Aizaya 66:22 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²² Kirobo rẹ odjuvwu ọkpokpọ kugbe akpọ ọkpokpọ ri mi che ru cha dia vwẹ obaro Mẹ, eriyin Ọrovwohwo tare; eriyin uvwiẹ wẹn kugbe odẹ wẹn cha dia.

Aizaya 66:22 ပူးပေါင်းရင်းမြစ်များ

Aizaya 48:19

uvwiẹ wẹn ka dia kerẹ ibiekpẹn rẹ otọ orua wẹn kọ họhọ ibieka rọye, a gbe sa nyavwe odẹ rayen kufia-a eyẹ vwọ ghwọrọ ayen nẹ obaro mẹ-ẹ.

Aizaya 51:16

Mi de phi ota mẹ phihọ unu wẹn, mi de si we nu vwẹ uhoho rẹ obọ mẹ, Me da riẹn idjuvwu na phihọ ma da ton uchivwo rẹ akpọ na phihọ, ta ke Zayọn nẹ, Ovwan ihwo Mẹ.

Aizaya 53:10

Dede na yo je Ọrovwohwo nẹ ọ ghwiẹ, o da vwẹ oja riọ, vwẹ ọke rọ vwọ reyọ vwo ze izobo rẹ umwemwu nu, kọ cha mrẹ uvwiẹ rọye, ko ru ẹdẹ rọye yovwi, ọhọre rẹ Ọrovwohwo ko che yovwi vwẹ obọ rọye,

Aizaya 56:5

ki Mi phi phihọ evun rẹ uwevwi Mẹ kugbe evun rẹ igbẹhẹ Mẹ emama re ẹkarohọ kugbe odẹ ri yovwi nọ emọ re eshare ve emetẹ, ki Mi mu odẹ ri bẹdẹ kẹ ayen re jẹ sa nyavwe kufia.

Aizaya 59:21

Vwọ kẹ vwẹ, Ọnana ọphọ re Me, vẹ ayen rere, eriyin Ọrovwohwo tare: erhi Mẹ rọ hẹ enu wẹ, kugbe eta Mẹ ri mi phi họ unu wẹn, che se nẹ unu wẹ-ẹn, eyẹ unu rẹ emọ wẹ-ẹn, eyẹ vwo nẹ unu rẹ ivwrọmọ wẹ-ẹn, eriyin Ọrovwohwo tare, nẹ ọke nana yanran rhiri bẹdẹ.

Aizaya 61:8

Kidie Mẹvwẹ Ọrovwohwo guọnọ ọsoso, uji echo vẹ oruchọ tu vwe oma, Me vwẹ evun esiri kpẹvwẹ ayen ẹse, Me ve ayen ke re ọphọ re rara.

Aizaya 61:9

Uvwiẹ rayen ka riẹn vwe ohri re ẹgborho na, emọ rayen vwẹ usun re ihwo na, ihwo re mre ayen ki vughe ayen, nẹ ena ihwo rẹ Ọrovwohwo bruphihọ kẹ.

Aizaya 65:17

Kidie gbe nighe, Me ma idjuvwu ọkpokpọ vẹ akpọ ọkpokpọ, ekuakua rẹ awanre na a gbe karophihọ aye-en eyẹ iroro gbe ra-a.

Aizaya 65:22

Ayen gbe bọn rẹ ohwo ọfa da dia-a, ayen gbe kọn rẹ ohwo da riọ-ọ, kidie kirobo re ẹdẹ re urhe cha dia ọtiọye ẹdẹ rẹ ihwo Mẹ cha dia, ihwo Mẹ re Me jẹreyo na ke cha ghọghọ krekri vwẹ iruo re ayen vwẹ abọ rayen ru.

Aizaya 65:23

Ayen gbe wian kufia-a, eyẹ ayen gbi vwiẹ emọ kẹ ughwu-u, kidie ayen ke dia uvwiẹ rẹ ebruphihọ rẹ Ọrovwohwo, te ayen kugbe emọ rayen.

Jerimaya 33:20

Enẹ Ọrovwohwo tare, Ọ da dianẹ wo se miovwi ọphọ re me vẹ uvo gba re kugbe ọphọ re mẹ vẹ ason gba re, rẹ uvo vẹ ason gbe phia vwẹ ọke re bruphihọ kẹ aye-en,

Jerimaya 33:21

kẹsiẹye e ki miovwo ọphọ me ri mi nene Devid rẹ odibo mẹ re na, ro ki jẹ ọmọ ro tidia ekete rọye evwo, kugbe ọphọ mẹ re me vẹ irherẹn mẹ emọ ri Livae ri gbe odibo kẹ vwẹ na.

Zẹfanaya 3:20

Vwẹ ọke yena ki mi se we kpo uwevwi, vwẹ ọke yena ri mi de che se ovwan koko; e, ki mi ru we vwo kperi usi re de jiri uwe vwẹ ohri rẹ ihwo rẹ akpọ na, re me da vwẹ ughwẹ rẹ ovwan rhivwi rhe vwẹ irharo rẹ ovwan na, eriyin Ọrovwohwo na tare.

Matiu 28:20

Wẹ yono ayen vwọ riẹn otọ rẹ imu na ejobi re dje kẹ ovwan na. Nighe, me vẹ ovwan herọ vwẹ ọke ejobi, rhiri rhi te oba rẹ akpọ na.

2 Pita 3:13

Ẹkẹvuọvo kirobo rẹ ive rọye epha avwanre hẹrhẹ idjuvwu ekpokpọ kugbe akpọ rẹ ọvwata cha dia.

Ẹvwọphia 21:1

Etiyin me da rhe mrẹ odjuvwu ọkpokpọ kugbe akpọ ọkpokpọ; kidie odjuvwu rẹsosuọ kugbe akpọ rẹsosuọ wanvrẹn nure, abadi dede gbe herọ-ọ.