Aizaya 7:14 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁴ Fiki rẹ ọtiọye na Ọrovwohwo ọvo kọye cha vwẹ oka kẹ wẹn. Nighe, eghene aye cha mrevun, ko che vwiẹ ọmọ, ke se odẹ rọye Imanuẹl.

Aizaya 7:14 ပူးပေါင်းရင်းမြစ်များ

Jẹnẹsis 16:11

Amakashe rẹ Ọrovwohwo na da ta kẹ, Nighere, wọ mrevun, ku wo vwiẹ ọmọshare, gbe se odẹ rọye Ishmael, fikiridie Ọrovwohwo nyo oja wẹn re.

Jẹnẹsis 29:32

Leah da mrevun o de vwiẹ ọmọshare o de se odẹ rọye Rubẹn kidie ọ tare nẹ, Ọrovwohwo mrẹ olagha mẹ, omuẹro ivun mẹ kọ vwerhe ọshare mẹ.

Jẹnẹsis 3:15

Ki mi phi eghrẹ phihọ uvwre wẹn vẹ ọ rẹ aye na, Te uvwre rẹ emọ wẹn vẹ erẹ aye na, kọ ghwiẹ wẹ uyovwi, ku wọ rhovwọ uchukowọ.

Jẹnẹsis 30:6

Etiyin Rachel da ta, Ọghẹnẹ bru orhiẹ kẹ vwẹ, o de nyo urhuru mẹ ọ da kẹ vwẹ ọmọshare; o de mu odẹ kẹ nẹ Dan.

Jẹnẹsis 30:8

Rachel da ta, Ogangan mẹ vẹ oniọvo mẹ vwo muabọ Me da marọ, Etiyin o de se odẹ rọye Naftali.

Jẹnẹsis 4:25

Adam da rhoma riẹn aye rọye, o de vwiẹ ọmọshare o de se odẹ rọye Sẹt, kidie ọ tare nẹ, Ọghẹnẹ kẹ vwẹ ohwo ọfa vwẹ ẹdia rẹ Ebẹl ri Ken hweri.

1 Ivie 13:3

O de phi oka phihọ otọ vwẹ ẹdẹ yena, tanẹ, Ọnana kọye re dia oka nẹ Ọrovwohwo tarọ nure: Nighere, e che kporo agbada na te otọ, iwurhie re hẹ enu rọye ejobi ke kuo kufia.

Une rẹ Ejiro 46:8

Yanrhe, wo rhi nughe re iruo rẹ Ọrovwohwo, obo ro ru iruo rẹ ẹghwọrọ vwẹ ẹvun rẹ akpọ na.

Aizaya 38:7

Ọnana kẹ oka rẹ Ọrovwohwo cha vwọ kẹ wẹ, nẹ Ọrovwohwo che ru emu nana rọ vwẹ unu rọye ve na.

Aizaya 8:10

Wa jẹ iroro kugbe, ẹkẹvuọvo o che vwo otọ-ọ ta ota ọvo ẹkẹvuọvo o che mudia-a, kidie Ọghẹnẹ vẹ avwanre herọ.

Aizaya 8:8

kọ hworhẹ ayen rọ Juda, kọ vọn hwẹ o me djẹ hẹ obaro, bẹsiẹ ro vwo te ohọre, ko che ku reghereghe te asan re otọ wẹn heri te, E Imanuẹl.

Aizaya 9:6

Kidie avwanre e vwiẹ ọmọ na kẹ, avwanre a vwẹ ọmọ na kẹ, isuesun na kẹ igabọ rọye ọ cha dia, ke se odẹ rọye Ọgba-Aghwanre, Ọghẹnẹ ro vwo Ogangan, Ọsẹ ri Bẹdẹ, Ọmọ rẹ ovie rẹ Ufuoma.

Jerimaya 23:6

Juda kọ rhọ vwẹ ẹdẹ rọye na, Izrẹl kọ dia egbẹrhẹnẹdẹ. Ọnana ọye odẹ re vwo se Ọrovwohwo ọvwata rẹ avwanre.

Jerimaya 31:22

Mavọ wo sioma uko krite, E ọmọtẹ rẹ o mudiagaa na? Kidie Ọrovwohwo ma emu ọkpokpọ vwẹ akpọ na, aye esivwo kẹ ọshare.

Jerimaya 44:29

Ọnana cha dia oka kẹ ovwan, eriyin Ọrovwohwo tare, nẹ mi che hwe ovwan vwẹ etinẹ na, rere wa vwọ riẹn nẹ eta mẹ ghine sẹ mu ovwan vwẹ ọ rẹ umiovwo.

Maika 5:2

Ẹkẹvuọvo wẹ, E Bẹtlẹhẹm Efrata, wẹ re ma hanvwe vwẹ usun rẹ uvwiẹ ri Juda, oma wẹ ọye ohwo ọvo che nurhe kẹ vwẹ rọ cha dia osun vwẹ Izrẹl, ohwo rọ herọ nẹ awanre rhe, nẹ ọke re rhabae rhe.

Matiu 1:23

Nighe, ọmọtobẹ cha mrevun, ko vwiẹ ọmọshare, ke se odẹ rọye Immanuẹl, otọ rọye Ọghẹnẹ vẹ avwanre herọ.

Iyẹnrẹ Esiri ri Luk 1:31

Nighe, wọ cha mrevun ku wo che vwiẹ ọmọshare, ku wo se odẹ rọye Jesu.

Iyẹnrẹ Esiri ri Luk 1:35

Amakashe na da ta kẹ, Erhi Ọfuanfon na che bru we rhe, ogangan rẹ Ọro Mekpenu na ko che rhurhu uwe; ọtiọye ọmọ ru wo che vwiẹ na ke se ọfuanfon, ọmọ rẹ Ọghẹnẹ.

Iyẹnrẹ Esiri ri Luk 2:12

Ọnana kọ dia oka kẹ ovwan; ovwan cha mrẹ ọmọ na ra vwẹ emwa efuanfon phopho re mu shevwerhẹ urhuẹ rẹ eranvwe.

Iyẹnrẹ Esiri ri Luk 20:44

Devid vwẹ enẹ se Ọrovwohwo; komavọ o ru rha vwọ dia ọmọ rọye?

Iyẹnrẹ Esiri ri Jọn 1:14

Ota na de rhi hirhe phihọ ohwo ọ da rhe dia ohri rẹ avwanre, ọ vọnre vẹ ẹserọphẹ vẹ uyota; avwanre da mrẹ urinrin rọye ọ tiẹ urinrin rẹ Ọmọ ọvuọvo na ro nẹ obọ rẹ Ọsẹ na rhe.

Ọbe ri Pọl si rhe Ihwo ri Rom 9:5

ayen a vwẹ esẹ ride na kẹ, uvwiẹ rayen, vwẹ ọ rẹ ugboma, kọye Kristi nurhe. Ọghẹnẹ rọ hẹ enu rẹ ayen ejobi ọye ebruba kẹ bẹdẹ. Isẹ.

1 Timoti 3:16

Ẹtẹkuẹte, oye hẹ ẹrhọvwọ, rẹ igbunu rẹ egagọ rẹ avwanre na; Ọ rọ phiare vwẹ ughoma, ẹ Erhi Ọfuanfon brorhiẹ kẹ, rẹ emakashe mrẹre, re ghwoghwori vwẹ ohri rẹ ẹgborho na, re segbuyota vwẹ akpọ na, re mu kpenu vwẹ urinrin.

Iguẹdjọ 6:36

Etiyin Gidiọn da ta kẹ Ọghẹnẹ nẹ, Ọ da dianẹ obọ mẹ wọ wan sivwi Izrẹl rhọ, kirobo wọ tare,

1 Samuẹl 1:20

vwẹ emerha Hanah da mrevun o de vwiẹ ọmọshare, o de se odẹ rọye Samuẹl, kidie ọ tare, Me nọ ekpẹn rọye mie Ọrovwohwo.

1 Samuẹl 4:21

O de se odẹ rẹ ọmọ na Ikabọd; tanẹ, Urinrin na vrẹn nẹ Izrẹl nure! fikiridie e mu ekpeti rẹ Ọghẹnẹ na reyọ nure ji kugbe ọsorọvwe rọye vẹ ọshare rọye ri ghwuru.