Aizaya 8:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Wa jẹ iroro kugbe, ẹkẹvuọvo o che vwo otọ-ọ ta ota ọvo ẹkẹvuọvo o che mudia-a, kidie Ọghẹnẹ vẹ avwanre herọ.

Aizaya 8:10 ပူးပေါင်းရင်းမြစ်များ

Jẹnẹsis 21:22

Vwẹ ọke yena, Abimẹlẹk vi Fikol rẹ onotu rẹ ofovwi rọye da ta kẹ Ebraham, Ọghẹnẹ vẹ owẹ herọ vwẹ emu kemu ri wo ruẹ ejobi,

2 Samuẹl 15:31

Ohwo ọvo da ta kẹ Devid nẹ, Ahitofẹl ji hẹ usun rẹ ihwo re vẹ Absalọm gba ro ẹro riariẹ owẹ na. Devid da ta, E Ọrovwohwo me rẹ wẹ, rhẹriẹ iroro rẹ Ahitofẹl kpo ugheghẹn.

2 Samuẹl 17:23

Ọke rẹ Ahitofẹl rhe vwọ mrẹ nẹ iroro rọ jẹre e vwi ro ru emu-u, ọ da rhuẹrẹ ekẹtẹkẹtẹ rọye, o de vrẹn o de kpo uwevwi rọye, vwẹ obo orere rọye, ọ da rhuẹrẹ uwevwi rọye phihọ o de churu ghwu, e de sho phihọ ushi rẹ ọsẹ rọye.

2 Samuẹl 17:4

Iroro nana de je Absalọm vẹ ekpako rẹ Izrẹl na ejobi.

Ivie rẹ Ivẹ 6:12

Ọvo vwẹ idibo rọye na da ta, Ohwo ọfa-a, ọrovwovwe, E Ovie, ẹkẹvuọvo Ilaesha rẹ ọmraro rẹ Izrẹl ọye vuẹ ovie rẹ Izrẹl eta kpahe iroro re wọ jẹ vwẹ evun rẹ uvun wẹn.

2 Ikun rẹ Ivie 13:12

Nighere, Ọghẹnẹ vẹ avwanre herọ vwẹ obaro, irherẹn rọye vẹ ewanre rẹ ofovwi rayen ri che hworo ri se ihwo vwọ họnre owẹ. E emọ rẹ Izrẹl, wa họnra Ọrovwohwo, Ọghẹnẹ rẹ esẹ rẹ avwanre-e; kidie wa cha sa kparobọ-ọ.

ỌBE RẸ JOB 5:12

Ọ rhaphiẹ iroro rẹ ohwo rẹ ọphiẹ ihwo, eriyin na abọ rayen rhe ru emuọvo reyọ-ọ.

Une rẹ Ejiro 21:12

Kidie wọ cha nẹrhẹ ayen djẹ, ko wọ vwẹ edada vẹ umurhabo ma opharo rayen.

Une rẹ Ejiro 46:1

Ọghẹnẹ odjahọ kugbe egba rẹ avwanre, omamọ rẹ ọchuko ra mrẹ, vwẹ ọke rẹ ukpokpogho.

Une rẹ Ejiro 46:11

Ọrovwohwo rẹ otuofovwi na vẹ avwanre herọ, Ọghẹnẹ ri Jekọb ọye odjahọ rẹ avwanre

Une rẹ Ejiro 46:7

Ọrovwohwo rẹ otuofovwi na vẹ avwanre herọ; Ọghẹnẹ ri Jekọp ọye odjahọ rẹ avwanre.

Une rẹ Ejiro 46:8

Yanrhe, wo rhi nughe re iruo rẹ Ọrovwohwo, obo ro ru iruo rẹ ẹghwọrọ vwẹ ẹvun rẹ akpọ na.

Isẹ 21:30

O vwo aghwanre-e, o vwo ẹruọ-ọ, o vwo iroro-o o se ru emuọvo kpahe Ọrovwohwo-o.

Aizaya 14:27

Kidie Ọrovwohwo rẹ otuofovwi na jẹn iroro nure, kono re sa pha? Obọ rọye riẹn phiare, kono se kpirho kpuko?

Aizaya 28:18

Etiyin na ọphọ ro wọ vẹ ughwu rere na ya chọre, obọ echuro wẹn vẹ ushi na gbi mudia-a; vwẹ ọke rẹ ọtieko rode na da cha wan vrẹn kọ cha teyọ owẹ she.

Aizaya 41:10

wọ dje oshọ-ọ, kidie me vẹ owẹ herọ, wo jẹ ofu dje we-e, kidie Mẹvwẹ Ọghẹnẹ wẹn, Me kẹ wẹ ogangan, Me cha wẹ uko, Me vwẹ obọrhe mẹ rẹ ephiokparobọ na vwọ yọnrọn owẹ.

Aizaya 43:5

Wọ djẹ oshọ-ọ, kidie Me vẹ owẹ herọ, Me cha vwẹ uvwiẹ wẹn nẹ obaro ọnre rhe, obuko ọnre kẹ oboyi Me reyọ ovwan nurhe,

Aizaya 7:14

Fiki rẹ ọtiọye na Ọrovwohwo ọvo kọye cha vwẹ oka kẹ wẹn. Nighe, eghene aye cha mrevun, ko che vwiẹ ọmọ, ke se odẹ rọye Imanuẹl.

Aizaya 8:8

kọ hworhẹ ayen rọ Juda, kọ vọn hwẹ o me djẹ hẹ obaro, bẹsiẹ ro vwo te ohọre, ko che ku reghereghe te asan re otọ wẹn heri te, E Imanuẹl.

Aizaya 9:6

Kidie avwanre e vwiẹ ọmọ na kẹ, avwanre a vwẹ ọmọ na kẹ, isuesun na kẹ igabọ rọye ọ cha dia, ke se odẹ rọye Ọgba-Aghwanre, Ọghẹnẹ ro vwo Ogangan, Ọsẹ ri Bẹdẹ, Ọmọ rẹ ovie rẹ Ufuoma.

Jerimaya 42:11

Wa djẹ oshọ rẹ ovie ri Babilọn na-a, ohwo rẹ oshọ rọye mu ovwan na, wa djẹ oshọ rọye-e, eriyin Ọrovwohwo tare, kidie me vẹ ovwan herọ, ki mi sivwi ovwan mi ji si ovwan nẹ obọ rọye rhe.

Jerimaya 46:28

Wọ djẹ oshọ-ọ, E Jekọp odibo mẹ, eriyin Ọrovwohwo tare, kidie me vẹ owẹ herọ. Mi che furhie ẹgborho na ejobi re me cha djẹ ovwan ra na, ẹkẹvuọvo mi che furhie ovwa-an, ẹfa me cha fa wẹ mi che je ovwan vwo riẹrieriẹ-ẹ.

Uvwerhe 3:37

Ono ri ji urhi o de ghine ruo gba, jokpa nẹ Ọrovwohwo vwi ro mu.

Joẹl 3:9

Ghwoghwo ọnana vwẹ ohri rẹ ẹgborho na: Muegbe rẹ ofovwi, Rhanriẹ udu rẹ egba na Jẹn eshare rẹ ofovwi na ejobi si te obonẹ, jẹn ayen rhe.

Hegae 1:13

Etiyin Hegae, ọyinkọ rẹ Ọrovwohwo na da vuẹ ihwo na ovuẹ rẹ Ọrovwohwo na nẹ, Me vẹ owẹ herọ, eriyin Ọrovwohwo na tare.

Ukeri 14:9

Emuọvo na, wa vwọ suọ Ọrovwohwo-o; wa je djẹ oshọ rẹ ihwo rẹ evun rẹ otọ na-a, fikiridie ayen ikara vwọ kẹ avwanre ukẹcha vuọvo rhe ayeen; yẹ Ọrovwohwo vẹ avwanre herọ, we jẹ oshọ rayen mu ovwa-an.

Matiu 1:23

Nighe, ọmọtobẹ cha mrevun, ko vwiẹ ọmọshare, ke se odẹ rọye Immanuẹl, otọ rọye Ọghẹnẹ vẹ avwanre herọ.

Matiu 28:20

Wẹ yono ayen vwọ riẹn otọ rẹ imu na ejobi re dje kẹ ovwan na. Nighe, me vẹ ovwan herọ vwẹ ọke ejobi, rhiri rhi te oba rẹ akpọ na.

Ọbe ri Pọl si rhe Ihwo ri Rom 8:13

Kidie ovwan de nenesi rẹ ugboma ku we ghwu, ẹkẹvuọvo ọ da dia ọ rẹ Erhi rẹ ovwan da fọ kẹ ugboma re o ghwu ovwan ke rhọ.

Ọbe ri Pọl si rhe Ihwo ri Rom 8:31

Kidie a mre ta kpahe ọnana? Ọ da dianẹ Ọghẹnẹ vẹ avwanre obọ, kono se mukpahe avwanre?

Urhi Rivẹ 20:1

Ọke wo de re nene ivwighrẹ wẹn phi ofovwi, ru wọ da mrẹ esi vẹ idjighere kugbe otuofovwi re rho nọ wẹ, wọ djẹ oshọ raye-en, kidie Ọrovwohwo rẹ Ọghẹnẹ wẹn vẹ owẹ herọ, ohwo rọ reyọ owẹ nẹ otọ rẹ Ijipt rhe na.

Joshua 1:5

O vwo ohwo ọvuọvo ro che yivwi hirhe opharo ku we vwẹ ẹdẹ rẹ akpọ wẹn ejobi-i; kirobo mi vi Mosis diarọ, ọtiọye me vẹ owẹ je cha dia; me cha phiẹn wẹ-ẹn eyẹ me cha sẹn wẹ-ẹn.

1 Jọn 4:4

Emọ na, ovwan kẹ emọ rẹ Ọghẹnẹ, ovwan ji phi ayen kua nure; kidie ohwo rọ hẹ evun rẹ ovwan na rhonọ ohwo rọ hẹ evun rẹ akpọ na.