Aizaya 8:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ Gba Iseri mẹ na, ka oka phihọ uyono mẹ vwẹ ohri rẹ idibo mẹ.

Aizaya 8:16 ပူးပေါင်းရင်းမြစ်များ

Ivie rẹ Ivẹ 11:12

Ọ da vwẹ ọmọ rẹ ovie na phia, ọ da vwẹ erhu rẹ ovie tughẹ, ọ da vwẹ ọbe rẹ irhi na kẹ; ayen de ghwoghwo nẹ ọye ovie, a da vwẹ evwri ghworo uyovwi, ayen da teye abọ rayen, ayen da ta, E jẹn ovie tọn.

Une rẹ Ejiro 25:14

Ugbeyan re Ọrovwohwo eye ihwo re djẹ oshọ rọye, kọ cha vwẹ ọphọ rọye phia kẹ ayen.

Aizaya 50:4

Ọrovwohwo Ọghẹnẹ kẹ vwe ẹrenvwe rẹ ihwo re yonori, rere Me vwo riẹn obo ra sa vwẹ ota yọnrọn ohwo rẹ oma rhọ Irhiọkẹ kirhiọkẹ o vwo vrẹn, ọ rhọvwọ erhọn mẹ rọ vwo nyo kere ihwo re yonori

Aizaya 54:13

Emọ wẹn ejobi kẹ Ọrovwohwo ri yono ayen, erhuvwu rọ emọ wẹn ke cha rho gangan.

Aizaya 8:20

Uyono na kugbe iseri na keye ayen bru ra! omuẹro kidie ota nana rayen tare na o gbi vwo ọke erhie kẹ aye-en.

Daniẹl 12:4

Ẹkẹvuọvo wẹ, Daniẹl, rhurhu eta na, ko ọbe na gbe, bẹsiẹ rẹ ọke rẹ oba na vwo te. Ihwo buebu cha djẹ rhe djẹ kpo, erianriẹn che bu phihọ.

Daniẹl 9:24

E bru ẹdidjana ujorha gbẹ ihwe rẹ ukpe vwọ kẹ ihwo wẹn vẹ orere ọfuanfon wẹn, re ogbeku na vwo re, re umwemwu ji vwo re, ra vwọ rhuẹrẹ arhuẹrẹ fiki rẹ orukuruku, bẹsiẹ ra vwọ reyọ ọvwata ri bẹdẹ vwọ rhe uwevwi bẹsiẹ re vwo rhurhu evwerhẹ vẹ aruẹmrẹ, bẹsiẹ ra vwọ vwẹ evwri te asan rọ ma fọn na,

Matiu 13:11

Ọ da kpahe kẹ ayen nẹ, Ovwan a tare nẹ e riẹn odjahọ rẹ uvie rẹ odjuvwu, ẹkẹvuọvo ihwo efa itẹ kọye a vwọ ta kẹ ayen.

Iyẹnrẹ Esiri ri Mak 10:10

Vwẹ evun rẹ uwevwi idibo rọye da rhoma nọ otọ rẹ ota nana.

Iyẹnrẹ Esiri ri Mak 4:34

Ọ gbe dia ite-e ọ ta ota kẹ aye-en; o de rhie imu na ejobi phẹphẹ kẹ idibo rọye vwẹ odjahọ.

1 Kọrẹnt 2:14

Ohwo ro vwo erhi na-a se vwo ẹse rẹ Erhi rẹ Ọghẹnẹ na-a, kidie ugheghẹ ọ dia kẹ, o se vwo ẹruọ rọye-e fikiridie erhi e vwo dje ayen.

Urhi Rivẹ 4:45

enana kẹ iseri, vẹ irhi, kugbe iji, ri Mosis ji kẹ emọ rẹ Izrẹl, rẹ ayen vwo nẹ Ijipt rhe;

Hibru 3:5

Asakiephana Mosis ghine dia ohwo rẹ uyota vwẹ uwevwi rẹ Ọghẹnẹ kerẹ odibo, rere e vwo se oseri kẹ obo ra cha ta ota kpahe vwobọ,

Ẹvwọphia 10:4

Ọke re agbrara ighwrẹ na vwọ van, ki mi muegbe ri mi vwo si, ẹkẹvuọvo mi de nyo urhuru ọvo ro nẹ odjuvwu rhe tanẹ, Ka oka phihọ obo rẹ agbrara ighwrẹ na tare, wo sio phihọ otọ.

Ẹvwọphia 19:10

Etiyin mi de she diguẹ vwẹ asan awọ rọye me da gọ, ẹkẹvuọvo ọ da ta kẹ vwẹ, Wo ruẹ ọyena-a! Mẹvwẹ je hẹ odibo kugbe omoni kirobo wọ epha rọ yọnrọn iseri ri Jesu. Gọ Ọghẹnẹ. Kidie iseri ri Jesu vwenẹ ọye hẹ ohwo ro vwo erhi rẹ aroẹmrẹ.

Ẹvwọphia 2:17

Ohwo ro vwo erhọn, e jo nyo obo rẹ Erhi na ta kẹ ishọshi na. Ohwo ro phi kparobọ kẹ me vwẹ mana re sinu rhabae na kẹ, ke mẹ vwẹ ubioragha ọfuanfon kẹ, re si odẹ ọkpokpọ phihọ rẹ ohwo ọfa sa riẹ-ẹn jokpa rẹ ohwo ra vwerọ kẹ ọvo.

Ẹvwọphia 5:1

Vwẹ obọrhe rẹ ohwo ro tidia vwẹ enu rẹ ekete na, me da mrẹ ọbe ọvo e siro vọn te obuko te obaro, a vwẹ usiaphrẹ ighwrẹ kanrọ;

Ẹvwọphia 5:5

Etiyin ọvo vwẹ ekpako na da ta kẹ vwẹ, Wọ viẹ-ẹ; nighe, Okpohrokpo rẹ orua ri Juda na, Owọ ri Devid, o phi kparobọ nure, kọye ri se rhie ọbe na kugbe isiaphrẹ ighwrẹ na.