Aizaya 66:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ Kidie erhanre Ọrovwohwo che vwo brorhiẹn, ọlọkọ rọye, ko muo kpahe ihwo ejobi, ihwo rẹ Ọrovwohwo che hwe ki buebu.

Aizaya 66:16 ပူးပေါင်းရင်းမြစ်များ

Aizaya 10:4

Emuọvo rhe chekọ-ọ jokpa rẹ ighuvwu ra cha ghwọrọ eyẹ eye she vwẹ ohri rẹ ihwo re hweri. Kidie vwẹ enana ejoi na ophu rọye fueri-i yen obọ rọye je riẹn phia.

Aizaya 27:1

Vwẹ ẹdẹ yena Ọrovwohwo na kọ cha vwẹ oda rọye rode na rọ gangan na nyavwe Liviatan ọrọdekọ rọ djẹ na, Liviatan ọrọdekọ rọ chahe oma na, ko che hwe dragọn rọ dia evun rẹ abadi na.

Aizaya 3:13

Ọrovwohwo mudia ẹdia rọye ro che vwo nene ayen ghwọre, o mudia ro che vwo brorhiẹ rẹ ihwo rọye re.

Aizaya 30:30

Ọrovwohwo ko che ru re de nyo urhuru rẹ ọrho rọye ka je cha mrẹ odju rẹ ochẹ rẹ ighabọ rọye, vwẹ ophu ọtuatua kugbe ela ve ẹtorhẹ re erhanre, vẹ ikoro rọ bẹre vẹ ọgiribọ kugbe iblosio rẹ erhanre.

Aizaya 31:8

Ihwo rẹ Asiria ke wan oma re ọlọkọ she, ọ dia ọlọkọ re ohwo-o, ọlọkọ ọvo, ọ dia re ohwo-o, kọ ghworọ, Ko cha dje ke ọlọkọ na, imighene rọye ke ghwa oghwa ri karia.

Aizaya 34:2

Kidie ophu mu Ọrovwohwo kpahe ẹgborho na ejobi, ophu djọghọ djogho kpahe usun re otu rayen, ọ vwe ughwu ke ayen nure, o siobọ ne ayen ke ehwe

Aizaya 65:12

Ke Me vwẹ owẹ kẹ ọlọkọ, ovwan ejobi ki che gbe uyovwi phihọ otọ kẹ ọ ro hwe ihwo na; fikiridie, ọke Mi vwo se, wo nyori-i, ọke Me vwọ ta ota, wọ kerhọ-ọn, ẹkẹvuọvo wo de ru umwemwu vwẹ obaro Mẹ, wọ da jẹ obo ri tu vwe oma .

Jerimaya 25:31

Edo na rhoma do te oba rẹ akpọ na re, kidie Ọrovwohwo vwo ẹdjọ kpahe irere na, ọ vẹ ihwo na ejobi che guẹdjọ, iruimwemwu ọ cha vwẹ ọlọkọ hwe ayen, eriyin Ọrovwohwo tare.

Jerimaya 25:33

Otu rẹ Ọrovwohwo hweri vwẹ ẹdẹ yena cha riẹn nẹ oba rẹ akpọ ọvo re te ọrivẹ. A cha viẹ aye-en, e ji koko aye-en, e ji shi aye-en, ayen cha dia isọn vwẹ enu rẹ otọ na.

Jerimaya 45:5

Wọ guọnọ imu ride kẹ oma wẹn? Wọ guọnọ aye-en, kidie, gbe nighe, me herọ ghwa umiovwo rhe ihwo ejobi eriyin Ọrovwohwo tare, ẹkẹvuọvo me cha vwẹ arhọ wẹn kẹ wẹ kere osa rẹ ofovwi vwẹ asan kasan wọ cha ra ejobi.

Jerimaya 46:15

Die Apis rha vwọ djẹ? Die sorọ irhuẹn wẹn rhe mudia-a? Fikiridie Ọrovwohwo geire ghwiotọ.

Izikiẹl 28:18

Vwẹ oma rẹ orukuruku obuebu wẹn vwẹ eki rẹ ọghware ru wọ chua wọ de vwo gbe ẹshẹ wẹn ku, kọye mi de duvwu erhanre phihọ uherevie wẹn ọ da tọrhẹ owẹ, mi de hirhe uwe phihọ iwurhie vwẹ enu rẹ otọ na vwẹ obaro rẹ ihwo ejobi re mrẹ wẹ.

Izikiẹl 38:17

E nẹ Ọrovwohwo Ọghẹnẹ tare: Wẹ ohwo rẹ me ta ota rọye vwẹ ọke rẹ awanrẹ vwẹ oma rẹ idibo mẹ emraro rẹ Izrẹl, ihwo re mraro vwẹ ọke yena vwẹ ikpe buebu tanẹ: Me cha reyọ owẹ vwọ so ayen?

Izikiẹl 5:15

Ku wọ cha dia ohwo rẹ ehwẹjẹ vẹ oharebro, okpaẹkpa vẹ ometuo vwọ kẹ ẹgborho re riariẹ owẹ phihọ na, vwẹ ọke me da vwẹ owẹ gu ẹdjọ vwẹ evun rẹ ophu mẹ vẹ ivuemiovwo mẹ, kugbe efafa rẹ ivuemiovwo mẹ–Mẹvwẹ, Ọrovwohwo na, re tarọ–

Joẹl 3:2

ke me ghwẹ ẹgborho na ejobi koko ke me vwẹ ayen rhe iyara ri Jehoshafat, kẹ etiyin me da vwẹ ayen gu ẹdjọ, fiki rẹ ihwo mẹ kugbe ireuku mẹ Izrẹl, fikiridie ayen hra ayen nene ẹgborho na ejobi. Ayen da ghare otọ mẹ reyọ.

Emọs 7:4

Kenẹ Ọrovwohwo Ọghẹnẹ vwọ nẹ vwẹ. Nighere, Ọrovwohwo Ọghẹnẹ cha vwẹ erhanre brorhiẹ, ọ da torhẹ iyara rode na kugbe otọ na.

Nahum 3:15

Etiyin erhanre da cha torhẹ owẹ, oda cha nyavwe owẹ fia. Ọ cha re wẹ kerẹ igurube. Gbe ru oma wẹn buphiyọ kerẹ igurube, buebu kerẹ ebaka!

Nahum 3:3

Otu re dia enu rẹ iyesi da nyavwẹ oda, oda re djuẹ vẹ ibiri ri lo wrowro, otu re hweri vẹ otọ gbidi, irivwi rẹ ihwo re do koko, irivwi rẹ ihwo ri vwo oba-a, ayen mia yẹghrẹ she teyọ irivwi na!

Zekaraya 14:5

Iyara rẹ igbenu Mẹ ki gbe, kidie iyara rẹ igbenu ki te akakọ rọye, wa cha djẹ kirobo rẹ ovwan djẹre vwẹ ọke re otọ vwo kpogho vwẹ ọke rẹ Uzzaya vwọ he ovie ri Juda. Etiyin Ọrovwohwo Ọghẹnẹ kọ cha rhe, otu efuanfon na ejobi ki tue nene rhe.