Aizaya 8:20 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁰ Uyono na kugbe iseri na keye ayen bru ra! omuẹro kidie ota nana rayen tare na o gbi vwo ọke erhie kẹ aye-en.

Aizaya 8:20 ပူးပေါင်းရင်းမြစ်များ

Ezra 10:3

Fiki rẹ ọtiọye na, e gbẹ jẹ avwanre vẹ Ọghẹnẹ rẹ avwanre re ọphọ rere avwanre siobọ nẹ eya nana vẹ emọ rayen kpo, kirobo rẹ ọrovwovwe epha vẹ ihwo re phariẹ kpahe Ọghẹnẹ rẹ avwanre na, e jẹn eruo kirobo rẹ urhi na epha.

Une rẹ Ejiro 119:130

Ota wẹn ro rhie phihọ na kẹ orẹmrẹ, ọ vwẹ ẹruọ vwọ kẹ ọvwugheghẹ.

Une rẹ Ejiro 78:5

Ọ vwẹ iseri rọye mu vwi Jekọp, o de ji urhi vwẹ Izrẹl, ro ji kẹ esẹ rẹ avwanre ne vwo yono emọ rayen,

Isẹ 4:18

Ẹkẹvuọvo idjerhe rẹ ohwo esiri ọhọhọ ọke ro rhie cha, ro lo gala gala bẹsiẹ rẹ ọke vwo kpo.

Aizaya 1:10

Nyo ota rẹ Ọrovwohwo, wẹ isun ri Sodọm! Kerhọn rẹ uyono rẹ Ọghẹnẹ rẹ avwanre we ihwo ri Gomora!

Aizaya 8:16

Gba Iseri mẹ na, ka oka phihọ uyono mẹ vwẹ ohri rẹ idibo mẹ.

Aizaya 8:22

ayen ki ni otọ na, ẹkẹvuọvo nighe, odjadja kugbe ebri hwi, omaemuohọ rẹ ivuemiovwo, ke keke ayen phihọ ebri hwi.

Jerimaya 6:16

Enẹ Ọrovwohwo na tare, Mudia vwẹ oma rẹ idjerhe, wo ni, wọ nọ ekpen re idjerhe rẹ awanre na asan rẹ omamọ rẹ idjerhe epha, ru wa yan phihọ, re wọ mrẹ urovwoma vwọ kẹ ẹnwẹn rẹ ovwan Ẹkevuọvo ayen da ta nẹ, Avwanre cha yan phihọ-ọ.

Jerimaya 8:9

Oma cha vo evwaghwanre na vwẹ obọ; oma cha ghwọrọ ayen re de mu ayen; nighe, ayen siẹn ota rẹ Ọrovwohwo, didi aghwanre re hẹ evun rayen?

Hosia 6:3

Jẹn avwanre riẹn, e jẹn avwanre davwe ra riẹn Ọrovwohwo na, e yan phia rọye muẹro kerẹ ọke ro rhie cha; O che bru avwanre rhe kerẹ eghwẹghwẹ rẹ osio, kere isio rẹ ẹsosuọ rọ kpọrhọ otọ.

Maika 3:6

Fiki rẹ ọtiọye na kọ cha dia ason kẹ wẹ, o rhe vwo emramrẹ-ẹ, ke ebri kẹ wẹ, o rhe vwo epha ẹbọ-ọ. Ọnre na che she ghene emraro na, ọke na ko che bi vwẹ enu rẹ ayen;

Malakae 4:2

Ẹkẹvuọvo vwọ kẹ ovwan re djẹ oshọ mẹ na uvo rẹ ọvwata cha bẹrẹ mu ayen, ọ vẹ esivwo vwẹ ibekpe rọye. Ku we che pho kerẹ upene rẹ erhuẹn ro nẹ urhuẹn rọye cha.

Matiu 22:29

Ẹkẹvuọvo Jesu da kpahe kẹ ayen nẹ, Ovwan riẹn emuọvo-o, ovwan riẹn otọ rẹ ẹbe ọfuanfon na-a, eyẹ ogangan rẹ Ọghẹnẹ-ẹ.

Matiu 6:23

Ẹkẹvuọvo ẹro wẹn da dia brabra, oma wẹn na ejobi kọ vọn vẹ ebri. Ọrẹmrẹ rọ hẹ oma wẹn de mu ebri, komavọ ebri yena rho te!

Iyẹnrẹ Esiri ri Mak 10:3

Ọ da kpahọ ọ da ta kẹ ayen, Die Mosis ta kẹ ovwan?

Iyẹnrẹ Esiri ri Luk 10:26

Ọ da ta kẹ, Die e si phihọ urhi na? Mavọ wo sere te?

Iyẹnrẹ Esiri ri Jọn 5:39

Wa guọnọ ẹbe efuanfon na, fikiridie we rori nẹ evun rẹ ayen we de vwo arhọ ri bẹdẹ na; ayen ri se oseri kpahe ovwẹ na;

Iruo rẹ Iyinkọn na 17:11

Asakiephana ihwo ri Ju nana keye me ru dẹndẹn nọ ayen otu re hẹ Tẹsalonaika, kidie urhuru rẹ ota na si ayen gangan, kẹ ayen hiẹ ẹbe ọfuanfon na sẹ imu nana ghine ọtiọye.

Ọbe ri Pọl si rhe Ihwo ri Rom 1:22

Ayen roro nẹ ayen ghware, dayẹ ẹkpa ayen ruẹ,

2 Pita 1:19

Ota rẹ aroẹmrẹ na ko muẹro phihọ. Ovwan ke riẹn ru rẹ ovwan da kerhọn rẹ ọnana kerẹ urhukpẹ rọ la vwẹ evun rẹ ebri, bẹsiẹ rẹ ọke vwo rhiẹ rẹ isio rẹ urhiọke cha vwọ varhe vwẹ udu rẹ ovwan.

2 Pita 1:9

Kidie ohwo kohwo rẹ imu nana kanre yo rhuẹro yẹ orẹmrẹ rọye sheri-i yọ gbe rha karohọ nẹ a hworhẹ ọye nẹ imwemwu rẹ awanre na-a.