Aizaya 8:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ kọ hworhẹ ayen rọ Juda, kọ vọn hwẹ o me djẹ hẹ obaro, bẹsiẹ ro vwo te ohọre, ko che ku reghereghe te asan re otọ wẹn heri te, E Imanuẹl.

Aizaya 8:8 ပူးပေါင်းရင်းမြစ်များ

Ivie rẹ Ivẹ 17:3

Shamlneza ovie rẹ Asiria da rhe họnrọn; Hoshea da rhe dia otọ rọye kọ ghwa ẹga vwo rhe.

2 Ikun rẹ Ivie 12:4

Ọ da reyọ irere ri Juda ra gba ogba phihọ rhiri re te Jerusalẹm.

Aizaya 10:6

Orere ro jẹ Ọghẹnẹ ẹriẹn mi ji ro ra ihwo rẹ ophu rẹ ayen mu vwe me vuẹ rẹ na rọ reyọ emuọre re gborho ekuakua, re chiyi ayen pẹtẹ pẹtẹ kerẹ ibehre rẹ irhuvwu.

Aizaya 30:28

ẹnwen rọye kẹrẹ utọ ro ko phoro ro rhi re ohwo te ohọre; ro che phorhi ẹgborho kpo ẹghwọrọ, kọ cha gba urhe mu unu re ihwo na re o sun ayen ghwru.

Aizaya 43:2

Ọke wọ da wan ame vrẹn ye Me vẹ owẹ herọ, Ọ da dia evun rẹ urhie dede, o che re we-e, wọ da yan erhanre vrẹn ọ cha torhẹ owẹ-ẹ, ogidi erhanre na cha ghwọrọ owẹ-ẹ.

Aizaya 7:14

Fiki rẹ ọtiọye na Ọrovwohwo ọvo kọye cha vwẹ oka kẹ wẹn. Nighe, eghene aye cha mrevun, ko che vwiẹ ọmọ, ke se odẹ rọye Imanuẹl.

Aizaya 7:17

Ọrovwohwo cha vwẹ ẹdẹ kẹ wẹ kugbe ihwo wẹn vẹ uwevwi rẹ ọsẹ wẹn tiẹ oghẹre rẹ ẹdẹ ọtiọye rọ je rhe dẹvo-o rẹ Ifrem vwọ hẹriẹ oma nẹ Juda na–Oviẹ rẹ Asiria.

Aizaya 8:10

Wa jẹ iroro kugbe, ẹkẹvuọvo o che vwo otọ-ọ ta ota ọvo ẹkẹvuọvo o che mudia-a, kidie Ọghẹnẹ vẹ avwanre herọ.

Jerimaya 47:2

Enẹ Ọrovwohwo na tare: Nighe, ame herọ kpara nẹ obọrhe ọnre cha, O cha djẹ ọkẹre reghereghe ayen che reghe otọ na vẹ obo re vọnrọn ejobi. Orere na kugbe otu re dia evun rọye. Ihwo che kperi phia, ohwo kohwo rọ hẹ otọ na ejobi che beroma.

Jerimaya 48:40

Kidie enẹ Ọrovwohwo tare: Nighe, ọvo cha rhan pherephere kerẹ ugo, kọ bẹrẹ ibekpe rọye sa Moab,

Jerimaya 51:42

Abadi bru Babilọn rhire, ọgbogho rọye rhurhu edo rọye muotọ.

Izikiẹl 17:3

ta, Enẹ Ọrovwohwo Ọghẹne tare Ugo rode vẹ ibekpe rode kugbe ugbunu piọnpiọn, vẹ iphoro jigbri dohwo doka rọye, da rhe Lebanọn rhi fru enu rẹ igẹdu reyọ,

Izikiẹl 26:19

Kidie e nẹ Ọrovwohwo Ọghẹnẹ tare. Ọke mi vwo ru we phihọ orere ra kua fiotọ, kere irere ra kuanu, vwẹ ọke me da vwẹ urhie rhe rhi rhurhu uwe, rẹ ame na de rhi reghe uwe.

Daniẹl 11:10

Emọ rọye ke cha kpare ofovwi, ayen me ghwẹ unuofovwi buebu koko, ke cha ghwẹ rhe rhe vọn asan ejobi reghe reghe, ayen me rha kpare ofovwi na rhiri re te ogba rọye.

Maika 1:9

Kidie ora rọye na e se sivwo-o; o te Juda re, o te anurhoro rẹ ihwo mẹ rẹ, o te Jerusalẹm rẹ.

Maika 5:5

Ọnana kọ dia ufuoma, vwẹ ọke rẹ Asiria da rhe otọ rẹ avwanre rhi chiyi otọ rẹ avwanre, avwanre ki se isun igodẹ ighwrẹ kẹ kugbe isun ẹrenre;

Matiu 1:23

Nighe, ọmọtobẹ cha mrevun, ko vwiẹ ọmọshare, ke se odẹ rọye Immanuẹl, otọ rọye Ọghẹnẹ vẹ avwanre herọ.