Aizaya 66:23 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²³ Nẹ ọtuphro rẹ emeranvwe re te ọtuphro rẹ emeranvwe, nẹ ẹdidjala re te ẹdidjala, ihwo ejobi cha rhe rhe ga vwẹ, eriyin Ọrovwohwo tare.

Aizaya 66:23 ပူးပေါင်းရင်းမြစ်များ

Ivie rẹ Ivẹ 4:23

Ọshare rọye da ta, Die nẹrhẹ wọ ra nonẹ? Nonẹ dia otuphro rẹ emeranvwe eyẹ edidjala-a. Aye na da ta, Ọ che shehọ.

Une rẹ Ejiro 22:28

Kidie uvie na ọ rẹ Ọrovwohwo, ọye osun rẹ ẹgborho na ejobi.

Une rẹ Ejiro 65:2

E wọwẹ ro nyo ẹrhovwo mọ Wọwẹ ọye ihwo ejobi che bru rhe

Une rẹ Ejiro 65:3

fiki rẹ imwemwu. Ọke rẹ ogbeku rẹ avwanre de shenyẹ avwanre, we ri vwo ghovwo ayen.

Une rẹ Ejiro 86:9

Ẹgborho ejobi ru wọ mare na cha rhe rhi diguẹ vwẹ obaro wẹ, E Ọrovwohwo, ayen ki che jiri odẹ wẹn.

Aizaya 19:21

Ọrovwohwo kọ vwẹ oma rọye kẹ ihwo re Ijipt riẹn, ihwo rẹ Ijipt ke riẹn Ọrovwohwo vwẹ ẹdẹ yena kẹ ayen ga vẹ izobo kugbe izobo ẹtorhẹ, ayen ki ve ive kẹ Ọrovwohwo kẹ ayen hwaosa rẹ ive na.

Aizaya 19:23

Vwe ẹdẹ yena idjerhe rode kọ cha dia nẹ Ijipt re te Asiria ihwo rẹ Asiria ke rhe Ijipt, ihwo re Ijipt ke re Asiria, ihwo re Ijipt kugbe Asiria ki kuomaghe ga vwe asan ọvo.

Aizaya 2:2

Ọke che te vwẹ ukuko rẹ ẹdẹ na, re ugbenu rẹ uwevwi rẹ Ọrovwohwo che vwo mudia gogorogo vwẹ usun rẹ igbenu na, ko che kpenu nọ igbenu na; irere na ejobi ki che rhurie ruọ,

Aizaya 27:13

Vwẹ ẹdẹ yena ke che hworo ọgban rode, ihwo ri ghwruru vwẹ otọ rẹ Asiria kugbe e ra djẹre kpo otọ rẹ Ijipt ke cha rhe rhe ga Ọrovwohwo na vwẹ enu rẹ ugbenu ọfuanfon vwi Jerusalẹm.

Aizaya 49:7

Enẹ Ọrovwohwo tare, Ọtan rẹ Izrẹl kugbe Ọfuanfon Ọvuọvo rọye na, vwọ ke ọvo ra jẹfia gangan, ro tu ẹgborho na oma, odibo rẹ isun na. Ivie ke mrẹ ki vrẹn; isun, kugbe ayen ki she diguẹ; fiki rẹ Ọrovwohwo, rẹ ohwo rẹ uyota, Ọfuanfon Ọvuọvo rẹ Izrẹl na, rọ je wẹn reyọ na.

Izikiẹl 20:40

Kidie vwe enu rẹ ugbenu ọfuanfon mẹ na, obenu rẹ ugbenu phelephele rẹ Izrẹl na, eriyin Ọrovwohwo Ọghẹnẹ tare, Etiyin uwevwi rẹ Izrẹl ejobi, ayen ejobi da cha ga vwẹ vwẹ evun rẹ otọ na; Etiyin me da reyọ ayen, etiyin me da cha reyọ arhọghọ wẹn kugbe omamọ rẹ okẹ wẹn, kugbe izobo wẹn rẹ efuanfon ejobi.

Izikiẹl 45:17

Ke rha iruo rẹ osun na ro vwo ze izobo rẹ ẹtorhẹ na, izobo rẹ ọka, kugbe izobo rẹ udi, vwẹ ọke orẹ na, vwẹ asan ọtuphro rẹ emeranvwe, vẹ ẹdidjala, vwẹ ẹdorẹ rẹ bruru ejobi vwẹ uwevwi rẹ Izrẹl na: ọye ri ji vwọ oho re vwo ze izobo rẹ umwemu, izobo rẹ ọka, izobo rẹ ẹtorhẹ kugbe izobo rẹ ufuoma, rere a vwọ rhuẹrẹ arhuẹrẹ kẹ uwevwi rẹ Izrẹl.

Izikiẹl 46:1

E nẹ Ọrovwohwo Ọghẹnẹ tare: Anurhoro rẹ obo ẹtan rẹ ọguan na rọ hirhe aro ku obaro ọnre na ke huho vwẹ ediruo esan na, ẹkẹvuọvo vwẹ ẹdidjala na ke rhie phihọ kugbe otuphro rẹ emeranvwe na ke rhie phihọ.

Izikiẹl 46:6

Vwẹ ẹdẹ rẹ otuphro rẹ emeranvwe na kọ vwẹ upene rẹ erhuẹn ọshare ro vwo eka-an vwo ze izobo, kugbe imigodẹ esan kugbe egbo, ro jẹ upe evwo;

Zekaraya 14:14

Juda dede cha họre Jerusalẹm. Ka cha ghwẹ efe rẹ ẹgborho re yariẹ rẹ phihọ na ejobi koko, iro, idọnọ efuanfon, vẹ emwa buebu.

Zekaraya 14:16

Eriyin na ohwo kohwo rọ rhọre vwẹ ẹgborho re vwọ so Jerusalẹm ejobi me yanran kukpe kukpe ra ga Ovie na, Ọrovwohwo rẹ otuofovwi na, ọ me re orẹ rẹ egarivi na.

Zekaraya 14:18

Ọ da je dianẹ ekru rẹ Ijipt gbe yanran ra vwẹ oma rayen nẹ-ẹ, emiavwe rẹ Ọrovwohwo vwo mu ẹgborho ri je orẹ rẹ egarivi na era ko ji mu ayen.

Zekaraya 14:19

Ọnana kọ dia ehwe rẹ Ijipt vẹ ehwe rẹ ẹgborho na ejobi ri je orẹ rẹ egarivi na ẹra.

Malakae 1:11

Kidie nẹ evacha rẹ ọnre re te eshe kpotọ rọye odẹ mẹ re cha rho vwẹ ohri rẹ ẹgborho na ejobi, vwi kasan kasan ejobi ọye a da torhẹ insẹns kẹ odẹ mẹ, kugbe omamọ rẹ ẹkpẹvwẹ rọ fonrọ; kidie odẹ mẹ ọrhuarho vwẹ ohri rẹ ẹgborho na, eriyin Ọrovwohwo rẹ otuofovwi na tare.

Iyẹnrẹ Esiri ri Jọn 4:23

Ẹkẹvuọvo ọke cha, ọ rhe nure, rẹ ọ gegagọ rẹ uyota na da gọ Ọsẹ na vwẹ erhi vẹ uyota, kidie ọtiọye Ọsẹ na guọnọre nẹ a ga ọye.

Ẹvwọphia 15:4

Kono oshọ je muo rọ da vwẹ urinrin kẹ odẹ wẹn, E Ọrovwohwo? Kidie wẹ ọvo re fonro. Ẹgborho na ejobi cha rhe re gọ wẹ, kidie a rhe vwẹ ẹdjọeguo wẹn phiare.