Aizaya 66:15 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁵ Kidie nighere, Ọrovwohwo cha rhe vwẹ evun rẹ erhanre, ekpẹrẹ rẹ ofovwi rọye kerẹ odju rẹ ogiribo, rọ cha hwa osa rẹ ivuemiovwo rọye vwẹ ophu, ekan eharhọ rọye kerẹ ẹkuerlianre.

Aizaya 66:15 ပူးပေါင်းရင်းမြစ်များ

Une rẹ Ejiro 11:6

Osio rẹ ibieragha vẹ erhanre cha rhọ phihọ enu rẹ oruimwemwu; odju vẹ uvo rọ torhẹ re cha dia ẹkẹn ukọ rayen.

Une rẹ Ejiro 18:9

Ọ da nuẹ idjuvwu na, o de wotọ rhe, ebri hwi da hẹ obotọ rẹ awọ rọye.

Une rẹ Ejiro 21:9

Ku wo che ru ayen kerẹ ekuerhanre rọ la vwe ọke wọ da vwẹ oma phia. Ọrovwohwo che mu ayen rọ vwẹ evun rẹ ophu rọye; erhanre kọ torhẹ ayen.

Une rẹ Ejiro 50:3

Ọghẹnẹ rẹ avwanre cha rhe, ọ cha fọ-ọ, erhanre cha la nene cha, aphopho rode che dju riariẹ phihọ.

Une rẹ Ejiro 68:17

Vẹ ekpẹrẹ rẹ ofovwi ride, uriori ihwe akuava, uriori kpahe uriori, Ọrovwohwo na de nẹ Sinae rhe rhe ro edia ọfuanfon na.

Une rẹ Ejiro 97:3

Erhanre la vwẹ obaro rọye, ọ me torhẹ ivwighrẹ rọye re riarierẹ phihọ;

Aizaya 10:17

Urhukpẹ rẹ Izrẹl ko hirhe phihọ erhanre, Ọfuanfon Ọvuọvo rọye na kẹ ogidi erhanre; kọ torhẹ ọ me ghwọrọ idjigbẹ vẹ ekpia rọye na vwẹ ẹdẹ ọvo.

Aizaya 26:11

E Ọrovwohwo, a kpare obọ wẹn kpenu, ẹkẹvuọvo ayen sa mrẹ-ẹ. Gbe jẹn ayen mrẹ ọdavwẹ wo vwo kẹ ihwo wẹn, rere oma vo ayen. gbe jẹn erhanre rẹ ivwighrẹ wẹn torhẹ ayen

Aizaya 30:30

Ọrovwohwo ko che ru re de nyo urhuru rẹ ọrho rọye ka je cha mrẹ odju rẹ ochẹ rẹ ighabọ rọye, vwẹ ophu ọtuatua kugbe ela ve ẹtorhẹ re erhanre, vẹ ikoro rọ bẹre vẹ ọgiribọ kugbe iblosio rẹ erhanre.

Aizaya 30:33

Kidie a rhuẹrẹ asan rọ torhẹ phihọ otọ kẹ ayen kri re, Uyota, vwọ ke ovie na a rhuẹrẹ hẹrhẹ, omamọ re iyara m tọnre kokodo hehere, vẹ irhe kugbe erhanre re koko phihọ gbidi, ẹnwẹn re Ọrovwohwo, kere uto re ihiosio re erhanre re koko phihọ.

Aizaya 31:9

Oragha rọye ko che dju wan ve oshọ, inotu rọye ke dje jẹn ekpọfia rayen vwo ve uguegue eriyin Ọrovwohwo tare, re erhanre rọye he Zayọn, re ọgiderhanre rọye he Jerusalẹm.

Aizaya 5:25

Kọye ophu rẹ Ọrovwohwo vwọ tua kpahe ihwo rọye, ọ da riẹn obọ kpahe ayen ọ da ghwiẹ ayen, igbenu na de kpogho irivwi rayen kerẹ ikueku vwẹ uherevie rẹ urhuvwu Vwẹ enana ejobi na ophu rọye ji fue-e, yẹn obọ rọye je riẹn phia rhe.

Aizaya 5:28

ibige rayen pha dandan, imirhabọ rayen ejobi gba phihọ, ichuku awọ rẹ iyesi rayen pha gangan kerẹ utehru, adjugẹn rayen kerẹ adjugẹn rẹ odju.

Aizaya 51:20

Emọ wẹn shero, ayen riẹn phihọ unuada rẹ urhuvwu kerẹ uguzuma ro mu ariri, ayen vọnre vẹ ophu rẹ Ọrovwohwo, ekan eharhọ rẹ Ọghẹnẹ wẹn

Jerimaya 25:37

e ji kpokpo igegede re hẹ evun rẹ ufuoma na, fiki rẹ ophu ọtuatua rẹ Ọrovwohwo na.

Jerimaya 4:13

Nighe, ọ cha kerẹ egho, ẹkpẹrẹ rẹ ofovwi rọye họhọ ogiribo iyesi rọye djẹ phẹre nọ ugo– ekan kẹ avwanre, kidie avwanre ghwọre.

Jerimaya 4:3

Kidie enẹ Ọrovwohwo ta kẹ eshare ri Juda kugbe ihwo re dia Jerusalẹm: Voro otọ rẹ udju wẹn na, wọ kọn ekankọn phihọ ohri rẹ inwe-e.

Jerimaya 46:15

Die Apis rha vwọ djẹ? Die sorọ irhuẹn wẹn rhe mudia-a? Fikiridie Ọrovwohwo geire ghwiotọ.

Izikiẹl 38:17

E nẹ Ọrovwohwo Ọghẹnẹ tare: Wẹ ohwo rẹ me ta ota rọye vwẹ ọke rẹ awanrẹ vwẹ oma rẹ idibo mẹ emraro rẹ Izrẹl, ihwo re mraro vwẹ ọke yena vwẹ ikpe buebu tanẹ: Me cha reyọ owẹ vwọ so ayen?

Izikiẹl 5:15

Ku wọ cha dia ohwo rẹ ehwẹjẹ vẹ oharebro, okpaẹkpa vẹ ometuo vwọ kẹ ẹgborho re riariẹ owẹ phihọ na, vwẹ ọke me da vwẹ owẹ gu ẹdjọ vwẹ evun rẹ ophu mẹ vẹ ivuemiovwo mẹ, kugbe efafa rẹ ivuemiovwo mẹ–Mẹvwẹ, Ọrovwohwo na, re tarọ–

Daniẹl 11:40

Ọke rẹ obo oba na de te ovie rẹ obuko ọnre na ko che nene họnre, ẹkẹvuọvo ovie rẹ obọhwẹre ọnre kọ cha họrhọ ruọ kerẹ ukori rẹ odju vẹ ekpẹrẹ rẹ ofovwi vẹ ihwo re gua iyesi, vẹ ekọ buebu, ko che te irho buebu ko phi ayen kparobọ ọ me wanvrẹn

Daniẹl 7:10

Ọkẹre rẹ erhanre da djẹ rhe o de nẹ obaro rọye rhe; uriori vwarẹ uriori re ga, uriori ihwe kugbe uriori ihwe mudia vwẹ obaro rọye; ẹguare da gba re vwọ guẹdjọ e de rhie ẹbe na phihọ.

Hosia 8:7

Kidie ayen kọn odju, ayen ki che vun ogiribo. Eka ri mudia na mu emọ phihọ uko-o, ayen gbe cha mọ-ọ e da tobọ mọ erhorha ke riọ nu.

Emọs 7:4

Kenẹ Ọrovwohwo Ọghẹnẹ vwọ nẹ vwẹ. Nighere, Ọrovwohwo Ọghẹnẹ cha vwẹ erhanre brorhiẹ, ọ da torhẹ iyara rode na kugbe otọ na.

Nahum 1:6

Ono ri se mudia hẹrhẹ ophu rọye? Ono se chirako rẹ ọrhorho rẹ ivuemiovwo rọye? Ọ kpare ophu rọye ku kerẹ erhanre, o de hwe eragha na ibribro.

Habakọk 3:8

Irhie na wo muẹ ophu kpahe, E Ọrovwohwo? ku wo muẹ ophu kpahe irhie na, ghenẹ ivun miovwo uwe vwọ kpahe abadi na, ọke ru wọ da gua vwẹ enu rẹ iyesi wẹn, vwẹ enu rẹ ekpẹrẹ rẹ obọ ẹkparọ wẹn?

Zekaraya 6:1

Me da rhoma kpare opharo Me da mrẹ, nighe ekpẹrẹ ẹne de ne uvwre rẹ igbenu ive na rhe, igbenu na kẹ igbenu rẹ ẹrovwo.

Matiu 22:7

Ẹkẹvuọvo ivun de miovwi ovie na; o de ji usun rẹ ofovwi rọye nẹ i re hwe izighẹ na, rere ayen torhẹ orere rayen na.

Urhi Rivẹ 28:20

Ọrovwohwo kọ vwẹ ekan, te ozighi kugbe oma ẹlaghọ rhe enu rẹ emu kemu rẹ ovwan ruẹ ejobi, bẹsiẹ rẹ ovwan vwọ ghwọrọ phrẹphrẹphrẹ, vwi fiki rẹ uruemu omiomiovwi rẹ ovwan, fikiridie ovwan sen vwẹ.

2 Pita 3:7

Vwẹ oma rẹ ota na ọvnọvo ọye a vwọ vwẹ odjuvwu vẹ akpọ rọ herọ vwẹ asakiephana vwọ kpahe enu kẹ erhanre, ra vwọ sẹro rọye hẹrhẹ ẹdẹ ẹdjọ kugbe ẹghwọrọ rẹ ihwo umwemwu.