Aizaya 7:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ E jẹ avwanre kpare ohọnre vwọ so Juda re eguegue, rere avwanre phio kua kẹ oma rẹ avwanre, rere a reyọ ọmọ ri Tahe-el vwo mu ovie vwẹ ẹdia rọye.

Aizaya 7:6 ပူးပေါင်းရင်းမြစ်များ

1 Ivie 12:16

Ọke rẹ Izrẹl ejobi vwọ mrẹ nẹ ovie na rha davwerhọ raye-en, ihwo na da kpahe kẹ ovie na, Didi ẹkẹn ri te avwanre vwẹ oma ri Devid? Avwanre vwo uku vwẹ oma rẹ ọmọ ri Jesse-e. ọ vuẹ uwevwi rọye ra, E Izrẹl, Gbe sun uwevwi wẹn ri Devid, na ọvo Ọtiọye na Izrẹl de kpo uwevwi rayen.

Ivie rẹ Ivẹ 11:2

Ẹkẹvuọvo Jehosheba, ọmọtẹ rẹ ovie Joram, oniọvo rẹ ọmọtẹ rẹ Ahazaya, da reyọ Joash ọmọ rẹ Ahazaya, o de cho nẹ ohri rẹ emọ rẹ ovie na re hwe na, o de sionu vẹ ohwo rọ vwẹ ẹro te vwẹ otọ rẹ ehwa vwẹ evu uvun. Eriyin na Atalaya gbi se hwe-e.

2 Ikun rẹ Ivie 13:8

Asakiephana ku wo rori nẹ udu wẹn cha gba uvie rẹ Ọrovwohwo vwẹ obọ rẹ emọ ri Devid, fikiridie wẹ urogho we ki rhe vwo emọ rẹ irhuẹn rẹ oro ri Jeroboam duvwuru nẹ dia ẹdjọ kẹ ovwan.

2 Ikun rẹ Ivie 21:7

Yẹ Ọrovwohwo sa ghwọrọ uwevwi ri Devidi-i, fiki rẹ ọphọ rọ vẹ Devid rere, o ki rhe ji ve nẹ ọye vwẹ urhukpẹ kẹ vẹ emọ rọye bẹdẹ.

2 Ikun rẹ Ivie 28:5

Fiki rẹ ọtiọye na Ọrovwohwo Ọghẹnẹ rọye de phio phihọ obọ rẹ ovie ri Siria, o de phio kparobọ o de mu ihwo rọye buebu ighuvwu o de mu ayen kpo Damaskọs. E de ji phio phihọ obọ rẹ ovie rẹ Izrẹl, o de phio kparobọ o de hwe ihwo rọye buebu.

Une rẹ Ejiro 21:11

Ọ da dianẹ ayen je iroro umwemwu kpahe owẹ, re ayen da jẹn iroro re okpetu, ayen cha sa kparobọ-ọ.

Une rẹ Ejiro 83:3

Ayen ra jẹ iroro rẹ egbẹlẹkẹ vwọ kpahe ihwo wẹn; ayen ra gba ẹguare rhurhu ihwo ru wọ sẹro rayen.

Isẹ 19:21

Iroro buebu re dia udu rẹ ohwo, ẹkẹvuọvo ọ rẹ Ọrovwohwo guọnọre ri se muẹdia.

Aizaya 7:1

Vwẹ ọke rẹ Ehaz ọmọ ri Jotam, ọmọ rẹ Uzaya, Ovie ri Juda, Rezin Ovie ri Siria kugbe Pekah ọmọ rẹ Remaliah, ovie rẹ Izrẹl da kpare ofovwi kpo Jerusalẹm, ẹkẹvuọvo ayen se phio kua-a.

Aizaya 7:5

Fikiridie Siria, vẹ Ifrem kugbe ọmọ ri Remaliah, ayen jẹn iroro ọbrabra kpahe owẹ tanẹ,

Aizaya 7:7

Enẹ Ọrovwohwo Ọghẹnẹ tare O che se mudia-a, O che se ruo-o.

Aizaya 8:6

Fikiridie ihwo nana sen ame ri Shiloah rọ djẹ vwiọrọvwiọrọ na, ke wra fiki rẹ oshọ ri Rezin ọmọ ri Rimaliah,