Aizaya 7:18 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁸ Vwẹ ẹdẹ yena Ọrovwohwo na kọ cha kudje kẹ uyẹn rọ hẹ obọ esiri rẹ imirho rẹ Ijipt, vwọ kẹ ọnyọn rẹ hẹ obotọ re Asiria.

Aizaya 7:18 ပူးပေါင်းရင်းမြစ်များ

Une rẹ Ejiro 105:31

O ta ota, etiyin iyẹn de bru rhe, etọre da rhe vọn orho rayen ejobi.

Une rẹ Ejiro 118:12

Ayen da gba riariẹ ovwẹ kere ọnyọn ayen re muẹ la kere erhanre re inwe; vwe odẹ rẹ Ọrovwohwo me da nyavwe ayen kufia !

Ẹyano 8:21

Ọ da dianẹ, wọ gbi jẹn ihwo mẹ kpo-o, nighe, ki mi che ji ekru lyẹn bru we rhe vẹ idibo wẹn vẹ ihwo wẹn, ke ro evun rẹ iwevwi wẹn; iwevwi rẹ ihwo rẹ Ijipt ke cha vọn vẹ iyẹn, ọtiọye jẹ otọ rayen mudia phihọ.

Ẹyano 8:24

Ọrovwohwo de ghinẹ ru ọtiọye; ekru rẹ iyẹn ride na da rhan ro uwevwi ri Fero vẹ iwevwi rẹ idibo rọye, vwẹ evun rẹ otọ rẹ Ijipt na ejobi iyẹn na da gnọghọ otọ na re.

Aizaya 13:5

Ayen re nẹ ogboko cha, nẹ oba rẹ odjuvwu cha, Ọrovwohwo vẹ ekuakua rẹ ophu rọye, re ọ rhe vwọ ghwọrọ akpọ ejobi.

Aizaya 31:1

Ekan ke otu re yanran kpo Ijipt ra guọnọ ọchuko re vwẹ ẹro go iyesi, re vwẹ ẹro so ekpere re ofovwi kidie i buru re vwẹ ẹro so ihwo re gua iyesi kidie ayen ganre, ẹkẹvuọvo ayen vwẹ ẹro so Ọfuanfon Ọvuọvo rẹ Izrẹl na-a eyẹ ayen je nọ mie Ọrovwohwọ-ọ

Aizaya 5:26

Kọ cha vwẹ oka se orere rọ hẹ kọ kudje se nẹ ẹtan rẹ akpọ rhe, gbe nọ, okpokpakpa, kpatakpata ọ cha rhe!

Aizaya 7:17

Ọrovwohwo cha vwẹ ẹdẹ kẹ wẹ kugbe ihwo wẹn vẹ uwevwi rẹ ọsẹ wẹn tiẹ oghẹre rẹ ẹdẹ ọtiọye rọ je rhe dẹvo-o rẹ Ifrem vwọ hẹriẹ oma nẹ Juda na–Oviẹ rẹ Asiria.

Zekaraya 10:8

Me riẹn obọ kẹ ayen mi de koko ayen hẹ uwevwi, kidie Me tan ayen hirhe nure, ayen ki bu kirobo rẹ ayen buru jovwo.

Urhi Rivẹ 1:44

Ọye rẹ ihwo rẹ Amọr re dia ugbenu na de rhi she rhurhu ovwan, ayen da djẹ ovwan, kirobo rẹ enyọ ghwe rhurhu ohwo, ayen de hwe ovwan toto vwi Sia re te Họrmah.

Urhi Rivẹ 28:49

Ọrovwohwo cha reyọ ẹgborho ọfa nẹ ogboko rhe ri mu kpahe ovwan, nẹ oba rẹ akpọ na rhe kpata kpata kerẹ ugo rọ rhan, ẹgborho ro wa riẹn ephẹrẹ rọye-e

Urhi Rivẹ 7:20

Ọrọmarho ọtiọye dede Ọrovwohwo Ọghẹnẹ wẹn na che ji iro kpo uherevie rayen, bẹsiẹ rẹ otu rayen ri chekọ rhi vwo si omobọ rayen nu, rhi ghwu nẹ obaro wẹn.

Joshua 24:12

Mi de ji oro ka obaro kẹ ovwan, re djẹ ayen nẹ obaro rẹ ovwan, ivie ive re ihwo rẹ Amọr; ọ dianẹ kẹ ọlọkọ rẹ ovwan eyẹ umurhabọ rẹ ovwa-an.