Aizaya 66:18 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁸ Kidie Me riẹn iruo rayen kugbe iroro rayen, ye Me cha cha ghwẹ ẹgborho kugbe ẹrenvwe na kugbe, ayen ke cha rhe re mrẹ urinrin mẹ,

Aizaya 66:18 ပူးပေါင်းရင်းမြစ်များ

ỌBE RẸ JOB 42:2

Me riẹnre nẹ wo se ru emu ejobi, o vwo ohwo ro se miovwi obo ru wo ruẹ-ẹ.

Une rẹ Ejiro 139:2

Wọwẹ re riẹn ọke mi vwo tidia kugbe ọkẹ mi vwo vrẹn; wọwẹ ri vughe iroro mẹ vwẹ ogboko.

Une rẹ Ejiro 67:2

rere a vwọ riẹn idjerhe wẹn vwẹ akpọ na, ogangan rẹ esivwo wẹn vwẹ ohri rẹ ẹgborho na ejobi.

Une rẹ Ejiro 72:11

Jẹn ivie ejobi she teye otọ vwẹ obaro rọye, ẹgborho na ejobi ga!

Une rẹ Ejiro 72:17

Jẹn odẹ rọye tọn hẹnrẹn hẹnrẹn, usi rọye kọ dia kreki kerẹ ọnre na! Jẹn ihwo wan oma rọye vwo ebruphihọ, ẹgborho na ejobi ki se nẹ ebruphihọ!

Une rẹ Ejiro 82:8

Vrẹn, E Ọghẹnẹ, brorhiẹn rẹ akpọ na; kidie ẹgborho rẹ akpọ na ejobi ewẹn!

Une rẹ Ejiro 86:9

Ẹgborho ejobi ru wọ mare na cha rhe rhi diguẹ vwẹ obaro wẹ, E Ọrovwohwo, ayen ki che jiri odẹ wẹn.

Une rẹ Ejiro 94:11

Ọrovwohwo na, riẹn iroro rẹ ohwo, nẹ ayen ẹnwẹ diodi.

Une rẹ Ejiro 97:6

Idjuvwu na ghwoghwo ọvwata rọye; ihwo na ejobi ke mrẹ urinrin rọye.

Aizaya 11:9

Ayen cha wan ohwohwo oma-a vwe ugbenu ọfuanfon mẹ-ẹ; kidie akpọ na cha vọn vẹ erianriẹn rẹ Ọrovwohwo kirobo rẹ ame vọn urhie na.

Aizaya 2:2

Ọke che te vwẹ ukuko rẹ ẹdẹ na, re ugbenu rẹ uwevwi rẹ Ọrovwohwo che vwo mudia gogorogo vwẹ usun rẹ igbenu na, ko che kpenu nọ igbenu na; irere na ejobi ki che rhurie ruọ,

Aizaya 37:28

Me riẹn etidia otọ wẹn ẹyanran rọye kugbe erhivwi cha rọye, kugbe ẹhọnrọ ru wọ họnre kpahe ovwẹ.

Aizaya 40:5

Urinrin rẹ Ọrovwohwo ka cha vwọ phia, Ihwo ejobi ke cha mrẹ kugbe, kidie unu rẹ Ọrovwohwo tarọ nure.

Aizaya 45:22

Rhoma bru vwe rhe re wọ rho, oba rẹ akpọ na ejobi na: Kidie Mẹvwẹ Ọghẹnẹ, o gbi vwo ọfa-a

Aizaya 52:10

Ọrovwohwo ban igbabọ ọfuanfon rọye phihọ vwẹ irhanro rẹ egborho na ejobi; oba rẹ akpọ na ejobi ke cha mrẹ esivwo rẹ Ọghẹnẹ rẹ avwanre.

Aizaya 55:8

Kidie iroro Mẹ dia iroro wẹ-ẹn, yẹrẹ idjerhe wẹn dia idjerhe mẹ-ẹ, eriyin Ọrovwohwo tare.

Aizaya 56:8

E nẹ Ọrovwohwo Ọghẹnẹ tare, ọ rọ ghwe emọ rẹ Izrel ra dje kufia koko, Me cha ghwe efa bro ra vwo kugbe e ra ghwẹ rhe jovwo na.

Aizaya 57:12

Mi che gbe ikun rẹ ọvwata wẹn, kugbe uruemu wẹn, ẹkẹvuọvo e sa cha wẹ uko-o

Aizaya 59:7

Awọ rayen djẹ ro umwemwu, ayen bru okpakpa suẹn ọbara rẹ ọvwata te otọ, iroro rayen iroro rẹ orukuruku, evẹre vẹ ẹghwọrọ e hẹ idjerhe rayen.

Aizaya 65:2

Me bẹre abọ mẹ vwẹ ẹdẹ na ejobi vwọ kẹ ihwo ri gbe ozighi, re yan phihọ idjerhe ro je yovwo, ri nene ona rẹ evun rayen ọvo,

Aizaya 66:10

Nene Jerusalẹm ghọghọ, re oma vwerhe owẹ kẹ, ovwan ihwo ejobi re guọnerọ, nene ghọghọ vwẹ omavwerhe, ovwan ejobi ri muomahọ kẹ,

Jerimaya 16:17

Kidie ibiẹro mẹ mrẹ idjerhe rayen ejobi, e djahe kẹ vwẹ-ẹ, umwemwu rayen je djahe kẹ ibiẹro mẹ-ẹ.

Jerimaya 3:17

Vwẹ ọke yena ke se Jerusalẹm nẹ ekete rẹ uvie rẹ Ọrovwohwo, irere na ejobi ki koko bro rhe, obaro rẹ Ọrovwohwo vwi Jerusalẹm, ayen gbe rha vwẹ udu ọgangan vwo nene umwemwu rẹ udu rayen ọfa-a.

Izikiẹl 38:10

E nẹ Ọrovwohwo Ọghẹnẹ tare: Vwẹ ẹdẹ yena iroro ke cha djẹ ro wẹ evun, ku wọ cha jẹ iroro umwemwu.

Izikiẹl 39:21

Ke me vwẹ urinrin mẹ vi vwẹ ohri rẹ ẹgborho na, ẹgborho na ejobi ke cha mrẹ orhiebro mẹ ri che bru, kugbe obọ mẹ re me ghwẹ kpahe ayen.

Joẹl 3:2

ke me ghwẹ ẹgborho na ejobi koko ke me vwẹ ayen rhe iyara ri Jehoshafat, kẹ etiyin me da vwẹ ayen gu ẹdjọ, fiki rẹ ihwo mẹ kugbe ireuku mẹ Izrẹl, fikiridie ayen hra ayen nene ẹgborho na ejobi. Ayen da ghare otọ mẹ reyọ.

Emọs 5:12

Kidie mi riẹn obo rẹ ogbeku rẹ ovwan bute, kugbe obo re imwemwu re ovwan rho te weẹ ro kpokpo evwata, re ria udi, rọ djẹ ọ rẹ akpọ bẹn nẹ anurhoro na.

Zekaraya 14:16

Eriyin na ohwo kohwo rọ rhọre vwẹ ẹgborho re vwọ so Jerusalẹm ejobi me yanran kukpe kukpe ra ga Ovie na, Ọrovwohwo rẹ otuofovwi na, ọ me re orẹ rẹ egarivi na.

Malakae 1:11

Kidie nẹ evacha rẹ ọnre re te eshe kpotọ rọye odẹ mẹ re cha rho vwẹ ohri rẹ ẹgborho na ejobi, vwi kasan kasan ejobi ọye a da torhẹ insẹns kẹ odẹ mẹ, kugbe omamọ rẹ ẹkpẹvwẹ rọ fonrọ; kidie odẹ mẹ ọrhuarho vwẹ ohri rẹ ẹgborho na, eriyin Ọrovwohwo rẹ otuofovwi na tare.

Matiu 12:25

Ọ vwọ riẹn iroro rayen, ọ da ta kẹ ayen nẹ, uvie da ghare omobọ rọye, kọ hra, orere da vwọ so omobọ rọye ko she.

Matiu 9:4

Jesu vwọ riẹn iroro rayen, ọ da ta nẹ, Die ovwan vwo roro iroro omiomiovwi vwẹ udu rẹ ovwan?

Iyẹnrẹ Esiri ri Luk 5:22

Jesu vwọ riẹn iroro rayen, o da kpahe kẹ ayen, Die ovwan nọ vwẹ udu rẹ ovwan?

Iyẹnrẹ Esiri ri Jọn 17:24

Ọsẹ, me guọnọre nẹ ayen rhe, re wọ vwọ kẹ vwẹ na, vẹ ovwẹ dia asan re me epha, re mrẹ urinrin mẹ re wọ kẹ vwẹ vwẹ ẹguọnọ ru wọ vwọ kẹ vwẹ tavwe ra ke ma akpọ na.

Iyẹnrẹ Esiri ri Jọn 5:42

Ẹkẹvuọvo me riẹnre nẹ we vwo ẹguọnọ rẹ Ọghẹnẹ vwẹ evun rẹ ovwa-an.

Ọbe ri Pọl si rhe Ihwo ri Rom 16:26

ẹkẹvuọvo ra rhe vwọ phia vwẹ asakiephana vwẹ oma rẹ isiesi rẹ emraro na ẹgborho rẹ akpọ na ejobi riẹnre na, kirobo re urhi rẹ Ọghẹnẹ ro jeghwo epha, ro nẹrhẹ e mu ọghọ kẹ esegbuyọta na–

1 Kọrẹnt 3:20

ọfa, Ọrovwohwo riẹnre nẹ iroro rẹ ọvwaghwanre ighevweghe.

Urhi Rivẹ 31:21

Ọke rẹ ukpokpogho vẹ emiovwo buebu de bru ayen rhe re, une nana kọ dia kẹ ayen kerẹ oseri (kidie ọ cha dia ẹbẹrunu rẹ uvwiẹ rayen ro de jẹ ayen ẹchọrọ); kidie Me riẹn oghẹre rẹ iroro rẹ ayen roro nure, tavwe Me ke reyọ ayen rhe otọ ri mi veri nẹ Me vwọ kẹ na.

Hibru 4:12

Kidie ota rẹ Ọghẹnẹ na ọkpokpọ gbrọgbrọ sasasa, dandan kerẹ ọlọkọ rẹ ako ivẹ, rọ nyavwe udu vẹ erhi rhie phihọ, rọ hẹriẹ ẹrho vẹ otu, o krẹ ro ki vughe iroro vẹ omeru rọ hẹ evun rẹ udu-u.

Ẹvwọphia 11:15

Amakashe ri ghwrẹ de hworo owanre rọye, edo rode de mu vwẹ odjuvwu, tanẹ, Uvie rẹ akpọ na rhi hirhe phihọ uvie rẹ Ọrovwavwanre kugbe Kristi rọye re, kọ cha re rhiri bẹdẹ bẹdẹ.

Ẹvwọphia 2:13

Me riẹn asan re wọ dia, asan rẹ ekete rẹ idẹbono epha; wọ da yọnrọn odẹ mẹ kokoroko wọ sa sen esegbuyota mẹ-ẹ marho kẹ ọke rẹ Antipas oseri mẹ na, ro se vwe gbuyota na, re hweri vwẹ ohri rẹ ovwan na, vwẹ asan rẹ Idẹbono dia na.

Ẹvwọphia 2:2

Me riẹn iruo wẹn, oma ẹlaghọ wẹn vẹ erhiori wẹn, obo ru wo se chirako rẹ ihwo umwemwu-u ẹkẹvuọvo wọ da davwe otu ri se oma rẹ ayen iyinkọn ni da jẹ iyinkọn rẹ efian ayen ruẹ;

Ẹvwọphia 2:9

Me riẹn ọdjarhe wẹn kugbe ẹnso wẹn (ẹkẹvuọvo yi wo feri) kugbe ophọphọvwe rẹ ayen otu ri se oma rẹ ayen ihwo ri Ju yẹ ayen dia ihwo ri Ju-u, ẹkẹvuọvo da yẹ ayen ẹshẹ rẹ Idẹbono.