Aizaya 9:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² Otu ri Siria vwẹ obaro ọnre kugbe Filistia vwẹ obuko ọnre mi rhie unu vwo mu Izrẹl rọ. Kidie vwẹ enana ejobi na ophu rọye feuri-i yẹn obọ rọye je riẹn phia.

Aizaya 9:12 ပူးပေါင်းရင်းမြစ်များ

Ivie rẹ Ivẹ 16:6

Ọke yena ọye ovie rẹ Idọm vwọ rhoma reyọ Elat, ọ da djẹ ihwo ri Juda nẹ Elat, ihwo rẹ Idọm da rhe dia asan na, etiyin ayen je epha rhi te nonẹ na.

2 Ikun rẹ Ivie 28:18

Ihwo ri Filistia je ghwa kpare imu kpo irere re nẹ obi Shefeia kugbe Nẹgẹb ri Juda, ayen da reyọ Bẹtshemesh, Aijalọn, Gederọt, Soko vẹ ẹko rayen, Timnah vẹ ẹko rọye, kugbe Gimzo vẹ ẹko rọye; kẹ etiyin kọye ayen kua ro.

Une rẹ Ejiro 79:7

Kidie ayen mu Jekọp rọ, ayen da guọghọ ẹdia rọye te otọ

Aizaya 10:4

Emuọvo rhe chekọ-ọ jokpa rẹ ighuvwu ra cha ghwọrọ eyẹ eye she vwẹ ohri rẹ ihwo re hweri. Kidie vwẹ enana ejoi na ophu rọye fueri-i yen obọ rọye je riẹn phia.

Aizaya 11:14

Ẹkẹvuọvo kẹ ayen che pho mu igabọ ri Filistia ri obuko ọnre, kẹ ayen kuomagbe ra kua ihwo ri obaro ọnre. Ke ayen riẹn obọ vwọ so Idọm kugbe Moab ihwo rẹ Ammọn ki mu ọghọ kẹ ayen.

Aizaya 31:1

Ekan ke otu re yanran kpo Ijipt ra guọnọ ọchuko re vwẹ ẹro go iyesi, re vwẹ ẹro so ekpere re ofovwi kidie i buru re vwẹ ẹro so ihwo re gua iyesi kidie ayen ganre, ẹkẹvuọvo ayen vwẹ ẹro so Ọfuanfon Ọvuọvo rẹ Izrẹl na-a eyẹ ayen je nọ mie Ọrovwohwọ-ọ

Aizaya 5:25

Kọye ophu rẹ Ọrovwohwo vwọ tua kpahe ihwo rọye, ọ da riẹn obọ kpahe ayen ọ da ghwiẹ ayen, igbenu na de kpogho irivwi rayen kerẹ ikueku vwẹ uherevie rẹ urhuvwu Vwẹ enana ejobi na ophu rọye ji fue-e, yẹn obọ rọye je riẹn phia rhe.

Aizaya 9:17

Fiki rẹ ọtiọye na oma gbe vwerhe Ọrovwohwo kpahe imighene raye-en, o gbe re ehrọre rẹ ọmọphrorivwi vẹ eyauku raye-en, kidie ayen ohwo ọvuọvo vwo Ọghẹnẹ-e, ayen iruimwemwu rẹ unu rayen ọvuọvo ta ota rẹ ẹkpa. Kidie vwẹ enana ejobi na ophu rọye ji fue-e, yẹn obọ rọye je riẹn phia.

Aizaya 9:21

Manasse ria ọ rẹ Ifrem, Ifrem ria ọ ri Manasse, ayen de koko vwọ so Juda. Vwẹ enana ejobi na ophu rọye fueri-i yẹ obọ rọye je riẹn phia.

Jerimaya 10:25

Ku ophu wẹn ku ẹgborho ri ju we ẹriẹn kugbe ihwo ri se ode wẹ-en, kidie ayen mu Jekọp rọn, ayen murọ rọn ayen guọgherọ te otọ ayen ru ẹdia rọye phihọ ofefe.

Jerimaya 15:7

Me vwẹ ọfa fa ayen nure vwẹ ughere rẹ otọ na, Me vwẹ emu ru ayen, me ghwọrọ ihwo mẹ nure; ayen kurhẹriẹ nẹ idjerhe raye-en.

Jerimaya 35:11

Ẹkẹvuọvo ọke rẹ Nebukadreza ovie ri Babilọn vwọ rhe rhi mu kpahe otọ nana re, ma da ta, Wa mọ, ra yanran kpo Jerusalẹm fiki rẹ oshọ rẹ unuofovwi rẹ ihwo ri Kaldia vẹ unuofovwi rẹ ihwo ri Siria na. Kọye ma vwọ dia Jerusalẹm na.

Jerimaya 4:8

Fiki rẹ ọnana, gba vwẹ esiso rhuo, viẹ beroma; kidie ophu ọtuatua rẹ Ọrovwohwo na ji kurhẹriẹ jẹn avwanre vwo-o.

Izikiẹl 16:27

Nighe, fiki rẹ ọtiọye na, ke me riẹn obọ mẹ kpahe owẹ, ki mi ru ẹkẹn ute wẹn hanvwe, ki mi siobọ nẹ uwe kẹ urhuru sivwe rẹ ivwighrẹ wẹn, emetẹ rẹ ihwo ri Filistia, rẹ oma voro fiki rẹ ẹban wẹn.

Izikiẹl 6:14

Ke Me cha riẹn obọ Me kpahe ayen, ki mi ru otọ na dia ofefe rhaphiẹ rhaphie, vwẹ asan rẹ ayen dia ejobi, nẹ obo aton na re te Riblah. Etiyin kẹ ayen riẹn nẹ mẹvwẹ Ọrovwohwo na.

Hosia 7:10

Eheri rẹ Izrẹl ọvo se iseri hwe; yẹ ayen ji rhivwi bru Ọrovwohwo Ọghẹnẹ rayen, ayen je guọnọ fiki rẹ enana ejobi-i.

Emọs 4:10

Mi ji ọtiekọ rhe ohri rẹ ovwan kerẹ obo ri mi ru Ijipt Me da vwẹ ọlọkọ hwe imighene rẹ ovwan; Mi de mu iyesi rẹ ovwan reyọ, mi de ru ọnrhe rẹ erhọn rẹ ovwan gbo hwe ovwan; yẹ ovwan ji hirhe bru vwẹ rhe-e, Ọrovwohwo na tarọ.

Emọs 4:11

Me guọghọ ovwan ẹvo, kerẹ ẹsie re Ọghẹnẹ vwọ guọghọ Sodọm vi Gomorah, wa da họhọ imwerhanre re kpare she nẹ erhanre, yu we ji rhivwi bru vwẹ rhe-e, Ọrovwohwo na tarọ.

Emọs 4:6

Me vwẹ ako efuanfon tuetue kẹ ovwan vwẹ irere rẹ ovwan ejobi kugbe ọkarovwẹ re emuọre vwẹ ẹdia rẹ ovwan ejobi, yu we ji se rhivwi bru vwẹ rhe-e, Ọrovwohwo na tarọ.

Emọs 4:8

Etiyin Irere ive yẹrẹ erha mi suo-suo kpo orere ọvo ra da ame, jo mu ayen unu-u; dede na yi we rhivwi bru vwẹ rhe-e, Ọrovwohwo na tarọ.

Emọs 4:9

Me da vwẹ ophan vẹ akprẹn rhe idju rẹ ovwan, re idju vẹ egbo rẹ ovwan da dia ofefẹ; te irhe ri fig rẹ ovwan te irhe re oliv rẹ ovwan ebaka ghwọrọ ayen re; ji we ji rhivwi bru vwe rhe-e Ọrovwohwo na tarọ

Zẹfanaya 1:6

Otu ri chuko ku ri gbi nene Ọrovwohwo-o, re gbe guọnọ Ọrovwohwo-ọ eyẹ ri gbi duotọ rẹ emu vwẹ obọ rọye-e.

Zẹfanaya 3:2

Ọ kerhọn rẹ urhuru ọvuọvọ-o, ọ reyọ obo re dje kẹ-ẹ. Ọ vwẹ ẹro so Ọrovwohwo-o, o si kẹrẹ Ọghẹnẹ rọye-e.

Urhi Rivẹ 31:17

Ophu mẹ kọ la kpahe ayen vwẹ ẹdẹ yena, ke Me sen ki mi si opharo mẹ nu kẹ ayen, ka ghwọrọ ayen; emiovwo vẹ ukpokpogho buebu ki bru ayen ra, eriyin na ayen ke ta vwẹ ẹdẹ yena, Ọ dianẹ emiovwo nana bru avwanre rhe fikirobo rẹ Ọrovwohwo gbe hẹ uherevie rẹ avwanre-e.