Aizaya 8:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ fiki rẹ ọtiọye na nighe, Ọrovwohwo cha reyọ ame rẹ Urhie na vwo ku ayen ame rode buebu, ovie rẹ Asiria kugbe urinrin rọye ejobi; ame na ko che phoro igbo na ejobi kugbe egbẹn rayen,

Aizaya 8:7 ပူးပေါင်းရင်းမြစ်များ

Jẹnẹsis 6:17

Kidie nighe, Me cha vwẹ ame ku akpọ na, re ọ rhe ghwọrọ uvwo ejobi ri vwo ẹnwẹn rẹ arhọ rẹ otọ rẹ odjuvwu na; kemu kemu ri enu rẹ akpọ na ejobi ko ghwu re.

Ivie rẹ Ivẹ 19:32

Enẹ Ọrovwohwo ta kpahe ovie rẹ Asiria. Ọ cha rhe orere nana-a, Ọ cha sa odada phihọ etiyi-in, eyẹ ọ cha rhe vẹ ekpọfia eyẹ o che bro dje-e.

Ezra 4:10

kugbe ẹgborho ri chekọ rẹ ohworode kugbe ọhọnvwọnre na Osnappa muru vwo orere rẹ Sameria kugbe ubrakpọ efa ri chekọ vwẹ obovrẹn rẹ Urhie na,

Une rẹ Ejiro 46:4

Urhie ọvo herọ rẹ ọkẹre rọye nẹrhẹ oma vwerha orere rẹ Ọghẹnẹ, ẹdia re ọfuanfon rẹ Ọro Me Kpenu.

Une rẹ Ejiro 72:8

E jo vwo ogangan rẹ isuesun nẹ abadi re te abadi, nẹ Urhie na re te oba rẹ akpọ na!

Aizaya 10:16

Fiki rẹ ọtiọye na Ọrovwohwo, Ọrovwohwo rẹ otuofovwi na, kọ cha vwẹ emiavwe rẹ ẹdọn mu egba rẹ ofovwi na, ke che koko erhanre rọ tua phihọ otọ rẹ urinrin rọye, kerẹ ogidi erhanre.

Aizaya 10:5

E, Asiria, ophiaphien rẹ ophu mẹ, ọkpọ rẹ omẹdja mẹ!

Aizaya 11:15

Ọrovwohwo kọ cha guọghọ ẹrenvwe rẹ urhie rẹ Ijipt tototo; ko kpogho obọ phihọ enu rẹ Abadi rẹ Ijipt Vẹ odju ọtotorhẹ rọye o me gharọ kpo abada ighwrẹ rẹ ihwo mrasan wan otọ ọyaya vrẹn.

Aizaya 28:15

Fikiridie wọ tare, nẹ, Avwanre vẹ ughwu re ọphọ, avwanre vẹ ushi churobọ, ọke rẹ ọtiekọ na da cha wan vrẹn na, o gbi che bru avwanre rhe-e, kidie avwanre vwẹ efian ru odjahọ rẹ avwanre, vwẹ otọ rẹ efian kẹ etiyin avwanre de si oma nu,

Aizaya 28:17

Ki mi ru usi na dia ọsoso ọvwata ke rha he ovwanvwọn na, ogiribo ko che hwerhe odjahọ rẹ efian na kufia, ame ko che phoro urhurho na.

Aizaya 28:2

Nighe, Ọrovwohwo na vwo ọvo rọ dia ọgba rọ ganre; kerẹ ogiribo rẹ osio rẹ elalọ aphopho rọ ghwọrọ, kerẹ aphopho rode, ame ro kuẹ reghe reghe, gidi gidi na ọ cha vwọ ghwiotọ.

Aizaya 43:2

Ọke wọ da wan ame vrẹn ye Me vẹ owẹ herọ, Ọ da dia evun rẹ urhie dede, o che re we-e, wọ da yan erhanre vrẹn ọ cha torhẹ owẹ-ẹ, ogidi erhanre na cha ghwọrọ owẹ-ẹ.

Aizaya 59:19

Ọtiọye na kẹ ayen cha djẹ oshọ rẹ Ọrovwohwo nẹ obuko ọnre rhe, urinrin rọye nẹ ẹvacha rẹ ọnre rhe, ọ cha rhe kerẹ uto rọ dje ọkẹre rẹ odju rẹ Ọrovwohwo muẹ vwọ djẹ.

Aizaya 7:17

Ọrovwohwo cha vwẹ ẹdẹ kẹ wẹ kugbe ihwo wẹn vẹ uwevwi rẹ ọsẹ wẹn tiẹ oghẹre rẹ ẹdẹ ọtiọye rọ je rhe dẹvo-o rẹ Ifrem vwọ hẹriẹ oma nẹ Juda na–Oviẹ rẹ Asiria.

Aizaya 7:20

Vwẹ ẹdẹ yena Ọrovwohwo kọ vwẹ are wanre ihwo re durhie nẹ ovrẹn rẹ Urhie na rhe–vẹ ovie rẹ Asiria–uyovwi vẹ ẹto rẹ awọ ka je wanre ẹtuegba rayen rhe.

Jerimaya 47:2

Enẹ Ọrovwohwo na tare: Nighe, ame herọ kpara nẹ obọrhe ọnre cha, O cha djẹ ọkẹre reghereghe ayen che reghe otọ na vẹ obo re vọnrọn ejobi. Orere na kugbe otu re dia evun rọye. Ihwo che kperi phia, ohwo kohwo rọ hẹ otọ na ejobi che beroma.

Jerimaya 51:42

Abadi bru Babilọn rhire, ọgbogho rọye rhurhu edo rọye muotọ.

Izikiẹl 26:19

Kidie e nẹ Ọrovwohwo Ọghẹnẹ tare. Ọke mi vwo ru we phihọ orere ra kua fiotọ, kere irere ra kuanu, vwẹ ọke me da vwẹ urhie rhe rhi rhurhu uwe, rẹ ame na de rhi reghe uwe.

Daniẹl 11:10

Emọ rọye ke cha kpare ofovwi, ayen me ghwẹ unuofovwi buebu koko, ke cha ghwẹ rhe rhe vọn asan ejobi reghe reghe, ayen me rha kpare ofovwi na rhiri re te ogba rọye.

Daniẹl 11:22

Otuofovwi na ejobi ke che hwerhe ayen yanran a me guọghọ ayen nu vwẹ irharo rọye, ji te osun rẹ ọphọ na rhe.

Daniẹl 9:26

Edidjana ujorha gbe ivẹ na da wanu, ọ ra vwẹ ori te na ka cha nyavwọ kufia, ọ gbi che vwo emuọvo-o, ihwo rẹ osun na re cha cha, kẹ eye cha guọghọ orere na vẹ ẹshẹ na. Oba rọye oghwe rode ko che kuẹ, obo ba rọye ofovwi kọ cha dia; ẹkuafiotọ ọye e ji urhi rọye na.

Emọs 8:8

Otọ na rhe kpogho vwi fiki rẹ ọnana, kohwo kohwo rọ dia evun rọye de muomaphihọ rẹ ayen ejobi de ku reghe reghe kerẹ Nile, ro de phio rhe phio kpo ro ki divwi, kere Nile rẹ Ijipt?

Emọs 9:5

Ọrovwohwo na, Ọghẹnẹ rẹ otuofovwi na, ohwo rọ vwẹ obọ te akpọ na ọ me wran ihwo re dia evun rọye ejobi mi muoma phihọ, aye ejobi mi ku reghe reghe kerẹ Nile ọ me rha kpọ kerẹ Nile rẹ Ijipt;

Maika 1:9

Kidie ora rọye na e se sivwo-o; o te Juda re, o te anurhoro rẹ ihwo mẹ rẹ, o te Jerusalẹm rẹ.

Maika 5:4

Ko vrẹn mudia ghẹrẹ igegede rọye vwẹ ogangan rẹ Ọrovwohwo na, vwẹ ọrhọ rẹ odẹ rẹ Ọrovwohwo Ọghẹnẹ rọye. kọ cha dia vwẹ egbemọphẹ, vwẹ ọke yena kọ cha rho re duvwu ẹtan rẹ akpọ na.

Maika 5:5

Ọnana kọ dia ufuoma, vwẹ ọke rẹ Asiria da rhe otọ rẹ avwanre rhi chiyi otọ rẹ avwanre, avwanre ki se isun igodẹ ighwrẹ kẹ kugbe isun ẹrenre;

Nahum 1:8

Ẹkẹvuọvo ọ cha vwẹ oghwe ro kuẹ vwo furhie otu ri mu kpahọ, kọ cha djẹ ivwighrẹ rọye ra ro evun rẹ ebri.

Iyẹnrẹ Esiri ri Luk 6:48

Kọ họhọ ohwo rọ bọn uwevwi, rọ da nabọ tọn otọ na kokodo, ro ki mu uchivwo na phihọ enu rẹ oragha; ọke rẹ oghwe vwo ku rhe, rẹ ọkẹre vwọ fa uwevwi na, o gbi se kpogho-o, fikiridie a tọnrọ ro otọ kokodo.

Ẹvwọphia 17:15

Ọ da ta kẹ vwẹ, Ame na re wọ mrẹre na, vwẹ asan rẹ igberadja na tidia na, ayen hẹ ihwo kugbe urogho kugbe ẹgborho kugbe ephẹrẹ.