Aizaya 7:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ re wọ ta kẹ, Kẹnẹ oma, wo hwe oma mu wọ djẹ oshọ-ọ, wo je udu bru uwe fiki rẹ uchuku rẹ utuerhanre ive nana-a, fiki rẹ ophu ọtuatua rẹ Rezin kugbe Siria kugbe ọmọ ri Remeliah.

Aizaya 7:4 ပူးပေါင်းရင်းမြစ်များ

Ivie rẹ Ivẹ 15:27

Vwẹ ukpe ujuvẹ gbẹ ihwe gbẹ ivẹ rẹ Azaraya ovie ri Juda Peka ọmọ ri Remalaya de mu Izrẹl esuo vwi Sameria, ọ da re uvie ikpe uje.

2 Ikun rẹ Ivie 20:17

Wọ rha lagha oma họnra vwẹ ofovwi nana-a, wa gbro phihọ, we hwe oma mu, re wọ mrẹ ẹkparọ obọ rẹ Ọrovwohwo cha vwọ kẹ wẹ, E Juda vi Jerusalẹm. Wọ djẹ oshọ-ọ, wo jẹ ofu dje we-e; odẹ rọ cha na kpare ofovwi bru ayen, Ọrovwohwo nene uwe dia.

Aizaya 10:24

Ọtiọye na enẹ Ọrovwohwo tare, Ọrovwohwo rẹ otuofovwi E ihwo mẹ, re dia Zayọn, wa dje oshọ rẹ ihwo re Asiria-a vwẹ ọke rayen da vwẹ ọkpọ ghwiẹ ovwan eyẹ ugbọphogho fa ovwan kirobo re Ijipt ruru.

Aizaya 30:15

Kidie enẹ Ọrovwohwo rẹ Ọghẹnẹ tare, Ọfuanfon Ọvuọvo rẹ Izrẹl na, Vwẹ omaẹrha kugbe omaerovwo ọye ovwan da rhọ, vwẹ oma ehwemuẹ kugbe ẹro ẹvwọ suọ ọye ogangan rẹ ovwan epha. Yẹ ovwan rhọvwa-a,

Aizaya 30:7

Kidie ọchuko rẹ Ijipt fi emuovo-o, odiodi gheghe, kọye mi vwo mu odẹ kẹ nẹ Rahab ro di tidia gbiẹi.

Aizaya 35:4

Ta ke ihwo re udu rayen djẹ oshọ, Gba gan, wọ djẹ oshọ-ọ! Nighere, Ọghẹnẹ wẹn na cha rhe vẹ ihri ẹriọ, vẹ osa ẹhwa rẹ Ọghẹnẹ. Ọ cha rhe rhi sivwi uwe.

Aizaya 37:6

Aizaya da ta kẹ ayen, Ta kẹ onini rẹ ovwan, Enẹ Ọrovwohwo tare Wọ djẹ oshọ vwi fiki rẹ eta nana ru wo nyori na-a, rẹ idibo rẹ ovie rẹ Asiria rhe vwọ bọphiẹ ovwẹ-e.

Aizaya 41:14

Wọ djẹ oshọ-ọ, we ri Jekọp re ohori, ovwan ihwo rẹ Izrẹl! Me sa cha we uko, eriyin Ọrovwohwo tare, Ọtan wẹn ọye Ọfuanfon Ọvuọvo rẹ Izrẹl na.

Aizaya 7:1

Vwẹ ọke rẹ Ehaz ọmọ ri Jotam, ọmọ rẹ Uzaya, Ovie ri Juda, Rezin Ovie ri Siria kugbe Pekah ọmọ rẹ Remaliah, ovie rẹ Izrẹl da kpare ofovwi kpo Jerusalẹm, ẹkẹvuọvo ayen se phio kua-a.

Aizaya 7:8

Kidie uyovwi ri Siria ọye Damaskọs, uyovwi ri Damaskọs ọye Rezin. (Bẹsiẹ ro vwo te ikpe ujorha gbe iyori ka cha guọghọ Ifrem ibribro ayen gbe cha dia ihwo ọfa-a)

Aizaya 7:9

Uyovwi rẹ Ifrem ọye Sameria, uyovwi ri Sameria ọye ọmọ rẹ Remeliah Wọ rhe se segbuyota-a, uyota wo rhe se mudia ga-an.

Aizaya 8:4

kidie tavwe re ọmọ na kẹ riẹn obo re se Ọsẹ mẹ eyẹ Oni mẹ, efe ri Damaskọs vẹ eyere ri Sameria ejobi ka cha kua ayen yanran vwọ rhe ovie rẹ Asiria.

Aizaya 8:6

Fikiridie ihwo nana sen ame ri Shiloah rọ djẹ vwiọrọvwiọrọ na, ke wra fiki rẹ oshọ ri Rezin ọmọ ri Rimaliah,

Uvwerhe 3:26

Oyoma rere ohwo hwe oma mu hẹrhẹ esivwo rẹ Ọrovwohwo na.

Emọs 4:11

Me guọghọ ovwan ẹvo, kerẹ ẹsie re Ọghẹnẹ vwọ guọghọ Sodọm vi Gomorah, wa da họhọ imwerhanre re kpare she nẹ erhanre, yu we ji rhivwi bru vwẹ rhe-e, Ọrovwohwo na tarọ.

Habakọk 2:3

Kidie emramrẹ na je hẹrhẹ ọke rọye; o re broma kpo obo oba, ọ cha vwọrọn efia-an. Ọ da dianẹ o gbẹ egherẹ, hẹrhẹ; o che jẹ ẹcha-a, o che krinọ-ọ.

Zekaraya 3:2

Ọrovwohwo da ta kẹ Idẹbono, Ọrovwohwo ghwọ ku uwe, E Idẹbono! Ọrovwohwo rọ jẹ Jerusalẹm reyọ nure na ghwọ ku uwe! Ọnana dia utuerhanre re si nẹ erhanre rhe-e?

Matiu 10:28

Ovwan djẹ oshọ rẹ ohwo ro se hwe ugboma-a, ẹkẹvuọvo wa djẹ oshọ rẹ ohwo rọ se hwe ẹnwẹn.

Matiu 24:6

We che nyo umri rẹ ofovwi kugbe edo rẹ ofovwi. We jẹn udu bru ovwa-an, kidie enana ejobi cha wan vrẹn; ẹkẹvuọvo je oba na ji te-e.

Urhi Rivẹ 20:3

kọ ta kẹ ayen nẹ, Nyo, E Izrẹl, nonẹ na wo sikẹrẹ ivwighrẹ wẹn rere wọ vẹ ayen phi ofovwi re; wo jẹn udu bru we-e; wọ djẹ oshọ-ọ wo jẹn uguegue rayen mu uwe-e,

1 Samuẹl 17:32

Devid da ta kẹ Sọl, E jẹn udu bru ohwo ọvuọvo fiki roye-en; odibo wẹn cha ra họnrọ ohwo ri Filistia nana.