aizaya 29:10

Kidie Ọrovwohwo ku erhi rẹ okpovwerhẹ ku we, o ki rhe rhurhu ẹro rẹ ovwan rẹ emraro na, o rhurhu iyovwi rẹ ovwan rẹ ọmrẹ na.

Aizaya 3:12

Ihwo mẹ imitete ki shenyẹ ayen, eya ki che sun ayen. E ihwo mẹ, isun rẹ ovwanvwan sun ovwan ghwru, ayen de phi ozighi phihọ ada rẹ ovwan.

Aizaya 3:5

Ihwo na ki che shenyẹ ohwo ohwo ku ohwo ku otu rọye ku ohwo ku ọrivẹ rọye, omotete ko che yivwaro kpahe ọkpako, orharhe ohwo che yivwaro kpahe omiragua.

Aizaya 43:27

Ọsẹ wẹn rẹ ẹsosuọ ru imwemwu, ivwrohọnre wẹn gbe vwe ku.

Aizaya 5:13

Fiki rẹ ọtiọye na ihwo mẹ vwo kpo ijọpha fiki rẹ ughẹghẹn rayen, ihwo ri vwo ọghọ vwẹ usun rayen owẹvwe ro hwe ayen ghwẹ, ibuebu rayen yamu fiki rẹ urhuru rẹ ame.

Aizaya 59:3

Kidie abọ wẹn gbe ẹgua rẹ ọbara irhiabọ wẹn vẹ orukuruku, ẹbẹrunu wẹn vwọrọn efian, ẹrenvwe wẹn re de irhivwẹ vwẹ evun rẹ umwemwu.

Aizaya 59:4

O vwo ohwo ọvuọvo ro brorhiẹ rẹ ọsoso-o, o vwo ohwo ọvuọvo ro vwẹ evun esiri kpo ẹdjọ-ọ; ayen vwẹ ẹro so orẹ ofefe, ayen vwọrọn efian, ayen mrevun rẹ ozighl ayen de vwiẹ orukuruku.

Jerimaya 23:32

Nighe, Mi mu kpahe otu re mraro rẹ evwerhẹ rẹ efian, eriyin Ọrovwohwo tare, kugbe otu re ta kẹ ayen me vwẹ efian evwọrọ vẹ ozighi rayen vwo sun ihwo mẹ ghwru yi mi ji aye-en me je kẹ ayen oganga-an; ayen dia erere kẹ ihwo nana-a, eriyin Ọrovwohwo tare.

Jerimaya 23:9

Vwọ kpahe emraro na: Udu mẹ guọghọre vwẹ evun me, ibeku mẹ ejobi kpoghori, Me họhọ ohwo rọ da udi rhe họhọ ohwo rẹ udi muẹ fiki rẹ Ọrovwohwo na kugbe fiki rẹ eta efuanfon rọye.

Jerimaya 5:31

emraro na mraro rẹ efian irherẹn na ki nene idjedje rayen ihwo mẹ ghwa reyọ wan ọtiọye, komavọ ovwan ru vwẹ ọke rẹ oba de te?

Uvwerhe 2:14

Emraro wẹn mraro rẹ efian vẹ ọphiẹnvwẹ kẹ wẹ, ayen se tue orukuruku wẹn phia-a rọ vwẹ ughwe wẹn rhivwi rhe, ẹkẹvuọvo kẹ ayen bọ epha rẹ efian ro suẹn ohwo ghwrẹ.

Izikiẹl 13:19

Wo gbe vwe ẹgua vwẹ ohri rẹ ihwo mẹ fiki rẹ ẹkuobọ rẹ ọka kugbe ubro rẹ ikara, we mi hwe ihwo ri fo ughwu-u, ihwo ri fo ughwu we mi je ayen vwo, vwẹ oma rẹ efian re wa vwọrọ kẹ ihwo mẹ, re kerhọn rẹ efian.

Izikiẹl 13:22

Fikiridie wọ nẹrhẹ udu bru evwata na ekueku, ye me vwẹ udu bro kẹ, wo de phi udu phihọ ohwo umwemwu awọ, rere o je rhivwi nẹ idjerhe umwemwu rọye ro sivwi arhọ rọye,

Hosia 9:8

Ọmraro na ọye ọrhẹrotọ rẹ Ifreni, ihwo rẹ Ọghẹnẹ mẹ, yẹ a kpahe ufi hẹrhẹ vwẹ idjerhe rọye ejobi, omaetuo vwẹ uwevwi rẹ Ọghẹnẹ rọye.

Emọs 2:4

E nẹ Ọrovwohwo na tare. Fiki rẹ ogbeku erha ri Juda, ji kugbe ẹne, Me gbe sa rhan unu rẹ ehwe na-a, fikiridie ayen sen urhi rẹ Ọrovwohwo na, ayen gbe yọnre iji rọye-e ẹkẹvuọvo efian rayen sun ayen ghwru, kirobo rẹ esẹ rayen yanre.

Maika 3:5

E nẹ Ọrovwohwo ta kpahe emraro na ri suẹn ihwo mẹ ghwrẹ na, ri kperẹ, Ufuoma yẹ ayen vwo emuọvo rẹ ayen ria-a, ẹkẹvuọvo yẹ ayen vwẹ ofovwi suọ ohwo ro phi emuọvo phihọ unu raye-en.

Malakae 2:9

kọye mi de ru we kueku, me da vwẹ owẹ gbe otọ kẹ ihwo buebu mrẹ, fikiridie wọ nene idjerhe mẹ-ẹ ẹkẹvuọvo abọ ọvo kọye uyono wẹ nuẹ nene.

Matiu 24:24

Kidie Kristi rẹ efian cha rhe, kugbe emraro rẹ efian, ayen cha vwẹ eka buebu phia, kugbe emu rẹ igbunu buebu; rere ayen vwọ phiẹn ihwo buebu ghwru; udu rẹ ayen da gba ihwo ra sanọ reyọ dede na, a jẹ phiẹn ayen.

Matiu 7:15

Kenoma kẹ emraro rẹ efian ri ku ewun rẹ ogegede phihọ, yẹ obo evun rayen pha brabra gbegbo kerẹ okpohrokpo.

1 Jọn 4:1

Imoni re ghare, ovwan se erhi kerhi gbuyota-a, ẹkẹvuọvo wa davwe ayen ni tavwe sẹ ghine erhi rẹ Ọghẹnẹ ayen ruẹ; kidie emraro rẹ ofian buebu ro evun rẹ akpọ na re.

Ẹvwọphia 19:20

E de mu eranvwe na, kugbe emraro rẹ efian na ri ruẹ emu rẹ igbunu kẹ mrẹ na re vwọ phiẹn ihwo ra ka oka rẹ eranvwe na phihọ na kugbe ihwo re gọ oma rọye. E de mu ayen ivẹ na ọkpokpọ teye ẹtẹrhe rẹ erhanre rọ torhẹ vẹ ibiosio rẹ erhanre.

1 Samuẹl 9:6

Ẹkẹvuọvo ọ da ta kẹ, Nighe, ohwo rẹ Ọghẹnẹ ọvo hẹ evun rẹ orere na, ọ da dia ohwo re mu ọghọ kẹ; obo rọ tare ejobi sẹ. Jẹn e kpo etiyin; ọkeọvo ọ sa ta kẹ avwanre obo ma vwi fiki rọye yan.