Aizaya 8:19 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁹ Ọke rẹ ayen da ta kẹ ovwan nẹ, Eru ẹboepha kugbe otu re azẹ ri tue, ihwo rhe brẹ Ọghẹnẹ rayen ra kpo epha-a? Kẹ ihwo ra bọ epha vwẹ obọ rẹ ohwo ghweghwu fiki rẹ ohwo ọkpokpọ?

Aizaya 8:19 ပူးပေါင်းရင်းမြစ်များ

Jẹnẹsis 41:24

eduru rẹ eka re gẹngẹn na da rọ iri gbuke yoyovwi na. Me tarọ kẹ ẹboepha ejobi, ẹkẹvuọvo o vwo ohwo rọ sa fan otọ rọye kẹ vwẹ-ẹ.

Ivie rẹ Ivẹ 1:3

Amakashe rẹ Ọrovwohwo da ta kẹ Ilaija ohwo ri Tish nẹ, Vrẹn, yanran ra vwa ikọn rẹ ọvie ri Sameria, wọ ta kẹ ayen nẹ, Ọghẹnẹ gbe hẹ Izrẹl re nẹrhẹ ovwan kpo obo ri Bẹlzibọb, ẹdjọ rẹ Ekrọn kpo epha?

Ivie rẹ Ivẹ 21:6

Ọ da vwẹ ọmọ rọye vwo ze izobo, o de yono arọẹmrẹ vẹ epha, ọ vẹ idiẹbo te eriedan ki ruẹ kugbe. Ọ de ru obo re chọre gangan vwẹ obaro rẹ Ọrovwohwo, ọ da nẹrhẹ Ọrovwohwo mu ophu.

Ivie rẹ Ivẹ 23:24

Ọ rọ marho Josaya da djẹ ihwo re vwẹ ẹbo mraro vẹ eriendan rẹ eshare vẹ utẹ vẹ ema vẹ igbiru ejobi ra mrẹre vwẹ otọ ri Juda kugbe Jerusalẹm rere ọ mrẹ asan vwẹ eta rẹ urhi na vẹ i re si phihọ evun rẹ ọbe ri Hilkaya orherẹn na mrẹre vwẹ evun rẹ uwevwi rẹ Ọrovwohwo na.

1 Ikun rẹ Ivie 10:13

Etiyin Sọl de ghwu fiki ri je segbuyota rọye, o se Ọrovwohwo gbuyota-a kidie ijẹmienyo, ọ yọnrọn urhi rẹ Ọrovwohwo-o, ọ je ra guọnọ uchuko vwẹ asan ọfa ọ je ra bọ epha

2 Ikun rẹ Ivie 33:6

Ọ da torhẹ emọ rọye vwo ze izobo vwẹ evun rẹ iyara rẹ emọ ri Hinnọm, ayen ke mraro, ghwere isẹ bọ epha, ki nene irivwi vẹ erieda ta ota. O ru emu imiomiovwi buebu vwẹ obaro rẹ Ọrovwohwo, re kpaerọ ophu.

Une rẹ Ejiro 106:28

Etiyin ayen da vwe oma re ayen gba Baal Peọr, ayen da re izobo re zo kẹ oriwi na;

Aizaya 19:3

Erhi re ihwo re ljipt na kọ rhan nẹ ayen oma, ki mi phi ozighi phihọ iroro rayen; ke ayen diotọ rọye vwẹ obọ rẹ ema vẹ ebọepha, vwẹ obọ rẹ irivwi vẹ erieda;

Aizaya 26:14

Ayen ghwuru, ayen sa rhọ-ọ, uhoho ayen ruẹ, ayen che se vrẹ-ẹn, ki fiki rọye na wọ rhe vwọ ghwọrọ ayen wo de phoro odẹ rẹ ayen ejobi rere evwo jẹ ayen ẹkarophihọ..

Aizaya 29:4

Etiyin nẹ obo okokodo rẹ akpọ na wọ da ta ota phia, vwe ọbo otọ rẹ iwurhie ota wẹn che nurhe; urhuru wẹn cha mra nẹ evun rẹ otọ rhe kerẹ urhuru rẹ orivwi, ota wẹn kọ họhọ ophiọrọ re gbe nẹ iwurhie na rhe.

Aizaya 30:2

ri mu oyan nẹ ayen kpo Ijipt yẹ ayen nọre vwẹ obọ mẹ tavwe-e, ri re se oma nu vwẹ otọ ri Fero, re ra vwẹ oma da vwẹ otọ rẹ uhoho rẹ Ijipt.

Aizaya 45:11

Enẹ Ọrovwohwo tare, Ọfuanfon Ọvuọvo rẹ Izrẹl na, kugbe Ọ rọ marọ Wọ nọ vwẹ orhiẹn kpahe emọ mẹ, eyẹ ji urhi kẹ vwẹ kpahe iruo rẹ obọ mẹ?

Aizaya 47:12

Gbe mudia gan vwẹ ebọ wọ họrhiẹ na kugbe aroẹmrẹ wẹn buebu, ru wọ wian phihọ nẹ ọke emọ rhe, ọkeọvo wọ Me sa kparobọ, ọkeọvọ wọ Me jẹ oshọ mu ihwo.

Aizaya 47:13

Aghwanre buebu re dje ke we na ghwọrọ owe oma, jẹn ayen nabọ mudia re ayen sivwi uwe, ayen ihwo re ghare idjuvwu na, re tọn ẹro vi re tọn ẹro vi isio re he obenu na, re vwẹ emeranvwe ọkpokpọ mraro die re cha phia kẹ wẹ.

Jerimaya 10:10

Ẹkẹvuọvo Ọrovwohwo ọye uvi rẹ Ọghẹnẹ, ọye Ọghẹnẹ rẹ urhuarhọ kugbe Ovie ri bẹdẹ bẹdẹ. Akpọ na kpogho vwẹ ophu rọye ẹgborho na se chiri ivuemiovwo rọye-e.

Jerimaya 27:9

Eriyin na wa gba kerhọn rẹ emraro rẹ ovwan, eboepha rẹ ovwan, evwerhevwerhẹ rẹ ovwan, erieda rẹ ovwan, eyẹ idiẹbo re vuẹ ovwan nẹ, Ovwan cha ga ovie ri Babilọn na-a.

Livitikọs 19:31

We rhivwi bru otu re eboepha-a, eyẹ erieda-a; wọ guọnọ ayen phia-a, ayen de gbe we ẹgua: Mẹvwẹ Ọrovwohwo Ọghẹnẹ wẹn.

Livitikọs 20:6

Ohwo de bru ẹboepha vẹ eriedan, keye ọ vọye gbe ruẹ kugbe, ki mi hirhe opharo Me ku ohwo yena, ki mi bro nẹ ohri rẹ ihwo rọye.

Maika 5:12

ke Me nyavwe ihwo re mraro vwẹ otọ wẹn kufia wo gbi che vwo ihwo re mraro ọfa-a;

Iruo rẹ Iyinkọn na 16:16

Rẹ avwanre vwọ yanran kpo uwevwi rẹ ẹrhovwo na, avwanre da rhe vwa ọmọtẹ ọvo, oviẹn, ro vwo erhi rẹ aroẹmrẹ ro vwẹ aroẹmrẹ na vwọ ghwa efe vwo rhe inini rọye.

Urhi Rivẹ 18:10

We ja mrẹ ohwo ọvo vwẹ uherevie rẹ ovwan rọ torhẹ ọmọshare eyẹ ọmọtẹ rọye vwo ze izobo-o, eyẹ ohwo rọ mraro, eyẹ ọbuepha eyẹ ohwo rọ mrorẹ eyẹ ọbo rọ ghwa ihwo ria,

Urhi Rivẹ 18:11

eyẹ ohwo ro ruẹ inehweri, eyẹ ohwo ro nene irivwi ta ota eyẹ ọrieda, eyẹ ohwo ro hrẹn.

1 Tẹsalonaika 1:9

Kidie ekpuyovwi rẹ ayen nẹ iyẹnrẹ kẹ avwanre oghẹre rẹ edede rẹ avwanre vwori vwẹ ohri rẹ ovwan, kugbe obo rẹ ovwan siobọ nẹ ẹdjọ bru Ọghẹnẹ rhe, rhe ga Ọghẹnẹ rẹ uyota ro jeghwo,

2 Pita 2:1

Ẹkẹvuọvo emraro rẹ efian rhi mu vwẹ ohri rẹ ihwo na, kirobo rẹ iyono rẹ efian je hẹ ohri rẹ ovwan na, re bẹbẹ vwẹ uyono rẹ ohra cha, re tobọ siẹn Onini na ro dẹ ayen na, rọ nẹrhẹ ughwu rhe ghwọrọ ayen kpregede.

1 Samuẹl 28:11

Etiyin aye na da ta, Kono mi se kẹ wẹ? ọ da ta se Samuẹl kẹ vwẹ.

1 Samuẹl 28:16

Samuẹl da ta, Kidie wọ rha rhe vwọ nọ vwẹ, yu wọ mrẹ nẹ Ọrovwohwo chuko kẹ wẹ yẹ owẹ kẹ ọvweghrẹ rọye?

1 Samuẹl 28:7

Etiyin Sọl da ta kẹ idibo rọye, Wa guọnọ aye rọ dia ọboerivwi kẹ vwẹ, re mi bro ra re duotọ rọye vwẹ obọ rọye. Idibo rọye da ta kẹ, Nighe, Ọboerivwi ọ hẹ obo Ẹndọr.

1 Samuẹl 28:8

Etiyin Sọl da ghwiẹ emwa rọye nu o de ku iwun gheghe phihọ, ọ da yanran, te ọye kugbe ihwo ivẹ efa re vwọ ba; ayen de rhi te asan rẹ aye na vwẹ ason. ọ da ra, Duotọ rẹ emu ọvo kẹ vwẹ, re wo so ohwo kohwo ri mi se odẹ rọye kẹ wẹ ejobi kẹ vwẹ.