Aizaya 66:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Ohwo ro hwe erhuẹn ọ je họhọ ọ ro hwe ohwo, ohwo rọ vwẹ egbo ze izobo, kerẹ ohwo ro vwirhi ohọre rẹ eranko, ohwo ro ze izobo rẹ ọka, kerẹ ohwo rọ vwẹ ọbara rẹ esi ze izobo, ohwo rọ vwẹ adjija torhẹ izobo rẹ ẹkarophihọ, kerẹ ohwo rọ nẹ ẹrhovwo kẹ oma. Enana je idjerhe robọ rayen, erhi rayen ke ghọghọ vwẹ ẹgua egbe rayen,

Aizaya 66:3 ပူးပေါင်းရင်းမြစ်များ

Isẹ 15:8

Izobo rẹ ohwo umwemwu na ẹgua kẹ Ọrovwohwo, ẹkẹvuọvo oma rẹ ẹrhovwo ẹnẹ rẹ ohwo esiri na vwerhọ.

Isẹ 21:27

Izobo rẹ ohwo umwemwu ẹgua ọ dia, komavo ọ dia ọ da dianẹ ọ vwẹ ọnko ze.

Aizaya 44:19

O vwo ohwo ro roro-o, eyẹ o vwo erianriẹn eyẹ evughe rọ vwọ tanẹ, Ubro rọye me torhẹre vwẹ erhanre nure, me da vwẹ esia rọye kake ikara, Me vwe eranvwe tọn me je riọ nure, kẹ ephraphrẹ ri chekọ na me rhoma vwo gbe ẹgua? Ki mi shiguẹ kẹ ubro rẹ urhe?

Aizaya 53:6

Avwanre ejobi kerẹ igodẹ suoso ghwru, dohwo didjerhe rọye vwo gbe, Ọrovwohwo dẹ kru nyẹ oghwa rẹ orukuruku rẹ avwanre ejobi.

Aizaya 57:17

Fiki rẹ orukuruku rẹ ubiupho rẹ imu rẹ ihwo efa ọye ivun vwo miovwo uvwe, Me da ghwiẹ, Mi si opharo nu kẹ ivun de miovwo uvwe, ẹkẹvuọvo o jiji siẹ hẹ obuko vwẹ idjerhe re udu rọye.

Aizaya 65:12

Ke Me vwẹ owẹ kẹ ọlọkọ, ovwan ejobi ki che gbe uyovwi phihọ otọ kẹ ọ ro hwe ihwo na; fikiridie, ọke Mi vwo se, wo nyori-i, ọke Me vwọ ta ota, wọ kerhọ-ọn, ẹkẹvuọvo wo de ru umwemwu vwẹ obaro Mẹ, wọ da jẹ obo ri tu vwe oma .

Aizaya 65:2

Me bẹre abọ mẹ vwẹ ẹdẹ na ejobi vwọ kẹ ihwo ri gbe ozighi, re yan phihọ idjerhe ro je yovwo, ri nene ona rẹ evun rayen ọvo,

Aizaya 66:17

Ihwo ri phorho oma ri ru oma rayen fon vwọ rọ evun rẹ ogba na, ri nẹnẹ ọvo vwẹ uherevie, re ria uvwo re esi kugbe ẹgua kugbe ighresi, ayen ejobi ki che vwo oba kugbe, eriyin Ọrovwohwo tare.

Jerimaya 6:20

Adjija ri nẹ Sheba bru vwe cha na die ifiri, eyẹ uhwerhe ọ miẹmiẹmiẹ rọ nẹ ogboko cha na? Izobo rẹ ẹtorhẹ wẹn na a reyọ aye-en eye izobo wẹn na je vwe-e.

Livitikọs 2:2

Ọ Me vwẹ ayen rhe emọ rẹ Erọn re irherẹn na Ọ Me ghwe ẹkuobọ vọn nẹ eka re duvwuru na vẹ evwri, kugbe adjija na ejobi; orherẹn na kọ torhẹ Ọnana rọ dia ẹkẹn re ẹkarohọ rọye vwẹ enu rẹ agbada na, izobo rẹ erhanre, ro gbo ọnrhen ororo kẹ Ọrovwohwo.

Hegae 2:14

Etiyin Hegae da ta, Ọtiọye ọ epha kẹ ihwo nana, vẹ ẹgborho nana vwẹ obaro me, eriyin Ọrovwohwo na tare: ọtiọye ọ je epha kẹ iruo kiruo rẹ abọ rayen, obọ rẹ ayen zeri vwẹ etiyin na emu rẹ ẹgua.

Urhi Rivẹ 14:8

kugbe esi, kidie ọ hẹriẹ ichiotọ rẹ awọ rọye ẹkẹvuọvo ọ re egba-an, ọ fon kẹ wẹ-ẹ. Wọ ria uvwo raye-en, wọ vwẹ obọ te orivwi raye-en.

Urhi Rivẹ 23:18

Wọ ghwa igho rẹ igberadja, eyẹ osa rẹ eranko cha uwevwi rẹ Ọrovwohwo rẹ Ọghẹnẹ wẹn vwọ hwa osa rẹ ive ru wo veri-i; kidie imu nana ivẹ na egua kẹ Ọrovwohwo rẹ Ọghẹnẹ wẹn na.

Iguẹdjọ 10:14

Ovwan yanran re kperi kẹ edjọ rẹ ovwan jẹ reyọ na; gbe jẹn ayen sivwi ovwan vwẹ ọke rẹ ukpokpogho rẹ ovwan na.

Iguẹdjọ 21:25

Vwẹ ọke yena Izrẹl vwo ovie-e; dohwo dobo ri jere vwẹ ẹro rọye kọye o ruẹ.

Iguẹdjọ 5:8

Ọke rẹ ayen vwọ jẹn edjọ ekpokpọ reyọ, Etiyin ofovwi de rhi te inurhoro ka mrẹ ekpọfia eyẹ ishuẹ vwẹ ohri rẹ ihwo uriori ujuvẹ vwẹ evun rẹ Izrẹl na?