Aizaya 7:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Enẹ Ọrovwohwo Ọghẹnẹ tare O che se mudia-a, O che se ruo-o.

Aizaya 7:7 ပူးပေါင်းရင်းမြစ်များ

Une rẹ Ejiro 33:11

Umẹ rẹ Ọrovwohwo na mudia bẹdẹ, iroro re udu rọye herọ nẹ edje ra ro edje.

Une rẹ Ejiro 76:10

Uyota ophu rẹ iliwo rẹ akpọ che jiri uwe; ọmophu ri chekọ vwẹ akpọ na ku wọ vwẹ ayen rhuo oma wẹn.

Isẹ 21:30

O vwo aghwanre-e, o vwo ẹruọ-ọ, o vwo iroro-o o se ru emuọvo kpahe Ọrovwohwo-o.

Aizaya 28:18

Etiyin na ọphọ ro wọ vẹ ughwu rere na ya chọre, obọ echuro wẹn vẹ ushi na gbi mudia-a; vwẹ ọke rẹ ọtieko rode na da cha wan vrẹn kọ cha teyọ owẹ she.

Aizaya 37:29

Fikiridie wọ rọ họnrọ ovwẹ ri mi de nyo usi rẹ eyan ru wọ yan, ke me vwẹ oghọre mẹ sa unwe rọye ke me vwẹ uwe mẹ vwo we unu wẹn, ke me cha rhan wẹn rhivwi vwẹ idjerhe ru wọ wan rhe.

Aizaya 7:1

Vwẹ ọke rẹ Ehaz ọmọ ri Jotam, ọmọ rẹ Uzaya, Ovie ri Juda, Rezin Ovie ri Siria kugbe Pekah ọmọ rẹ Remaliah, ovie rẹ Izrẹl da kpare ofovwi kpo Jerusalẹm, ẹkẹvuọvo ayen se phio kua-a.

Aizaya 7:6

E jẹ avwanre kpare ohọnre vwọ so Juda re eguegue, rere avwanre phio kua kẹ oma rẹ avwanre, rere a reyọ ọmọ ri Tahe-el vwo mu ovie vwẹ ẹdia rọye.

Aizaya 8:10

Wa jẹ iroro kugbe, ẹkẹvuọvo o che vwo otọ-ọ ta ota ọvo ẹkẹvuọvo o che mudia-a, kidie Ọghẹnẹ vẹ avwanre herọ.

Uvwerhe 3:37

Ono ri ji urhi o de ghine ruo gba, jokpa nẹ Ọrovwohwo vwi ro mu.

Daniẹl 4:35

Ihwo re dia akpọ na ejobi e kere ayen kerẹ emu diodi; obo ri jere ọye o ruẹ vwẹ ohri rẹ otu rẹ obo odjuvwu vẹ ohri rẹ ihwo re dia akpọ na; o vwo ohwo ọvuọvo rọ sa da obọ rọye jẹ-ẹ yẹrẹ ta kẹ nẹ, die wọ ruẹ?