Aizaya 66:14 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁴ Wọ cha mrẹ, udu wẹn kọ ghọghọ, ibeku wẹn ke rho bodo bodo kerẹ egbri; ka cha mrẹ vughe nẹ obọ rẹ Ọrovwohwo vẹ idibo rọye herọ, nẹ ophu rọye ọtuatua kpahe ivwighrẹ rọye.

Aizaya 66:14 ပူးပေါင်းရင်းမြစ်များ

Ezra 7:9

kidie vwẹ ẹdẹ rẹ ẹsosuọ rẹ emeranvwe rẹ ẹsosuọ ọye o vwo mu oyan nẹ Babilọn rhe, vwẹ ẹdẹ rẹ ẹsosuọ vwẹ emeranvwe riyori o de rhi te Jerusalẹm, kidie obo esiri rẹ Ọghẹnẹ vọye herọ.

Ezra 8:18

Fiki rẹ obọ esiri rẹ Ọghẹnẹ rẹ avwanre ro nene avwanre dia na, ayen de ji ọshare ọvo ro vwo eriariẹ vwo rhe avwanre, vwẹ usun rẹ emọ rẹ Mahli rẹ ọmọ ri Livae, ọmọ rẹ Izrẹl, re se Sherebia vẹ emọ rọye, kugbe imoni rọye, ayen ihwe gbẹ ẹrenren,

Ezra 8:22

Fikiridie oma vo vwẹ re me vwọ ta kẹ ovie nẹ ọ vwẹ otuofovwi vẹ otu re gua iyesi ri nene avwanre je chọ avwanre nẹ obọ rẹ ivwighrẹn rẹ avwanre vwẹ idjerhe, kirobo rẹ avwanre ta kẹ ovie jovwo nẹ, Obọ rẹ Ọghẹnẹ rẹ avwanre yovwi kẹ ihwo ejobi re guọnerọ, ogangan rẹ ophu rọye herọ kpahe ihwo ejobi re senrọ.

Ezra 8:31

Etiyin avwanre de vrẹn nẹ urhie rẹ Ahava vwẹ ẹdẹ rihwivẹ rẹ emeranvwe rẹ ẹsosuọ na, vwọ kpo Jerusalẹm, obọ rẹ Ọghẹnẹ rẹ avwanre vẹ avwanre herọ, o de sivwi avwanre nẹ obọ rẹ ivwighrẹn rẹ avwanre re hwa hẹrhẹ avwanre vwẹ idjerhe.

Une rẹ Ejiro 107:42

Ohwo rẹ ọsoso kọ mrẹ ọ me ghọghọ, ihwo umwemwu ejobi ki rhurhu unu rọye

Isẹ 17:22

Udu sasasa yẹ omamọ rẹ uhuvwu, ẹkẹvuọvo erhi ro muomaphihọ nẹrhẹ ibeku rẹ oma ya muẹ.

Isẹ 3:8

kọ cha dia esivwo kẹ uvwo rẹ oma wẹn, ọ me rha vwẹ oma ọkpokpọ kẹ ibeku wẹn ejobi.

Aizaya 10:5

E, Asiria, ophiaphien rẹ ophu mẹ, ọkpọ rẹ omẹdja mẹ!

Aizaya 13:5

Ayen re nẹ ogboko cha, nẹ oba rẹ odjuvwu cha, Ọrovwohwo vẹ ekuakua rẹ ophu rọye, re ọ rhe vwọ ghwọrọ akpọ ejobi.

Aizaya 26:19

Irivwi wẹn ri ghwuru cha rhọ, ugboma rayen che vrẹn. E ihwo re dia iwurhie na, we vrẹn wa so ine wa ghọghọ! Kidie evwru wẹn ọye evwru rẹ urhukpẹ vwẹ otọ rẹ uhoho kọye ọ cha la mu.

Aizaya 26:20

Mọ, ihwo mẹ, ro ivun wẹn, re wo bi ẹchẹ gbe oma, Si oma wẹn nu emerha bẹsiẹ rẹ ophu rọye vwo fue.

Aizaya 30:27

Nighe, odẹ rẹ Ọrovwohwo che ne ogboko rhe, ọtorhẹ vẹ ophu rọye, vwe evun rẹ ọkpan rẹ ivwirhi, ẹbẹrunu rọye vọnre vẹ ophu, ẹrenvwe kerẹ ẹkuerhanre rọ torhẹ;

Aizaya 33:20

Gbe ni Zayọn, orere re avwanre da re erẹ. Ẹro wẹn kọ mrẹ Jerusalẹm, ẹdia ọfuefu, uwevwi re ibokpo ro je ghwie, re ighere rọye se ghwie-e, eyẹ ufi rọye ọvuọvo che vwrẹ-ẹ.

Aizaya 34:2

Kidie ophu mu Ọrovwohwo kpahe ẹgborho na ejobi, ophu djọghọ djogho kpahe usun re otu rayen, ọ vwe ughwu ke ayen nure, o siobọ ne ayen ke ehwe

Aizaya 35:2

kọ cha ghwẹ ẹbe phihọ gbidigbidi, oma kọ vwerhọn vẹ aghọghọ kugbe ine ẹsuọ. Urinrin ri Lebanọn ka cha vwọ kẹ, orhuarho ri Kamẹl kugbe Sharọn. Kẹ ayen cha mrẹ urinrin rẹ Ọrovwohwo na, orhuarho rẹ Ọghẹnẹ rẹ avwanre na.

Aizaya 41:20

rere ihwo vwọ mrẹ vwẹ vughe, re ayen roro re ayen vwọ vughc kugbe, nẹ obọ rẹ Ọrovwohwo ri ru Ọnana, nẹ Ọfuanfon Ọvuọvo rẹ Izrẹl na pẹ marọ.

Aizaya 42:13

Ọrovwohwo yan phia kerẹ ọgba, kerẹ ohwo rẹ ofovwi rẹ ophu kpare, ọ viẹ phia, o kperi phia, ọ vwẹ ẹgba rọye phia gangan kẹ ivwighrẹ rọye.

Aizaya 58:11

Ọrovwohwo ko sun we kọke kọke, kọ vwẹ emu esiri vọn ẹguọuọ wẹu evun, kọ ru ibeku wẹn gan, ku wọ họhọ ogba re ku ame ku, kere ogbugbu rẹ ame, rẹ ame rọye jẹ ẹkpọ.

Aizaya 59:18

Kirobo rẹ uruemu rayen epha, eriyin ọ hwa osa te, ophu vwọ kẹ ukọn umwemwu rọye, osa ẹhwa kẹ ivwighrẹ rọye; vwọ kẹ erhuru na ọ cha hwa osa kẹ ayen.

Aizaya 66:5

Nyo ota rẹ Ọrovwohwo na, ovwan re phariẹ kẹ ota rọye. Imoni wẹn ri tuoma wẹ re dje wẹ kufia fiki rẹ odẹ Mẹ tare nẹ, E ja vwẹ urinrin kẹ Ọrovwohwo, rere avwanre vwọ mrẹ aghọghọ wẹn, ẹkẹvuọvo ayen ihwo rẹ oma cha vo.

Zekaraya 10:7

Etiyin re Ifrem kọ cha họhọ ọgbọfovwi rode, udu rayen cha ghọghọ kerẹsiẹ ra mrẹ nẹ ayen da wain. Emọ rayen da mrẹ, oma kọ vwerhe ayen, udu rayen ke ghọghọ vwẹ evun rẹ Ọrovwohwo na .

Malakae 3:18

Ọke yena re kẹ ovwan che vughe ofẹnẹ rọ hẹ ohri rẹ ọvwata vẹ oruimwemwu, vwẹ uvwre rẹ ohwo rọ ga Ọghẹnẹ vẹ ọ ro jẹ ẹga.

Iyẹnrẹ Esiri ri Jọn 16:22

Ọtiọye na ovwan ke mrẹ odjadja vwẹ asakiephana, ẹkẹvuọvo me cha rhoma mrẹ ovwan udu rẹ ovwan kọ ghọghọ, ohwo ọvnovo gbi se mie ovwan aghọghọ yena-a.

Hibru 10:27

ẹkẹvuọvo kẹ iphierohọ rẹ oshọẹdjẹ rẹ ẹdjọeguo, ophu rẹ erhanre rọ cha torhẹ ukọn na.