Aizaya 8:14 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁴ Kọ cha dia ẹshẹ kugbe oragha rẹ ogbeku kugbe uchukurhe umwemwu kẹ uwevwi ivẹ rẹ Izrẹl ufi kugbe ugodo kẹ ihwo re dia Jerusalẹm.

Aizaya 8:14 ပူးပေါင်းရင်းမြစ်များ

Une rẹ Ejiro 11:6

Osio rẹ ibieragha vẹ erhanre cha rhọ phihọ enu rẹ oruimwemwu; odju vẹ uvo rọ torhẹ re cha dia ẹkẹn ukọ rayen.

Une rẹ Ejiro 140:5

Ihwo ri muẹ oma kpenu si ufi nu hẹrhẹ ovwẹ, eme ọye ayen vwọ rhuo ariri hẹrhẹ ovwẹ. vwe oma rẹ idjerhe ayen da jẹ ugodo hẹrhẹ ovwẹ.

Une rẹ Ejiro 69:22

Gbe jẹn imẹjẹ rẹ obọ rayen rhoma hirhe phihọ ugodo kẹ ayen, jẹn orẹ rẹ izobo rayen hirhe phihọ ufi kẹ ayen.

Isẹ 18:10

Odẹ rẹ Ọrovwohwo na ọye ohẹrhe rode, ọvwata da djẹ ruọ kọ rhọ.

Aizaya 25:4

Kidie wẹ hẹ odjahọ ọgangan kẹ ivwiogbere, odjahọ ọgangan kẹ otu rọ bẹn re hẹ ukpokpogho, odjahọ nẹ ogiribo ophie nẹ oheri, kidie ovan rẹ ohwo ogbarogba họhọ ogiribo rọ teyọ igbẹhẹ,

Aizaya 26:20

Mọ, ihwo mẹ, ro ivun wẹn, re wo bi ẹchẹ gbe oma, Si oma wẹn nu emerha bẹsiẹ rẹ ophu rọye vwo fue.

Aizaya 28:16

vwẹ ọtiọye na enẹ Ọrovwohwo Ọghẹnẹ tare, Nighere, me ra reyọ uchivwo vwo mu vwi Zayọn ubiọragha, ubiọragha ra nabọ davwini, uchivwo rẹ ubienye rọ ghanre, uchivwo kokoroko Ohwo ro sere gbuyota gbi se broma-a.

Aizaya 4:6

Kọ dia ophie vwẹ uvo vwo nẹ oheri, kugbe odjahọ vẹ uvun nẹ ogiribo vẹ osio

Aizaya 59:10

Avwanre vwẹ abọ gbe igbẹhẹ kerẹ orhuẹro, avwanre vwẹ abọ gbe kerẹ ohwo ro vwo ẹro-o, avwanre ghorie she vwẹ oghẹruvo kerẹ ason, vwe uherevie rẹ ihwo gbrọgbrọ avwanre ke họhọ ihwo ri ghwuru.

Aizaya 7:16

Kidie bẹsiẹ rẹ ọmọ na vwo riẹn obo ra sian ọbrabra ra jẹn ọresiri, otọ rẹ ivie ivẹ na ri mu ovwan oshọ na, ke cha dia ofefe.

Jerimaya 6:21

Ọtiọye na enẹ Ọrovwohwo na tare; Nighe, mi che mu uchukurhe umwemwu phihọ idjerhe rọ kprọ ihwo nana awọ she; te ese te emọ ejobi te oko te ugbeyan cha ghwọrọ

Izikiẹl 11:16

Fiki rẹ ọtiọye na, Enẹ Ọrovwohwo Ọghẹnẹ tare. Dede nẹ mi mu ayen yanran shesheri phihọ ohri rẹ ẹgborho efa, dede nẹ me hra ayen vwẹ ohri rẹ ẹkuotọ efa, ye me je dia ẹshẹ kẹ ayen vwẹ ọmọke vwẹ ẹkuotọ rẹ ayen ra re na.

Izikiẹl 3:20

Ọfa, ọ da dianẹ ọvwata kurhẹrie nẹ ọvwata rọye ro de ru orukuruku, ri mi de phi uchukurhe umwemwu phihọ obaro rọye, ko ghwu, fikiridie wo ghwoghwo kẹ-ẹ, ko ghwu fiki rẹ umwemwu rọye, ọvwata rọye ro ruru a gbe karohọ-ọ, ẹkẹvuọvo ọbara rọye ka guọnọ vwẹ obo wẹn.

Matiu 13:57

Ivun ko miovwo ayen. Ẹkẹvuọvo Jesu da ta kẹ ayen nẹ, Ọbo se vwo ọghọ vwẹ orere rẹ obọ roye-e, eyẹ uwevwi rọye-e.

Matiu 21:44

Ohwo ro she teyọ oragha nana kọ guọghọ yẹghẹyẹghẹ; ẹkẹvuọvo oragha na de she nyẹ ohwo kọ guọghọ ivwivwuvwu.

Iyẹnrẹ Esiri ri Luk 2:34

Simiọn da nẹ ẹrhovwo kẹ ayen ọ da ta kẹ Meri oni rọye Nighe, ọmọ na vwenẹ e vwiẹrẹ kẹ eshe vẹ evrẹn rẹ ihwo buebu vwẹ Izrẹl, kugbe oka rẹ buebu cha ta ota kpahe

Iyẹnrẹ Esiri ri Luk 21:35

Kidie ọ cha rhe enu rẹ ihwo re dia otọ rẹ akpọ na ejobi.

Ọbe ri Pọl si rhe Ihwo ri Rom 11:35

Eyẹ kono ru ẹse kẹ ro de jẹ ẹkpẹvwẹ?

Joshua 10:7

Etiyin Joshua de vrẹn vwi Gilgal, te ọye vẹ ihwo rẹ ofovwi re vẹ ọye gba herọ, kugbe egba ri yivwaro ejobi.

1 Pita 2:8

kugbe, Oragha rọ cha kprọ ihwo awọ, oragha rọ cha nẹrhẹ ayen she; ọ cha kprọ ayen awọ fikiridie ayen mu ọghọ kẹ ota na-a, kirobo re rhiẹ ayen phihọ nẹ ayen ru.