Aizaya 7:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Uyovwi rẹ Ifrem ọye Sameria, uyovwi ri Sameria ọye ọmọ rẹ Remeliah Wọ rhe se segbuyota-a, uyota wo rhe se mudia ga-an.

Aizaya 7:9 ပူးပေါင်းရင်းမြစ်များ

Ivie rẹ Ivẹ 15:27

Vwẹ ukpe ujuvẹ gbẹ ihwe gbẹ ivẹ rẹ Azaraya ovie ri Juda Peka ọmọ ri Remalaya de mu Izrẹl esuo vwi Sameria, ọ da re uvie ikpe uje.

2 Ikun rẹ Ivie 20:20

Ayen de vrẹn vwẹ irhiọke ride ayen da yanran kpo aton ri Tekoa; rẹ ayen vwọ yanran re, Jehoshafat de mudia ọ da ta, Nyo vwe, Juda kugbe ihwo ri Jerusalẹm! Se Ọrovwohwo Ọghẹnẹ wẹn gbuyota, kọ vwẹ owọ wẹn muotọ; se emraro rọye gbuyota, ku wọ kparobọ.

Aizaya 28:1

Ekan kẹ erhu rẹ uvie rẹ eheri rẹ ọgbaudi rẹ Ifrem, kugbe ododo ro vwioro rẹ urinrin rẹ erhuvwu rọye, rọ he enu rẹ uyovwi rẹ iyara oyoyovwi rẹ ihwo rẹ udi muẹ.

Aizaya 5:24

Fiki rẹ ọtiọye na kirobo rẹ imwerhanre torhẹ etu na, rẹ odi ọyaya torhẹ vwẹ erhanre na, eriyin awọ rẹ umwemwu rayen cha dia gbegbo ẹbe eboba ri yoro cha ki bru ighorigho, fikiridie ayen sen urhi rẹ Ọrovwohwo rẹ otuofovwi na, ayen da jẹ ota rẹ Ọfuanfon Ọvuọvo rẹ Izrẹl na fia.

Aizaya 7:10

Ọfa Ọrovwohwo da ta kẹ Ehaz,

Aizaya 7:4

re wọ ta kẹ, Kẹnẹ oma, wo hwe oma mu wọ djẹ oshọ-ọ, wo je udu bru uwe fiki rẹ uchuku rẹ utuerhanre ive nana-a, fiki rẹ ophu ọtuatua rẹ Rezin kugbe Siria kugbe ọmọ ri Remeliah.

Aizaya 8:4

kidie tavwe re ọmọ na kẹ riẹn obo re se Ọsẹ mẹ eyẹ Oni mẹ, efe ri Damaskọs vẹ eyere ri Sameria ejobi ka cha kua ayen yanran vwọ rhe ovie rẹ Asiria.

Aizaya 9:9

Ihwo na ejobi ke riẹn, Ifrem kugbe ihwo ri Sameria ejobi, re vwẹ eheri vẹ eyan vwọ ta vwẹ udu rayen.

Jerimaya 43:2

Azaraya ọmọ ri Hoshaya kugbe Johanan ọmọ ri Karia kugbe iduota na ejobi da ta kẹ Jerimaya nẹ, Wọ vwọrefian. Ọrovwohwo Ọghẹnẹ rẹ avwanre ji we ra vuẹ avwanre-e nẹ, Wa yanran kpo Ijipt re wa ra dia oboyi-i;

Maika 1:5

Enana ejobi ki fiki rẹ ogbeku ri Jekọp kugbe fiki rẹ umwemwu rẹ uwevwi rẹ Izrẹl. Die tobọ hẹ ogbeku ri Jekọp vwọ? Ọ dia Sameria-a? Die tobọ rha hẹ imwemwu rẹ uwevwi ri Juda? Ọ dia Jerusalẹm vworẹ?

Iruo rẹ Iyinkọn na 27:11

Ẹkẹvuọvo onotu rẹ ujori na da kerhọn rẹ olori rẹ okọ na kugbe ọ ro vwo okọ na vwọ nọ obo ri Pọl tare.

Iruo rẹ Iyinkọn na 27:25

Ọtiọye na gbe vwo udu, ihwo, kidie mi vwo esegbuyota kpahe Ọghẹnẹ nẹ ọ cha dia dẹn kirobo rọ ta kẹ vwẹ na.

Ọbe ri Pọl si rhe Ihwo ri Rom 11:20

Ọyena uyota. Fiki ri jesegbuyota rayen a vwọ nyavwe ayen kufia, ẹkẹvuọvo fiki rẹ esegbuyota kọye a rha vwọ reyọ owẹ tamuọ. Wọ ghwa yan eya-an, djẹ oshọ rẹ Ọghẹnẹ.

Hibru 11:6

Ọ dia esegbuyota-a yọ epha bẹnbẹn re vwo ru obo ri je. Kidie ohwo kohwo rọ tanẹ ọye si kẹre Ọghẹnẹ mi segbuyota nẹ ọ herọ nẹ ọye re hwa osa kẹ ayen otu re guọnerọ.

1 Jọn 5:10

Ohwo ro se Ọmọ rẹ Ọghẹnẹ na gbuyota yọ reyọ iseri na phihọ oma rọye nure. Ohwo ro rhe se Ọghẹnẹ gbuyota-a yo sere ọvwọrọn ofian, fikiridie o rhe se oseri rẹ Ọghẹnẹ se kpahe Ọmọ rọye na gbuyota-a.